Zekaria 13
13
1Sünhie David kiu gei kephouma mu mesa kemoko khrü kemesaketuo la dzüluo puo partuo.
Terhuorhi Kerüsuo Khakewa
2Sünhie krodiko Jihovae puya, ae kijüu gei terhuorhi zako dathewatuo, sitse süko rükra sa motatuo; süsie rei a kijü süu geinu siedzekesiko mu mesa kemo ruopfüko biewatatuo. 3Mu siedzekesimia huo la sierta ro, uko puonuoko mu uzuonuoko sie uko ki, “Nie rhei balie kenjü, nie Jihova za nu kemeda pu rei si momu,” isituo; siro uko puonuoko mu uzuonuokoe uko siedzekesi pukecü ki uko rhükhriwatuo. 4Sünhie siedzekesiko, mia puopuokecü, u ziemhoko se siedzedie pukecü ki mengalietuo; uko miasekedoketuo la pfhemie pie u whese tuolie lho, 5derei uko pete rei sie, “Ae siedzekesimia mo, ae lieciemia zo; kekreilamonyü a khriesa nu kijüu pie a vie chü sesierte,” situo. 6Sidi mia puoe uko ketso di, “N merü gei rüza hako kedipuo ga?” isi ro, uko diekelakeshüu sie, “A zemiako kikru nunu a rüza hako pfüliewe,” isituo.
Kuopfheu Vüwa, Tekuoko Cüreta
7“Sielie, he-i zhiechau, a kuopfheu petsoulie,
a dziese themiau petsoushücie,” idi krodiko Jihovae puya.
Kuopfheu vüshücie, sitse tekuoko ta cüretatuo;
a a dzie chapie nhicuko gei shütuo.
8Jihovae puya, kijü pete nu se-zakenie dathewatuo sidi katatuo,
mu se-zapuo bu rhei balietuo.
9Sidi a za se hau pie mi nu shütuo,
rakachü chü kemesakecü tuoi chü kemesatuo,
tsiu suna kevikesuo mehokecü tuoi mehotuo.
Ukoe a za kietuo,
mu a uko pfhekhoshütuo.
Ae sie, “Ukoe a themia zo,” ituo,
mu ukoe sie, “Jihova sü úko Kepenuopfü zo,” situo.
Currently Selected:
Zekaria 13: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
