Jona 1
1
Jona Ukepenuopfü Ki nu Tatatuoü Kesie
1Siro Jihova die Amitai nuou Jona ki vor di sie, 2“Ninevi rüna kezhau nu mhai voliecie, sidi süu petsoukecü shieshülie, kekreilamonyü uko kerüzhü a mhodzünu khor bate.” 3Derei Jonae Jihova mhodzü nunu ta rüshü Tarshish nu votatuo üsie. Sidi puo Jopa nu kelie tse rou puo Tarshish nu votuoü ketha ngulie; süla puo rou zha chüwa mu Jihova mhodzü nunu tatatuo üdi mia ze Tarshish nu voketuo la sügei pfülie.
4Derei Jihovae khriedi ketsepie dzükezha mho shü, sidi dzükezha nu teirükrierükhrie pie kemerie chü rouu hetshawa thenyüsie zota. 5Sitse rou kethumiako michieta, sidi u thuo u rhuou kie phreta. Siro rouu bie kemedzalieketuo la uko mhanyako kelhoupie dzükezha nu shüwa, sirei Jona we rouu nu lelie, sidi zetshüi zhüta. 6Sitse rou nu kezhau puo ki vor di sie, “No kiüdi zetshüizhü zo ga? Sielie di n Kepenuopfü kieliecie! Siliro Ukepenuopfü u dze rükrashü di u bu kata molietuo nhie.”
7Siro routhuko sie huoniehuo üse, “Vorlie, úko dape khe, sitse supuo la mha kesuo hau u gei vorte shi silietuo.” Süla uko dape sitse Jona zanu parta. 8Sitse uko puo ki “Kiüdi mha kesuo hau u gei vorte shi hie ki pushücie. No mhatho kikecüpuo chüya ga? No kirapuo nu vorzhü ga? N seyie kikecüpuo ga? Siro no kiramia ga?” 9Sitse puo sie, “A Ibrimia puo, A Jihova, teigei ketuo Ukepenuopfü dzükezha mu kijü keso chükeshüu rüsuoya.” 10Sitse themiako michie kechüta, di sie puo ki, “No chüwaketa hau kedipuota ga?” Kekreilamonyü themiakoe puo pukeshü mhie di puoe Ukepenuopfü mhodzü nunu tatakezhü silieketa la.
11Sitse uko puo ki, “Dzükezhau bu hie gei menelieketuo la hieko bu n pie kedipuo chüwatuo ga?” Kekreilamonyü dzükezhau rüpfhü kemerie chü miemieketa la. 12Sitse puo uko ki, “A chü kelhoupie dzükezha nu shüwacie, sitse dzükezhau nieko la zeitatuo, tei rükrierükhriekecü hau a la nieko gei vortacü la.” 13Sishierei themiako süu bu kijü keso nu vorlietuoü rou thu thethochü, derei uko chülie lhota, kekreilamonyü dzükezhau rüpfhü uko gei re miemieta. 14Sitse uko Jihova ki shie di, “He-i Jihova, hie n ki chaya, hie ngumezhie di themia hau la hieko bu kaüjüta hiecie, siro kejo kejü thezieu pie hieko gei shü hiecie, kekreilamonyü no, he-i Jihova, n medo mhiei chüwate.” 15Süla uko Jona chülie, sidi puo kelhoupie dzükezha nu shüwa ru dzükezha rüpfhüu la zeita. 16Sitse themiako Jihova prei kechüta, tsiu uko ruosuo chüpie Jihova tsü, sidi uko die phrashü.
17Derei Jihovae Jona mezulieketuo la khuokezha puo keseshü; mu Jonae teisozha se tsiu teizeizha se khuou vadi nu zhü.
Currently Selected:
Jona 1: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
