Rommiako 14

No Mia Le Pejo Hie

1Nieko kepele kethachümia#14:1 Moro thepfu toukemomia. zorei zeliecie, derei u kele pu keprüliketuo le hie. 2Mia huo mhakehoupuorei cülie kevi peleya, sirei kethachümia ga rübei cüya. 3Süla mhakehoupuo cüyakezhamia cüyakemomia rütseta hie, mu cüyakemomia rei kecümia le pejo hie; Ukepenuopfü u zelieketa la. 4No supuo di kekreimia kituou le pejoya ga? Uko thalie rei krüta rei u niepuu thuotie, mu uko thalietuo, kekreilamonyü Niepuu puo bu thalie kevi chüshütuo.

5Mia puoe teisozha kekrei puo ki rei teisozha puo rhukuoya, mu kekrei puoe teisozha pete rei kemhie zo ükecü leya. Kehoupuo bu rei puo thuo puo nou nu puotouu leliecie. 6Teisozha puo se pekreiyakezhau, süu Niepuu kerhu nu siya. Siro kehoupuorei cüyakezhamia Niepuu kerhu nu cüya, süu la kethezie pie Ukepenuopfü tsüyakezha la; derei cüyakemomia Niepuu kerhu nunu zo mu süu la rei Ukepenuopfü thezieya.

7We kehoupuorei u thuo u la rhei ba mo, mu u thuo u la sia reiya mo. 8We rhei shierei, Niepuu la rhei baya, mu we sia shierei Niepuu la siaya; süla we rhei rei sia rei, we Niepuu vie zo. 9Haha la Khrista bu kesiako mu kerheiko mho Niepuu chütuoü sia di rheilaliete.

10Kiüdi no n siezedzüriemia pejoya ga? Morei no, kiüdi n siezedzüriemia thiya ga? Úko pete rei Ukepenuopfü dienya bau mhodzünu tha phre zotuocü la. 11Süu thupie kezhü:

“A rhei ketuo tuoi, khoudza pete

a mhodzünu khoutou phretuo,

mu meü pete Kepenuopfü tshe#14:11 Moro phra. phretuo,” Niepuue siya.

12Süla u kehoupuorei Ukepenuopfü mhodzünu u thuo u rüli lha phreshütuo.

N Siezedzüriemia Chakha Chü Hie

13Süla úko huoniehuo le pejo molie khe, sikecüumonyü kekreimia phi kemesü morei perheshü molieketuo leliecie. 14A Niepuu Jisu geinu mhapuo si tou mu le touse tuote süu mhapuorei puo thuo zowe mesa kemo jü; derei mia puoe mhapuo mesa mo üdi leta ro, süu puo la mesa mote. 15N kecüca la n siezedzüriemia bu rüzalieta ro, no kekhrie nu tuo mote. N kecüca la no mia puo Khristae puo la siakeshüu pekawa hiecie. 16No vi üdi leyakezhau mia bu thata hie. 17Kekreilamonyü Ukepenuopfü kedi-e kecükekrietsa monyü kemiatho tsiu noune mu Kemesa Ruopfü nunu u neikecüu zo. 18Kehoupuorei hamhie di Khrista lie chüyakezhau Ukepenuopfü nei chüya mu mia rei sümia rhuya. 19Süla u kehoupuorei kezekevi mu huoniehuo chü pevilieketuo whuo zolie khe. 20Kecüca la Ukepenuopfü mhatho bie pesuowa hie, mha pete rei mesa zo ketho, derei n ca la kekreimia bu krüta ro, süu kekrü. 21Süusü themuo cü mo, morei zu krie mo, morei kehoupuo chü rei n siezedzüriemia phi kemesü chüwa kemo-u puotou. 22Süla n thuo vi üdi si touketa kepele n gei baketau pie Ukepenuopfü nnie donu tuolie. Puo thuo puo le pejo mo di mu puo chükezhau puotou üleya ro thejakepfütho. 23Derei kehoupuorei kenoudo di cü üro, süu jotaya, kekreilamonyü kepele#14:23 Moro thepfu tou di. geinu cü mokecü la; mhakehoupuorei kepele geinu bode chü kemo khe sü kephouma zo.#14:23 Leshü kewe huo nu 16:25-27 pie hanu shüya.

Currently Selected:

Rommiako 14: ANBRBSI

Highlight

Copy