Ibriko 5

1Siro zievokezhatho kehoupuorei themiako donu kedalie di puo bu Ukepenuopfü kitsa uko sou chü, kephoumako la ruosuo chüshü mia kephoumako la ruotho mu mha se kevorko khashüya. 2Puo puo thuo zorei vi tsei mokecü la puo mhale menuo kemoko mu kekrütayakezhako gei rei tseiüvishülieya; 3mu haha la puoe puo thuo puo kephouma la tsiu themiako kephouma neiüko la ruotho chü morosuo. 4Siro miapuorei u thuo therhu tha hau kedalie mo, Ukepenuopfü thuo Aron mhiei di kielieketau zo.

5Sütuoi Khrista rei puo thuo puo chüpie therhu kenyi zievokezhatho chü mo, derei pethokeshüu thuo puo ki:

“No a Nuo,

a thie n penuoliete;”

6siro puo kekreira puo rei pukecü:

“No kechachie zievo chüte,

Melkizedek mhie di,” isi zo.

7Jisu rei puo chüüzie pfüketuo ki, puo kecha mu puo mezhiemelokecüko nu, kra mu puo mhidzü pekrü zo di kesia nunu kelalie keviu ki cha zo, mu puo chü kerünuopie chakelie la, puo kecha rünyüshü zo. 8Puoe Nuou zo ürei, puo kemezhiekeshü geinu dieze kechü do silie; 9mu puo chüpie vi lotsokelie ki, puo die zekelie kheko la puoe kechachie kelakelie bo-u chüte, 10tsiu Ukepenuopfü puo ü Melkizedek mhie zievokezhatho-u ücü chüshüte.

Kepele Vakewa La Menuolienukeshü

11Hie hau dze mha kekra puketuo ba zorei pupie nie kielie re ba, nieko mhacamhala siketuotsa kenyiebiketa la. 12Nieko tsie we mia kepetha chükelie mesete, derei niekoe mia bu Ukepenuopfü die puo sede kerieko se nie petha la morosuo bate. Nieko kecüca kemeteiu monyü nudzü pie nie vachü la morosuo bate; 13Kehoupuorei nudzü se theke sei bayakezhamia kemiatho dieu dzetsa mhasi parlie mo di nhicumia mhie baya zo. 14Derei kecüca kemeteie phichümia la zo, süko u nou se mhale mezhieketa la kevikesuo si kekreilieya.

Currently Selected:

Ibriko 5: ANBRBSI

Highlight

Copy