Pethakeshüu 11
11
Kemenuo Zhakhra
1N niekhrüda pie dzü nu shücie,
teisozha kekra sie no süu ngu lalietuocü la.
2N vie kezapie thenie morei thetha chüpie balie; kekreilamonyü ketsopfhü kicükipuo kijüu gei vortuo shikecü si mo.
3Kimhouko tshupfü ketuo ki,
teirü lapie kijü nu shüya,
mu mhanuü seibo puoe te pekhrotsa morei pesotsa tsu rei,
kirapuo tetsu shi sünu zhütatuo.
4Teikhrie dze mehoyakezhamia tsia prulie lho;
tsiu kimhou dze leyakezhamia lie relie lho.
5No kikemhie di nuo meziepfü kebapfü va nu theruko gei keha vorlieya shikecü silieya kemo tuoi,
sütuoi Ukepenuopfü mha pete chükeshüu mhathoko no silie lho.
6Khise gei tsia prushülie,
tsiu thevatie n dzie bu kechazie bata hie,
kekreilamonyü no kiu vilie tuo shi,
hau tuo mo luutuo shi,
morei kenienie vi kemhielietuo shi si mo.
Khriesarüü Tei mu Ketsakechie
7Kezieue vi, tsiu n mhi bu niaki mehokecü sü mha u kenei puo.
8Mhanuü mia puoe teicie kekra lhoulie ro, puo bu süko nu puo neiliecie; derei puo bu teisozha kezeiko rükrashücie, süko kra se batuocü la. Mha voryakecü pete kemethuo zo.
9Harie, khriesau, n khriesaki n neiliecie, tsiu n khriesa teiki n nou bu n chüpie puo neilie, n nou keleu tsiu n mhi kenguu se lhoulie. Derei Ukepenuopfüe mha hako pete geinu n dienyakecü ketuo no siliecie.
10Süla n melou nunu thenou kesuo whuowalie,
tsiu n mo geinu kechüu chüwalie;
nhicu tsiu khriesarüü sü kemethuo zocü la.
Currently Selected:
Pethakeshüu 11: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More