Zekaria 10
10
Juda mu Israel Kelakeshü
1Nieko bayie teiu nu Jihova ki teirü chalie,
Jihova kimhou chükeshüu,
tei perüpie nie ketsüu,
lie nu nha menyieko pie mia pete tsüya.
2Kekreilamonyü terafim-e#10:2 Moro Kikru rhuoko. kemethuo puya,
tsiu mha ngulieyakezhakoe kemeda nguya;
u mho pemakecükoe kemeda mho pushüya,
siro thupeluolie kelho kemethuo die puya.
Süla themiakoe tekuo tuoi yotuote;
uko kepfhe kejü la kemezhie tuote.
3A nouyie-e kuopfheko gei ba,
mu a krütako siazha chüshütuo;
krodiko Jihovae puo kuokro-u, Juda kiu dze leyacü la,
tsiu uko chüpie terhü kier kevipfü mhiewatuo.
4Uko geinu puoke nu tsieu partuo,
uko geinu dzüpfheki seizhieu partuo,
uko geinu terhü theü partuo,
uko geinu krüta kehoupuorei partuo.
5Uko keze terhü nu terhümiavimia mhietuo,
chaüko nu u ngumvümia kedepie nyoba chüwatuo;
uko terhü chütuo,
Jihovae uko ze tuocü la,
sidi ukoe kier gei ketuoko bu thenga chütatuo.
6A Juda kiu chü kemeteishütuo,
mu a Josef kiu kelashütuo,
A uko ze la vorshütuo, kekreilamonyü a uko ngumezhiecü la,
tsiu uko bu ae uko meliewa kemo mhie lalietuo;
kekreilamonyü a Jihova uko Kepenuopfü mu a uko pfhekhoshütuo.
7Sitse Efraimmiakoe terhümiavimia mhielietuo,
mu uko nou khubezu kekrie tuoi u neilietuo.
Uko nuonuoko süu ngu di u neituo,
uko meloue Jihova geinu u noumvülietuo.
8A uko la zasi chüshü di uko kie kengulietuo,
kekreilamonyü a uko rhaliete,
sidi ukoe thiedzü kemhie kra phi lalietuo.
9A thuo uko chüpie seyieko donu cürewa zorei,
sirei ukoe rüna kepetseko nunu a rükralietuo,
sidi u nuonuo theketuo mu la vortuo.
10A Ijipt kijü nunu uko ze kinu la vorshütuo,
tsiu Asiria nunu uko pfhü kengulietuo;
a uko ze Gilid mu Lebanon kijü nu la voshütuo,
uko la sünu thechü jüta kemochie.
11Ukoe kemezhiekecü dzükezhau cie votuo,
sidi dzükezha rüpfhüko vüwatuo,
mu Nail kesouu pete sotatuo.
Asiria kemiakokecü bie kerünuowatuo mu Ijipt theu bu tuotatuo.
12A, Jihova geinu uko chü pekuoshütuo,
mu ukoe puo za nunu chatuotuo, Jihovae siya.
Currently Selected:
Zekaria 10: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
