Luke 7
7
1Neħ' heˑniˑyòòˑweħ no̱ˑnă̱h' gaˑgweeˑgo̱h' shaˑdwă̱ˑnoħk'dă̱ħ, haˑgo̱'yat'ho̱n'dasˑdah'gwaˑniiˑno̱ħ no̱ˑgweh', Caˑperˑnaˑum hesˑho'yo̱sˑo̱h.
2Neħ naˑyaħdaˑdooˑgă̱ă̱h' noˑhaħ'shăħ no̱'wa̱ˑgoˑwaaˑnă̱h' ne' sgat' deˑwă̱ħ'nyaħˑeeh noˑdis'gă̱ħˑă̱'gehˑdah, aˑgwas' hoˑno'o̱hˑgwaħ, neħ noˑno̱o̱k'daˑnih, oˑnă̱h' gwaħˑhuh' hă̱'eˑyo̱s.
3Neħ' noˑnă̱h' shaˑo'iˑwaˑo̱o̱k ne Jeˑsus, neħ neh, heˑa'go̱hˑho̱ħˑo̱h noˑdi'gă̱hˑjiħˑdaħˑsho̱ħ' ne Jews heˑthaˑyaħ'daˑdeħ, neħ no̱ˑwa̱nˑdo̱ˑe'syo̱hˑgwaˑniih ne gaaˑoħ' o̱n'daˑeet, o̱'saˑoˑjă̱ħt' noˑhaħ'shăħ.
4Neħ noˑnă̱h' waˑo̱ˑwa̱ˑyaħ'doˑwă̱ħt' ne Jeˑsus, oˑnă̱h' sho̱' kuh ho̱ˑwa̱nˑdoˑe'syo̱hˑgwa'nisˑo̱h, hoˑnă̱ă̱', Neħˑhuh' haħˑdeˑgaˑyeˑiħ' heˑniˑgaiˑwaħ ho̱ˑgweh ne doˑgă̱s neħˑhuh' na'ehˑsaˑdyeˑăħs.
5Neħ să̱ħ'ă̱h naˑno'o̱hˑgwaħ ne no̱ħˑo̱ˑgyo̱ˑă̱n'jòhˑdă̱ħ, neħ' kuh neh, sho̱ˑgwa'no̱hˑso̱ˑnyaˑniih' ne yo̱ntˑgă̱'nĭsˑatˑhaħ.
6Oˑnă̱h' ne Jeˑsus sho'neˑno̱o̱h. Neħˑhuh dih' noˑnă̱h' deħˑsweeˑă̱h' heˑnitˑga'no̱hˑsoot' no̱nˑda'eħ, oˑnă̱h no'wa̱ˑgoˑwaaˑnă̱h ne sgat' deˑwă̱ħ'nyaħˑeeh' hoˑdis'gă̱ħˑă̱'gehˑdah, heˑa'go̱hˑho̱ħ'o̱h noˑdă̱'oħˑsho̱ħ, heˑaˑwă̱ˑo̱h'seeh, Syaħ'daˑgwĕnˑniˑyòħ, Să̱ˑno̱h' ă̱hˑsaˑdaˑdyo̱'yaˑgă̱s'dʋk; neħ să̱ħ'ă̱h neh' soħˑjih niiħ' dwaˑgaaˑdòħk', naˑgwʋs' neħˑhuh' o̱n'dahˑsyo̱ħ heh akˑhno̱h'soot;
7Neħ' dih kuh dyoˑi'waħ neħˑhuh niˑya'wă̱ħˑo̱h haˑgă̱'no̱hˑdo'nyo̱sˑo̱h, niiħ' heˑniˑdyòˑdoħk', tă̱ħˑă̱h' thaħˑdeˑgaˑyeeˑiħ neh' ha'go̱ˑyaħ'doˑwă̱ħt; neħ gwaa' sho̱ ne' sesˑnyeħt, da', ă̱sˑhaaˑdo̱ħ' naˑeh' tgaˑgo̱nt' naˑgehˑhaħˑshăħ.
8Neħ să̱ħ'ă̱h niiħ noˑyaħ sho̱, ha'eħˑgwah dyo̱ˑgă̱'no̱hˑdo̱o̱ˑnih, ho̱ˑgeħ'hasˑdes'hăˑwii' sho̱ kheˑyă̱'no̱hˑdo̱o̱ˑnih' noˑdis'gă̱ħˑă̱'gehˑdah; neħ gă̱ă̱s ne shaˑyaħ'daat waˑeˑyă̱ˑo̱s, Sah'dă̱nˑdih, waah'dă̱nˑdiħ' gă̱ă̱s; oˑya̱ħ' kuh, Gaaˑjih', daah'dă̱nˑdiħ naeh; neħ kuh, naˑgeh'haħˑshăħ Nă̱ħˑho̱h' no̱ħˑjeeh', neħˑhuh gă̱ă̱s' na̱'a̱ˑyeeħ.
9Neħ noˑnă̱h ne Jeˑsus shaa'o̱o̱k nă̱ˑgă̱ă̱' no̱ħˑoˑiˑoħ'dă̱ħ, waˑoˑiˑwa'năăˑgòħ heˑniˑo̱ˑgweħˑdoħ'dă̱ă̱h, detˑho'dihˑsaˑdeˑnyo̱o̱h, neħ naˑgo̱ˑyă̱ˑa̱h'seeh no̱ˑgweh' no̱ˑwa̱'no̱nˑdăăˑdyeħ, Neħ nòħˑgwă̱'o̱s Tă̱ħˑă̱h' deħˑaˑgeeˑgă̱ă̱h' neħˑhuh' no̱nˑdaˑyòˑdaˑdes'ahˑdo̱''o̱o̱k aˑye'iˑwaˑgwĕnˑniˑyòs'thaak, tă̱ħ'ă̱h, ha'eħˑgwah, haaˑdi'yaħˑdaaˑdeħ neh', Isˑraˑel.
10Neħ he'niˑă̱ˑno̱nˑdiih' no̱ˑwa̱n'dihˑhaħ'o̱ˑo̱nˑdyeeħ, shoˑno̱k'do̱o̱h hesˑhoˑdiˑyo̱s'o̱h hetˑgaˑno̱h'sòòt, dyă̱ˑgwah' naeh ne' saˑo̱ˑwa̱ˑgă̱ħ' naaˑhaħ'shăħ shoˑdo̱ħ'o̱hˑji'wă̱h noˑno̱o̱kˑda'niˑak.
11Da neħˑhuh' heˑya'wă̱ħˑo̱h noˑnă̱h' saˑyòòˑhă̱ħt', neħˑhuh' heˑo'yo̱sˑo̱h he'tgaˑno̱nˑdaˑyă̱ħ ne Nain gaˑyaaˑso̱h; da neħ' neh hoˑno̱nt'gaħˑdeħ naˑgo̱ˑiˑo̱ˑnyaˑnih ho'neeˑno̱o̱h, gotˑgaħ'deħ kuh no̱ˑgweh.
12Da neħ' dih noˑnă̱h' dosˑgă̱'o̱h chiˑeħs heˑniˑgah'hoˑga'ă̱nt heˑgaˑno̱nˑdaˑyă̱ħ', Nă̱ niˑya'wă̱ħˑo̱h, neħ naˑwe'eˑyo̱o̱h' no̱'gweh wa'o̱ˑwa̱ˑyaħ'ditˑgă̱h, neħ' sho̱ shaˑyaħ'daat ho̱ˑwa̱'deħˑdo̱k' na'jiˑno̱h noˑnoħ'ă̱h; da' neħ haˑeħˑgwa' naeh ne goˑno̱h'gwaˑyes'haħˑo̱h; neħ kuh ne' gòtˑgaħ'deħ no̱ˑgweh' ne gaˑno̱nˑdaˑgo̱'oˑno̱ħ, shaħˑgaat' hă̱ˑneħ.
13Neħ noˑnă̱h' Naˑyaħ'daˑgwĕnˑniˑyòħ' shaˑgo'gă̱sˑo̱h, oˑyaħ no̱nˑdaˑyaˑwă̱h' naˑyaħ'daˑgo̱o̱h' he'no̱ħ'shaˑgoˑdă̱ă̱ħ, neħ neh, shaˑgaˑwă̱ˑo̱h'seeh, Să̱ˑno̱h' ă̱hˑsas'daˑă̱h.
14Oˑnă̱h' thohˑdă̱nˑdyo̱o̱h' haħˑdeˑoˑyă̱ˑo̱ˑnyo̱ħ naˑyaħˑdaah'go̱h; Oˑnă̱h neh' ho̱ˑwa̱'yaħˑdă̱ˑo̱ˑwiħ deˑoˑdiˑdaħ'o̱h. Neħ ne'aˑwă̱ă̱h, So̱ˑgweħ'daˑseeħ, Oħˑgo̱'yă̱ˑo̱s, Satˑgă̱h.
15Da' oˑnă̱h' naˑweeˑyo̱'no̱ħ saaˑde'nyòs'yòˑdă̱ħ, waah'saˑwă̱ħ' kuh oˑnă̱h' ne saas'nyeħt; oˑnă̱h' neħˑhuh' shoˑgo̱n'dahˑgo̱h heˑyeˑyaħ'daˑdeħ, noˑnoħ'ă̱h.
16Da neħ neh, gaˑgweeˑgo̱h' waˑoˑno̱nˑdă̱'yòˑgòħ; neħ gwaħˑhuh ne deˑo̱ˑwa'ă̱hˑsă̱ˑo̱ˑnyo̱sˑo̱h Na'wĕnˑniˑyòħ, hoˑnă̱ă̱, Neħ noˑdo'gă̱sˑdaˑniˑgoˑwaah' deˑo'daħˑo̱h, neħ kuh, naˑgo̱'yo̱ħˑseeh Na'wĕnˑniˑyòħ, naˑo̱'gweħˑdaħ.
17Da neħ' nă̱ˑgă̱ă̱' heˑwaˑi'waˑno̱ˑgă̱h, thiˑgaˑgweeˑgo̱h' tho̱nˑdaaˑweet ne Juˑdea, thiˑgaˑgweˑgo̱h' kuh, ne'neħˑhuh' yo̱'ă̱nˑjaˑdeeˑnyo̱ħ deˑjot'hwaˑdaaˑseeh.
18Oˑnă̱h' naˑgo̱'iˑo̱ˑnyaˑnih ne John, oˑi'waˑgweˑgo̱h' heˑno̱ħˑo̱'wă̱hˑsyo̱o̱ħ' sho̱ˑwa̱ˑooˑwiih.
19Neħ ne John hwa'go̱ˑno̱o̱k' oˑnă̱h' deˑi'yasˑheeh naˑgo̱'iˑo̱ˑnyaˑnih, neħˑhuh' heˑa'go̱hˑho̱ħ'o̱h hetˑhaˑyaħ'daˑdeħ neˑJeˑsus, haˑwă̱ă̱, Iis gă̱h neˑgă̱ħ' nă̱nt'heħ? o̱ˑgii', neħ' noˑyaħ' ă̱ˑya'gwaħˑni'go̱ˑă̱ˑă̱ħk?
20Neħ' noˑnă̱h' waˑo̱ˑwa̱ˑyaħ'doˑwă̱ħt nă̱'no̱ˑgweh', neħ ne'ooˑnă̱ă̱h', John ne Bapˑtist sho̱ˑgih'haħˑo̱n'dyeħ ă̱ˑgi'yaħˑdoˑwă̱ħt, thaˑwă̱ă̱' Iis' gă̱h ne gă̱ħ nă̱nt'heħ? o̱ˑgii', neħ noˑyaħ' ă̱ˑya'gwaħˑniˑgo̱ˑă̱ˑă̱ħk?
21Da neħ' ne' neħˑhuh niˑyòˑweħ' chiˑdyò'isˑdaħ'eeˑno̱ħ weeˑsòħ' saaˑgo̱ˑjă̱ħt' ne deħˑsha'diħˑhas'deˑnyo̱ħ, kuh neh ohˑhăătˑgiħ' hoˑdih'hăˑyă̱nˑdo̱ħ, kuh neh, otˑhwa'isˑhăătˑgiħs hoˑno̱nˑdyeˑno̱'wa̱hˑdo̱'no̱ħ; neħ' kuh, ne' gotˑgaħ'deħ, ne' deˑaˑdiˑgah'gweˑgo̱h' desˑhaˑgo̱ˑgah' gwa'ih'so̱o̱h.
22Oˑnă̱h' ne Jeˑsus detˑhos'nyeħˑo̱h haˑgo̱ˑyă̱ˑo̱hˑseeh, Saˑjah'dă̱nˑdih, sheˑjiˑooˑwih', kuh, ne John ne no̱ħˑoˑiˑoħ'da̱ħˑsho̱ħ' eˑjat'gatˑhòħ, kuh neh eˑja'o̱o̱k; he'no̱ħˑo̱o̱ˑwă̱h' saˑdiˑdok'haħˑheħt' ne' deˑaˑdiˑgah'gweˑgo̱h; gohˑsoħ'khaħ detˑgaˑyeeˑiħ' saˑyo̱h'dă̱nˑdiħ; hoˑdi'yaħˑdat'gă̱sˑgwaħ saˑo̱ˑwa̱nˑdi'yaħˑdaˑgo̱ˑeeħ; deˑă̱'no̱ħˑsweeˑgo̱h' saˑă̱'no̱ˑo̱o̱k; hoˑni'eˑyo̱'no̱ħ saˑo̱ˑwă̱ˑno̱o̱ˑheet; naeh haˑdi'yaħˑdaaˑdeħ no'niˑdă̱ă̱s neħ naeh ne gaˑi'wiˑyòòh hoˑwa̱n'ditˑhăăh'gwaˑnih.
23Neħ' dih noˑdă̱ă̱ˑo̱h, neh, so̱'diħˑgwa'naħˑot ă̱ˑgă̱ˑa̱a̱k daħˑde'oˑdoˑdăăh'daˑniiħ he'gyaħ'daaˑdeħ.
24Neħˑhuh noˑnă̱h' noˑhaħ'shăħˑsho̱ħ' ne John saaˑyat'hăˑdaat, oˑnă̱h' hohˑsaaħ ne' neħ waa'go̱sˑnyehˑdahˑgwă̱ħ' no̱ˑgweh, haaˑyaħ'daˑdeħ ne John, Aˑnaħˑot' swehˑhe'ak ă̱ˑyaˑgwaˑgă̱ă̱ħ, deħˑdyeˑno̱ˑgeeˑnyo̱ħ heˑswakˑdo̱o̱h'? Oˑgii', neħ ne găăˑhaħ aˑo̱nˑdaħˑdo̱h noˑaħ'gă̱nˑdaħ?
25Aˑdiˑnaħˑot swatˑgat'hwahˑso̱ˑno̱ħ; he'neħˑhuh' heˑsweħ'sgwaaħ'? Oˑgii', neħ no̱'gweh neh, oˑoħ'dă̱ˑo̱h hosˑyo̱'nyaħˑdo̱h? Jatˑga'ă̱ˑo̱h, neħ ne'huh naeh neħˑhuh' yeħˑdyo̱ħ ne' yo̱hˑgwiˑyòòh' kuh ne gòsˑhă̱'no̱o̱ˑniih' heh yaˑgo̱o̱ˑheħ hă̱'no̱ˑdyă̱nˑdah'gwaˑno̱h ne go'wăhˑgo'wasˑho̱ħ.
26Aˑdiˑnahˑot swatˑgat'hwahˑso̱ˑno̱ħ'? Oˑgii' neħ noˑdo'gă̱sˑdaaˑnih? Neħ' waeh noħˑgwă̱'o̱s, shaˑgo'ăhˑdaaˑniih ne'huh ne goˑdo'gă̱sˑdaaˑnih.
27Neħ' neˑgă̱ħ' nă̱ˑgă̱ă̱' hoˑdo̱o̱h', he'gaˑyaˑdo̱ħ, Satˑga'ă̱ˑo̱h, hwaˑeeˑhaħt naˑgeh'haħˑshăħ oˑă̱nˑdo̱o̱h' heeh'seˑgat, neħ ă̱ˑa̱ˑa̱s'yo̱ˑniħ heeh'seˑgat, hă̱ă̱ˑseˑno̱ˑo̱nˑdyeħ.
28Neħ să̱ħ'ă̱h noħˑgwă̱'o̱s, Neħ haˑdi'yaħˑdaaˑdeħ ne' neħˑhuh iˑgă̱ă̱' goˑno̱ˑgăˑdo̱h' heˑyeˑyaħ'daˑdeħ' ne ye'o̱h, tă̱ħˑă̱h' deħˑaˑgoˑdyaħ'daˑgwa'ihˑso̱o̱h so̱ˑgaaħ, no̱'o̱hˑsă̱ˑnoˑwa'nă̱ă̱ˑno̱ħ noˑdo'gă̱sˑdaaˑnih, naeh' heˑniˑyoħˑdă̱ă̱h ne John ne Bapˑtist neħ gwaa' naeh naˑgwʋs' heˑos'tho̱h he'o̱ˑweh' thă̱ˑno̱h'do̱ˑo̱ħ'shăˑgwĕnˑniˑyòħ Na'wĕnˑniˑyòħ, ne Gaˑi'wiˑyòs'dʋk iˑgă̱ă̱, neħ naeh si'gwa hoˑyaħ'daˑnăă'gwat.
29Neħ, heˑniˑyo̱o̱h' no̱ˑgweh' ne' waˑo̱ˑwa̱nˑdi'watˑho̱nˑdaat', kuh na'diˑwisˑde'oˑees, thai'waˑyeeˑiħ Na'wĕnˑniˑyòħ' he'waˑă̱ˑnă̱ˑno̱h'do̱ˑnyo̱o̱ħ, heˑneħˑhuh naeh dyaˑweh'dahˑgo̱h' ne bapˑtism hoˑno̱n'do̱ħˑseeħˑo̱h haaˑyaħ'daˑdeħ ne John.
30Neħ gwaa' ne Pharˑiˑsees, kuh ne' deˑaˑdiˑya'nesˑhăħ'nyaaħ, deħˑga'iˑwaħ' sho̱' waˑă̱ˑno̱o̱ˑniħ', he'no̱ˑgo̱ˑyeeˑăħs Na'wĕnˑniˑyòħ haˑdi'yaħˑdaaˑdeħ, heh, tă̱ħˑă̱h' naeh nooˑno̱o̱ˑho̱ħ neħˑhuh deħˑdya'wehˑdah'go̱h neˑbapˑtism hoˑno̱n'do̱ħˑseeh haaˑyaħ'daˑdeħ.
31[Oˑnă̱h' haˑwă̱ă̱' Naˑyaħ'daˑgwĕnˑniˑyòħ,] Gaˑă̱ˑo̱ˑweh dih' no̱o̱h, no̱ħˑdo̱o̱'sakˑheˑyă̱ˑo̱ˑdăăk' no̱ˑgweh' nă̱ˑgă̱ă̱' gaˑwaˑjiˑyăăˑdeħ'? neħ' neh, a ă̱ă̱ħ no̱o̱ gwʋs desˑhaˑdiˑyă̱ˑo̱nˑdăăh'go̱o̱h'?
32Neħ' desˑhaˑdiˑyă̱ˑo̱nˑdaaħ' heˑniˑyòħ'dă̱ă̱h naˑdik'saħˑsho̱ħˑo̱h hă̱ˑniħ'dyo̱ħ hă̱ă̱ˑno̱ntˑgeˑo̱n'dahˑgwaħ, neħ ne' deˑă̱ˑno̱nˑda'dyasˑho̱o̱ˑnyo̱h, hă̱ˑno̱nˑdo̱h' kuh, Neħ' ne gwă̱'o̱ħˑdaˑwaˑdiih, tă̱ħ'ă̱h dih daħˑde'swatˑgwă̱ă̱ħ; neħ ne gwaˑdă̱'no̱ħˑse'ak, tă̱ħˑă̱h dih daħˑdeˑswaˑgah'săˑnisˑhă̱ħˑsyo̱ħ.
33Neħ' waeh ne' sha'aˑyo̱ħ' ne John ne Bapˑtist tă̱ħˑă̱h' neħ deˑo'go̱ˑo̱nˑdyeħ' noˑăh'gwaħ, neħ' giħˑshă̱h aa'oˑneˑgeˑa̱nˑdyeħ ne wine; da neħ' niis ne swaaˑdo̱h', Neħ' hoˑaaħ naˑnisˑheˑooˑno̱ħ.
34Neħ' naeh No̱o̱ˑwa̱'wa̱k no̱o̱ˑgweh', heh ho'oˑyo̱o̱h', hoˑdek'ho̱ˑni'aˑdyeħ, haaˑne'geˑhaħ gwaħˑhuh, da neħ' ne swaaˑdo̱h' Sheˑswat'gatˑhòh' no̱'gweh, noˑnyaħ'dooˑwis, haˑneˑgaˑgaħ'wasˑthaħ' kuh ne wine, neħ hoˑno̱nˑdă̱ă̱ˑoħ naˑdi'wisˑde'oˑees, kuh noˑdiˑwa'neħˑaaˑgo̱h.
35Neħ gwaa' ne Gaħˑni'go̱hˑdʋs'hăħ gaˑgweˑgo̱h nokˑsaħ'daħˑsho̱ħ hoˑnă̱n'no̱hˑdo̱ħ heħ tă̱ħ'ă̱h deħˑo'yă̱ħˑhis heˑniˑga'yeˑhaħ.
36Da neħ'neh, shaˑyaħ'daat ne Pharˑiˑsees oħˑto'do̱ˑă̱nˑjoos neˑda'aˑyaˑdo̱nt. Oˑnă̱h' neħˑhuh' heˑo'yosˑo̱h hooˑno̱h'soot ne Pharˑiˑsee, neħˑhuh' hoˑdyaħ'daˑdă̱hˑdaaħ oħˑthat'hyòhˑsooˑdă̱ħ waˑdekˑhwaah'gwaħˑsăăkˑah neħ na'aˑdek'ho̱ˑniħ ne, gakˑhwa'eeħ.
37Neħ ne Satˑga'ă̱ˑo̱h, neħ' ne yaˑgo̱o̱ˑgweh', yeˑno̱o̱ˑgeħ' heˑgaˑno̱nˑdaˑyă̱ħ', neħ ne goˑi'waˑneħ'aˑgo̱h, neħ noˑnă̱h waħˑă̱'niˑno̱nˑdook', neħˑhuh gwah' hă̱ħˑdyo̱ħ' ne Jeˑsus hooˑno̱h'soot neˑPharˑiˑsee, haˑyaħ'daˑdă̱h'daaħ deˑot'hyòhˑsot waˑdek'hwaah'gwaħˑsăăkˑah, dyaˑgo'o̱sˑhă̱ˑa̱a̱h neħˑhuh' no'no̱ħ ne gaˑsă̱ˑno̱ˑgaħ'o̱h,
38Neħˑhuh deˑyaˑgoˑdaħ'o̱h heˑdeˑah'siħˑdaˑdeˑnyo̱ħ hasˑho̱'neh, yo̱sˑdaaˑhaħ, oˑnă̱h' gohˑsaaħ' ne waˑo̱'wa̱hˑsiħ'doˑaaˑeħ, oˑgah'săħ goˑyeˑăħˑdah'go̱h, neħ' kuh sho̱ˑwa̱h'siħˑdaˑgo̱ˑe'wahˑdo̱h ne goˑgeħ'ăħ, oħˑdyeˑjiˑgwaaˑyo̱o̱ħ gwaħˑhuh', naaˑsiħ'daħˑgĕh, neħ' kuh daˑya'gòhˑgaaħ' no'no̱ħ.
39Neħ' dih, noˑnă̱h ne Pharˑiˑsee, noˑdo̱ˑeˑsyo̱h'gwaˑniih' het'hooˑyo̱o̱h, shaat'gatˑhoħ', neħ' ne' waaˑdaˑdă̱'a̱s, Neħ' nă̱ˑgă̱ă̱' ho̱ˑgweh, teˑoˑdoˑgă̱s'daˑnih' giħˑshă̱h, aas'haˑgoˑyă̱nˑdeeħˑo̱h', no̱o̱h, kuh, heˑniˑyaˑgo̱ˑgweħ'doħˑdă̱ă̱h, nă̱ˑgă̱ă̱ yaˑgo̱o̱ˑgweh', nòòħ'to̱ˑwa̱ˑyă̱ˑo̱ˑnyo̱o̱ħ; neħ să̱ħ'ă̱h ne goˑi'waˑneħ'aˑgo̱h.
40Oˑnă̱h' ne Jeˑsus tosˑnyeħ'o̱h haˑwă̱'o̱hˑseeh', Siˑmon, Neħ' ne gă̱ħ' naˑgi'waˑyă̱ħ ă̱ˑgo̱'oˑwiħ, Neħ ne'aaˑwă̱ă̱h, Saˑdi'o̱ˑnyaaˑnih, sat'hyòòˑwih.
41Neħ' naaˑyaħ'daˑdooˑgă̱ă̱h' no'geˑoˑdo̱k, deˑi'yʋsˑheeh' naa'go̱ˑgeˑoˑdaˑniih; neħ ne' shaˑyaħ'daat wis' no̱ħˑdeˑwă̱ħ'nyaħˑeeh' niˑgah'siˑyo̱ħ'shaˑgeeh, niˑot'geˑot da oˑnă̱h neh' shaˑyaħ'daat wis' naeh niˑwʋs'hă̱ă̱h.
42Neħˑhuh dih noˑnă̱h' tă̱ħˑă̱h' deħˑshoˑdiiˑyă̱ħ' na'iˑgaˑnyaħkˑdʋk, do'gă̱sˑo̱ˑweh' deˑiˑgweeˑgo̱h', do̱'saaˑgo̱ˑiˑwaħ'săˑgwʋs, Dak'hyòòˑwih, dih, gaˑă̱ no̱o̱ niˑgaaħ' weˑsoħ', ă̱'oˑnoˑo̱hˑgwaak'?
43Detˑhos'nyeħˑo̱h ne Siˑmon, haˑwă̱ă̱h', neħ' niˑwiih, neħ no̱o̱' kuh' naeh, ne weeˑsoħ' do̱ˑsa'o̱ˑwa̱'iˑwaħ'săˑgwʋs. Neħ ne waa'wă̱ˑa̱s, dahˑsyeeˑis' hoħˑchyaħ'doˑweet.
44Oˑnă̱h' neħˑhuh, ho̱ˑsaatˑgah'dă̱ħ he'yeħˑdyo̱ħ, ne ye'o̱h, neħ' ne waa'wă̱ˑa̱s ne Siˑmon, Sheeˑgă̱h nă̱ˑgă̱ă̱ ye'o̱h? Neħˑhuh dwaˑgyo̱o̱h' heˑsaˑno̱h'soot, tă̱ħ'ă̱h deħˑòs'to̱o̱h deħˑsgaaˑwiiħ' no'neˑgaˑnos naaˑgă̱ă̱h'siħˑdo'ăħt; neħˑgwa' naeh nă̱ˑgă̱ă̱ ne goˑgah'săħ waħˑo̱'gahˑsiħ'doˑaˑaħt, neħ kuh o̱ˑgah'siħˑdaˑgo̱ˑeˑwahˑdo̱h noˑgeħ'oot ne goˑno̱ħˑă̱ă̱ħ'gĕh.
45Neħ' kuh ne tă̱ħˑă̱h niis daħˑdes'geˑjiˑgwaˑyo̱sˑdo̱o̱ħ; neħ gwaa' nă̱ˑgă̱ă̱ yaˑgo̱o̱ˑgweh tă̱ħˑă̱h' ahˑso̱h' deħˑaˑgoˑniiˑhă̱ħ he'deˑyeˑjiˑgwa'yo̱sˑdaa'no̱h ne gahˑsiħ'daħˑgĕh.
46Tă̱hˑă̱h' kuh deħˑsoh'gaaħ no'no̱ħ nakˑno̱ħˑă̱ă̱ħ'gĕh; neħ gwaa' nă̱ˑgă̱ă̱ yaˑgo̱o̱ˑgweh oˑno̱ħ gahˑsă̱ˑno̱ˑgaħ'o̱h waħˑo̱'gahˑsiħ'dohˑgaaħ.
47Neħ' dih gaˑiˑo̱ˑnih' o̱ħˑgo̱'yă̱ˑo̱s, Ne goˑi'waˑneħ'akˑshăħ, naeh heˑniˑweeˑsoħ', desˑgaˑiˑwaħ'săˑgwă̱h; neħ să̱ħ'ă̱h ne weˑsoħ' o̱kˑnoˑo̱hˑgwaħ; neħ să̱ħ'ă̱h heˑyeˑyaħ'daˑdeħ ne niˑyòˑiˑwaħ'aah' sho̱ do̱ˑsa'yo̱nˑda'diiˑwaħ'săˑgwʋs, osˑto̱'o̱h sho̱, kuh' naeh tiˑyeˑnoˑo̱hˑgwaħ.
48Oˑnă̱h' shaˑgaˑwă̱ˑo̱h'seeh, do̱ˑseˑsaˑdi'waħˑsăăˑgwʋs ne saˑi'waˑneħ'akˑshăħ.
49Da neħ he'niˑă̱ˑno̱nˑdiih' ne shaħˑgaat' deˑoˑno̱nˑdo̱nˑdo̱h', waˑă̱'no̱hˑsaaˑwă̱ħ' thoˑnă̱ă̱h' naˑdi'yaħˑdaaˑgo̱o̱h', So̱'naħˑot' neˑgă̱ħ' nă̱ˑgă̱ă̱' ne gaˑi'waˑneħ'akˑshăħ' ha'eħˑgwah' desˑha'iˑwaħ'săˑgwʋs?
50Oˑnă̱h shaˑgaˑwă̱ˑo̱h'seeh ne yaˑgo̱o̱ˑgweh', neħ' eˑso̱o̱ˑheet', ne saˑi'waˑgwĕnˑniˑyòs'do̱sˑhăħ; Sgaˑno̱ħ' să̱ˑno̱h'doˑnyo̱'o̱o̱k sahˑdă̱nˑdih.
Currently Selected:
Luke 7: SEE
Highlight
Share
Copy
Want to have your highlights saved across all your devices? Sign up or sign in
Gospels published by the American Bible Society in 1872, Psalms in 1892.
