Mhasidie 13
13
1Nuo mhakesiue kepetha die rünyüya,#13:1 Cn: Ibri Mhakesi nuoyoe puo puo kepetha.
derei mha krenyüyakezhau puo kerhiekecü die rünyüya mo.
2Themia puo die geinu mha kevi cüükrietuo,
derei kejo kechümia mhakeboukecü menguya.
3Puotie kekhase balieyakezhamia puo kerheiro se balieya,
derei puo me mekuo kemeyakeshümia kepeka ngulietuo.
4Mhachü kemecümiae mha lie nyü baya,
sirei mhapuorei ngulieya mo,
derei keshürheimia nyilietuo.
5Kemiathomiae ketijü mecüya,
derei kelhiecümiae menga kemo mu therhu kejü thoko chüya.
6Kemiathoe puo cha nu mezhü tuoyakezhamia rüguose balieya,
derei kephoumae kerüzhümia penyüwaya.
7Mia puoe kenyi khrava baya,
derei mhapuorei baya mo,
kekrei puoe kejü khrava ba,
derei kinyi kekra baya.
8Mia puo kerheiro rhalieketuoe puo kinyi zo,
derei kejümia gei kedekecü vorya mo.
9Kemiathomia mitue ziekruoi baya,
derei kelhiecümia mitu we mhetaya.
10Mha rünyü mo kethesükecü geinu kegei vorya,
derei tarhokecü die lieyakezhamia gei mhasi ba.
11Dopuo nu#13:11 Gk Vg: Ibri Kemethuo nunu. ngukelie kinyi-e tsa miemietatuo,
derei rülili di krakelie kinyi-e kra miemielietuo.
12U kemerüu ngulie mota ro u nou suotaya,
derei u kemenguu ngulie ro süue kerhei seibo puo mhie zo.
13Kehoupuorei dieu rütsekecümia pekawatuo,
derei diekhakeshüko rhuyakezhamia u zhakhra ngulietuo.
14Kesimia kepetha die-e kerhei dzüluo puo zo,
süu kesia ciephrie nunu tapralieketuou zo.
15Kele kevi-e mia khrie pfülieya,
derei kepele kejümia chae kepeka zo.
16Ketseiphreimiae mha pete nu mhasimhale se mhachüya,
derei mhalekemo-u puo kenya hielashüya.
17Kerüzhü dieliemiae kemezhiekecü kere se vorshüya,
derei pelelie kesü dieliemia keshürho se vorya.
18Kepetha die lie kemvümiae mhajü mu mengalietuo,
derei kepethadie lieyakezhamia therhupfülietuo.
19U kemengu ngukelie ki kenei u gei vorya,
derei kemeloko we kesuo nunu takelie mecüya.
20Kesimia zeketuomiae mhasilietuo,
derei mhalekemomia zeketuomia gei kepeka vortuo.
21Theruokesuoe kephoumamia whuo tuoya,
derei kruokelie pie kemiatho zhakhra chütuo.
22Kevimiae puo nuosenuoyie la rei kayie khapie tuoya,
derei kephoumamia kinyi-e kemiathomia la kengupie keba zo.
23Kejümia lie-e kecüca kekra khashülie vi,
derei dietho kemoe süu tshosetatuo.
24Seiro sekemomia u nuonuo ngumecüya,
derei u nuonuo khrieyakezhamia uko petha menuolieya.
25Kemiathomia puo vavü ngulieya,
derei kerüzhümia va methuo tuoya.
Currently Selected:
Mhasidie 13: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
