Zekaria 9
9
Israel Ngumvüko Ketsokecü
1Die puo pukeshü.
Jihova die Hadrak kijüu petsou,
mu Damaska gei batatuo.
Kekreilamonyü Aram#9:1 Cn: Ibri Adam (morei themia nuo). seluoba#9:1 Ibri Themhi. Jihova viekecü la,
Israel seyie peteko tuoi di;
2Hamat rei sa, süu puo tierie nu kebau,
Tur mu Sidon, unie thuo mhasi se ba rei.
3Tur-e badi chüliete,
sidi nyophe tuoi rakachü pfhekengulie,
tsiu sunae chaü nu mha kerhuko tuoite.
4Derei tsie we, Jihovae puo vieko chüsetatuo,
siro puo kinyiko kelhoupie dzükezha nu shüwatuo,
sidi mi bu puo pekawatuo.
5Ashkelon-e süu ngu di michietatuo,
Gaza rei puo nousuo di meyhumezhietatuo;
Ekron rei sa, puo kemerüko thenga chüketa la.
Kediu Gaza nunu katatuo.
Ashkelon nu themia lhou motatuo;
6themia kereikecü Ashdod nu lhoutatuo,
tsiu ae Filistinko kemiakokecüu pie puo thela chüwatuo.
7Ae puo me nunu puo zieu,
siro puo hu donu mharhi kemo kemecüu chüsetatuo;
puo rei úko Kepenuopfü la lhiekelieu chütuo;
puoe Juda nu chienuo puo mhietuo,
mu Ekron-e Jebusmia mhietatuo.
8Sitse ae kipfhemia puo kemhiei a kiu nu balietuo,
sitse miapuorei tuo kho mu ke motatuo;
mia kepesemia puorei süko pfüthe la volie lho,
kekreilamonyü tsie we a a mhipie nguwaketa la.
Ukepenuopfü Themiako Kekhaketuou
9N nei philie, He-i Zion nuopfü!
Shie petoshülie, He-i Jerusalem nuopfü!
Harie, n kediu n ki vorzhie;
zapuzayie mu kuokelie sü puo zo,
menenuoi di gada geinu,
gada kemedzü yopuo gei tuo.
10Puoe Efraim nu kierbagei,
siro Jerusalem nu terhü kier pekawatuo;
tsiu terhü theü dathewatuo,
sidi puoe seyieko bu vitho chünushütuo,
puo kedirüvie-e dzükezha nunu vo dzükezha ketsotuo,
mu Kerüu nunu vo kijü vala ketsotuo.
11Siro n la zowe, a zie se n ze dietseidiekho chükelie la,
ae dzü kejü kheho nunu n diemiako ze parshütuo.
12Nie dahou gei votalie, he-i kemerü keba kediemiako;
thie a n gei puo de kenie khashüketuo pushüya.
13Kekreilamonyü a theü tuoi Juda galiete;
a Efraim pie puo theütsie chüshü.
A n nuonuoko piesieshütuo, He-i Zion,
süko bu n nuonuoko petsoutuo, He-i Gris,
sidi n chüpie terhümiavimia zhiecha mhieshütuo.
14Sitse Jihova uko mho geinu partuo,
siro puo theütsie teikemela tuoi votuo;
tsiu Niepuu Jihovae ketsü khoushütuo,
mu pekhrotsa khriedi ze mele votuo.
15Krodiko Jihova uko yalietuo,
ukoe ketsie deiyakezhako#9:15 Cn: Ibri Theütsie. peka mu kedewatuo;
ukoe zu tuoi süko zie krietuo,
siro mhabou mhiei tshulietuo,
tsiu ruosuoba puokeko mhie thezie üse petsewatuo.
16Sünhie Jihova uko Kepenuopfü uko kelalietuo,
kekreilamonyü ukoe puo kuokro-u zokecü la;
ukoe keditsüre gei ketsie puoma kerepfü tuoi,
puo kijü nu zieshüketuo la.
17Kekreilamonyü puo kevi mu puo zivi kide zha shi!
Telhae khriesamia chüpie vilieya,
tsiu khubezu kesae rüüko chüpie vilieya.
Currently Selected:
Zekaria 9: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
