Mathi 2

Niathutsa nu Mhakesimia Kro Puo Kevor

1Herod kedi chü keba ki Judia kijü Bethlehem nu Jisu penuokelie ki, niathutsa nu mhakesimia#2:1 Moro khrüthemvü meho di themouyakezhako; Gk Magi. kro puo Jerusalem nu vor, 2di sie, “Judamia kediu penuo ze kebayo kirapuo ba ga? Kekreilamonyü hie niathutsa nu puo themvüu ngu di puo kelutuoü vorzhüwe,” ita. 3Siro süki kediu Herod hau sishü di puo nou kehoukeruo chüta, mu Jerusalem nu keba pete rei puo ze u noukemezhieta, 4sidi zievokezhako mu themia donu thezhokepethako pete kie kengu phrelie di Khrista sü kirapuo nu penuotuoü ba shicü ketso. 5Uko sie puo ki, “Judia kijü Bethlehem nunu tuo; kekreilamonyü siedzekesiu bu hai di thupie zhüwaketa la:

6“ ‘Mu no, Juda kijü nu Bethlehem,

Juda kijü nu rüna kemeyieko donu kecütho-u mota zo;

kekreilamonyü n geinu kedimia puo siertuo,

puoe a themia Israelko kepfheu#2:6 Moro mho di. chütuo.’ ”

7Sitse Herod pekhre mhakesi süko kielie di themvü süu parketa zha kitsuote shicü uko kinu si toulie. 8Süsie puo uko ketsepie Bethlehem nu shü di, “Nieko vo menuo di unuoyo pfhüliecie; sidi nieko puo ngulie ro dielie se a ki vorcie, a bu rei vo puo rüsuoketuo la,” sishü. 9Siro uko kediu die silie di tuota; mu uko niathutsa nu ngukecü themvüu uko mhodzü rie vo unuoyo kebachüu tsolie di süu mho tou gei zhata kemochie tuo. 10Siro ukoe themvüu süki thaketa ngu tse uko neipie mhapuochüta. 11Siro uko ki sünu le ru unuoyo puo zuo Maria ze ba di ngulie, siro uko khoutoutsu puo rüsuo; sitse uko u kinyidzeko phreilie di, suna, mha kethengu mu mür khapie puo tsüshü. 12Süsie uko bu Herod ki la vo moketuo la, uko mho geinu Ukepenuopfü medo silie di cha kekrei ze u thuo u ra vota.

Jisu Ze Ijipt nu Kevo

13Siro uko tuoketa sie Josef mho geinu Niepuu dieliemia puo vor di, “Sielie, di unuoyo mu puo zuo ze Ijipt nu tsutalie; mu a n ki pushü kemochie no sünu ba zolie; kekreilamonyü Herod-e nuo cüyo dukhriwatuo üdi puo pfhütuoü bate.” 14Sitse Josef sielie di pezei unuoyo mu puo zuo ze ta Ijipt nu tsuta, 15sidi Herod siata kemochie sünu bata. Mha hau chüketa thiedzü Niepuu siedzekesiu geinu, “A Ijipt nunu a nuo kieliewe,” idi pupie kezhüu bu tseilieketuo la zo.

Nhicunuoko Kedukhri

16Siro Herod-e mhakesiko puo sewaketa ngulie tse puo nou rüpepie mhapuochüta, sidi puo mhakesiko kinu themvü kepar teiu sikelie medzi di mia ketsepie Bethlehem mu sükhieümhou nhicunuomia cie kenie mu sükhroko pete dukhriwa. 17Hamhie di thiedzü Jeremia siedzekesiu geinu pupie kezhüu tseilie:

18“Rama nu kekra pfhe puo si vor,

kra mu thekrü chü phi,

Rachel bu puo nuonuoko krü krakra;

puo nuonuoko tuo moketa la, puo nouluolie mvüta.”

Ijipt nunu Jisu Ze Vorketa

19Siro Herod siaketa sie Ijipt nu Niepuu dieliemia puo Josef mho geinu puo pengu di sie, 20“Sielie di unuoyo mu puo zuo zelie, di Israel kijü nu votalie, unuoyo kerheiro liewatuoü pfhü ketuoko siatakecü la.” 21Sitse Josef sielie di unuoyo mu puo zuo ze Israel kijü nu vorta. 22Derei puo Arkelae puo puo Herod sou chü di Judia nu kedi chü keba silie tse, puo sünu vo michieta. Mu puo mho geinu puo kireilie morokesuo sikelie sie tuo Galil kijü nu vota. 23Sidi vo Nazaret ükecü rünau nu lhou, süla thiedzü siedzekesiko geinu, “Puo üse Nazaretmia ütuo,” idi pupie kezhüu tseilie.

Currently Selected:

Mathi 2: ANBRBSI

Highlight

Copy