Hosea 4
4
Ukepenuopfü Israel Pejokecü
1He-i Israelmiako, Jihova dieu rünyüshücie,
kekreilamonyü Jihovae kijü nu kelhouko pejo di petsou bate.
Sünu kemiatho morei diethokecü ba mo,
tsiu Kepenuopfü dze kesi rei ba mo.
2Rüsekecü, kemeda, mu kedukhri,
tsiu kerügu mu pieüpiera kechü par,
thezie pekrukecü sie pekru ba.
3Süla kijüu kra bate,
sidi puo nu lhou keba pete theziekejü chü bate;
siro nhachüko mu teirako rei sa di,
dzükezha nu khuoko rei katazhie.
4Sirei miapuorei bu kegeikemeü hie,
siro miapuorei bu mia pejo hie,
kekreilamonyü a n ze keti bate, he-i zievo-u.
5No teiso gei rei tetsutuo;
siedzekesiko rei thevagei n ze tetsutuo,
tsiu a n zuo pekawatuo.
6A themiako kesikele kejü la pekawate;
kekreilamonyü no kesikele meliewate,
a n bu a la zievo chüketuo meliewatuo.
Siro no rei n Kepenuopfü zho-u rükra moketa tuoi,
a rei n nuonuoko rükra motatuo.
7Uko kruo miemie tsiu,
uko a petsou di kephouma chü miemiete;
ukoe uko thetshetherhu pie thenga chüwate.
8Ukoe a themiako kephouma cülie;
ukoe uko kesuo kechüko mehoumengu baya.
9Siro süue themia mhie, zievoko mhietuo;
uko zhoko la uko pechütuo,
tsiu uko mhathoko la uko zhakhra khashütuo.
10Uko mhacütuo, derei uko kelhuo ngulie lho;
uko thethelietuo, derei kruolie lho;
kekreilamonyü uko Jihova khawa di uko thuo uko pie
11pieüpiera nu shüwate.
Israel Terhuorhi Rüsuoketa
Zu mu zu kesae kesikele chüsetaya.
12A themiakoe sei yopuo ki mha ketso,
tsiu uko thuophi seie uko ki mha pushüya.
Kekreilamonyü thethekelie ruopfüu uko cha tha kekrüya,
sidi uko Kepenuopfü khawa di thetheliete.
13Uko kijüthou mezüko geinu ruosuo chü,
tsiu kijükhruko gei
phriebo, sopfüciekhrie,
tsiu terebint seipfü khro nu mha khapie ruosuochü,
uko khrüe vicü la.
Süla nie nuopfükoe thethe lie,
tsiu nie miepfükoe pieü chü.
14A nie nuopfüko thethekelie ki,
morei nie miepfüko pieü kechü ki, uko pechülie lho;
kekreilamonyü thepfuko thuo rei thethenuko zetuote,
mu rüsuoki nu thethepfüko ze ruosuo chü tuote;
hai di themia kesikele kejüko katatuo.
15He-i Israel, no thethe lie zorei,
Juda bu we jota hiecie.
Gilgal nu le hie,
morei Bet-aven nu kho hie,
tsiu rüse di, “Jihova rhei ketuo tuoi,” isi hie.
16Thudonuo puo mia ri nu tuoya kemo mhiei Israel rei mia ri nu tuo mo tuota zorei;
Jihova thechü kemeya nunu tekuonuo tuoi süko vachütuo me?
17Efraim-e terhuorhi ze puo chüte,
puo bu si zo balie.
18Uko krieketuoko krie tseilieta tse, kerüliekemenacü rüzhü chüya;
ukoe uko zayieu ki thenga kechüu u neikuoya.
19Teikhrie-e puo shüko nunu uko phaliete,
sidi uko ruosuobako#4:19 Gk Syr: Ibri Ruosuoko. la mengalietuo.
Currently Selected:
Hosea 4: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
