Keriekitho 10

Noah Nuosenuoyieko

(1 Seyie 1:5-23)

1Hako Noah nuo Shem, Ham mu Jafet nuosenuoyieko. Dzüdiu sie nu lhoukelie nuonuoko. 2Jafet nuoko: Gomer, Magog, Madai, Javan, Tubal, Meshek mu Tiras. 3Gomer nuonuoko: Ashkenaz, Rifat mu Togarma. 4Javan nuoko: Elisha, Tarshish, Kitim mu Rodanim#10:4 Ibri Mss Sam Gk 1 Seyie 1:7; MT Dodanim.. 5Uko yieko dzükezha khie mu kijü rüchütsokemo nu lhou keyie vota. Süko Jafet nuosenuoyieko, u thuo u kijü mu u thuo u die pu, u kikrukru tsiu u seyie chü kekrei tuote.

6Ham nuoko: Kush, Ijipt, Put mu Kanan. 7Kush nuonuoko: Seba, Havila, Sabta, Rama mu Sabteka. Rama nuoko ro Sheba mu Dedan. 8Kush-e Nimrod-nuo puou mu puo kijü nu terhümiavi kekuotho chü kerieu. 9Jihova mhodzünu puoe chüwhuomia kezha kevi se puo chücü la; süla “Jihova bu n chüpie Nimrod tuoi chüwhuo kevimia puo chüshücie,” idi puya. 10Therieki ro Babel, Erek mu Akad hako pie puo kedirüvie chü, hako seko pete rei Shinar kijü nu ba. 11Puoe kijü sünunu Asiria nu vo di Ninevi, Rehoboth-ir, Kala chüshü, mu 12Ninevi mu Kala unie donu keba Resen, rüna kezhau chüshü. 13Ijipt nuoko: Ludim, Anamim, Lehabim, Naftuhim, 14Pathrusim, mu Kasluhim, Filistinmia hageinu lhou vor, mu Kaftorko.

15Kanan nuorieu ro Sidon mu süsie Het. 16Siro Jebusmia, Amormia, Girgashmia, 17Hivmia, Arkmia, Sinmia, 18Arvadmia, Zemarmia mu Hamatmiako. Kenuotsa Kanan seyieko lhou meya se vota. 19Kananmia kijürie-e Sidon nunu tsu Gerar kevatsa Gaza tso, niathutsa ro vo Sodom, Gomora, Adma mu Zeboim siro Lasha ketso. 20Hako Ham nuoko, u thuo u kikru, u thuo u die, u rüna mu u seyie chü tuoketako.

21Shem, Eber nuoko pete puou, Jafet dzürieu, puo nuonuo lhoulie. 22Shem nuonuoko: Elam, Ashur, Arpakshad, Lud mu Aram. 23Aram nuoko: Uz, Hul, Gether mu Mash. 24Arpakshad liro Shela puou; mu Shela nuo liro Eber. 25Eber puo nuo thepfu kenie nyi; mia puo za Peleg#10:25 Puoca Kezakewa., kekreilamonyü puo teiki kijüu kezakewa la, mu puo siezeu za Joktan. 26Joktan nuoko: Almodad, Shelef, Hazarmavet, Jera. 27Hadoram, Uzal, Dikla. 28Obal, Abimael, Sheba, 29Ofir, Havila mu Jobab. Uko pete rei Joktan yiemia. 30Uko lhoukecü kijüu liro Mesha nunu niathutsa kijütsei gei rüna Sefar ketso. 31Hako Shem nuosenuoyiemiako, u thuo u kikru, u thuo u die, u rüna mu u seyie chü tuoketako.

32Themia hako pete rei Noah nuosenuoyie phre, seyie puo sie seyie puo idi u thuo u kelhou ro kekrei zaza vota. Dzüdiu sie kijü nu seyie pete rei Noah nuoko geinu lhou kevormia phre.

Currently Selected:

Keriekitho 10: ANBRBSI

Highlight

Copy