Nugana 23
23
‘UPWA 23.
1Ta Sara iawasina iakwara ‘e wan anaredi ta tweniti ta sebeni: getedi Sara iawasina ‘ana iakwarao. 2Ta Sara ‘i mwawasa Kiriata‐aba ‘enaia (tauna Eberona), ‘asa Kanania ‘enaia: ta Aberaamo ‘i mai sabi ‘ewabamu Sara manuna, ta sabi dedoi manuna. 3Ta Aberaamo ‘i tooro ‘ina tokwaia matanaia, ta Eta natunao ‘edia ‘i gwae, ‘i ona, 4‘Abo‘agu to‘u‘umara ta to sugaragara ‘emia: ‘ari‘ari ‘ana esena ‘e bweuna ‘emiega wa da ‘e bwaegu, be ‘enega ‘igu to‐kwaia ia da sa‘u mataguiega. 5Ta Eta natunao Aberaamo ‘ena si onalimana, si eonena, 6‘U da nonoma, ‘igu ‘inapwana: ‘oio Eaubada ‘ina ‘inapwana gamwagamwanidaia: ‘ima ‘ari‘ari ‘ita‘esi‘esinuena ‘ena ‘imu tokwaia ‘u da sa‘u; nigea ‘e bweu ‘emega ‘emuia ‘ana ‘ari‘ari ‘i da egagarena, ta ‘imu to kwaia ‘u da sa‘u tugai. 7Ta Aberaamo ‘i tooro, ta ‘asa mina ‘ina tomota ‘edia ‘i bwagobwago, taudi Eta natunao ‘edia. 8Ta ma‘enao ‘i eonaona, ‘i gwae, ‘Abo nuami ‘aene ‘igu to‐kwaia ia da sa‘u mataguiega, wa da nonogu, ta manugu wa da ‘awanoi, Eperona Soaa natuna ‘enaia, 9Be ‘enega gaula Makipela ‘i da ‘ebwaegu, tauna ‘ina gaula, tauna ‘ina tanoa ‘ana ‘ebelosa‘u ‘enaia; ‘ana e‘isa ‘ai‘aila manuna ‘i da ‘ebwaegu gamwagamwanimia ‘ari‘ari ‘ana esena manuna. 10Ta Eperona Eta natunao gamwagamwanidia ‘i miatoa: ta Eperona goma Eta Aberaamo ‘ena ‘i onalimana ta Eta natunao si nonona, iauiaudi ‘ina ‘asa ‘ana ‘awa ‘ena si rugu, ‘i gwae, 11Nigea, ‘igu inapwana, ‘u da nonogu: tanoa ia ‘ebwaemu, ta gaula ‘ena ‘i miami, ia ‘ebwaemu; ‘igu tomota natunao matadia ia ‘ebwaemu: ‘imu to‐kwaia ‘u da sa‘u. 12Ta Aberaamo ‘i bwagobwago ‘asa ‘ina tomota matadia. 13Ta ‘i ona Eperona ‘ena ta ‘asa ‘ina tomota si nonona, ‘i gwae, Ta ‘abo ‘u nuanuana, ia sideio, ‘u da nonogu: tanoa ‘ana e‘isa ia da ‘ebwaeio; ‘eguiega ‘u da ‘ewa, ta ‘igu to kwaia ‘ena ia da sa‘u. 14Ta Eperona Aberaamo ‘ena ‘i onalimana, ‘ena ‘i gwaegwae, 15‘Igu ‘inapwana, ‘u da nonogu: bwa‘a tomwana sawesawenaia sileba sekeli ‘e poa anaredi, toase gote ‘eguia ta ‘emuia? ‘enega ‘imu to kwaia ‘u da sa‘u. 16Ta Aberaamo Eperona ‘ena ‘i nono; ta Aberaamo sileba nina ‘i sanena Eperona ‘enaia, tauna ni‘atu i ‘inanena ta Eta natunao si nonona, sileba sekeli e poa anaredi, ‘ebegimwani to gimwani ‘enaia. 17Ta ‘enega Eperona ‘ina tanoa, tauna Makipela ‘enaia, tauna Mamire matanaia, tanoa nina, ta gaula ‘ena ‘i miami, ta kaiwe iauiauna tanoa ‘ena si miami, ta tupitupina maibo‘ana si tooro sakowasiena, si sa‘u‐‘ai‘ailina 18Aberaamo ‘enaia ‘ina esena manuna Eta natunao matadia, iauiaudi ‘ina ‘asa ‘ana ‘awa ‘ena si rugu matadia. 19Ta gete ‘i gumwara, ga Aberaamo mwanena Sara ‘i sa‘una tanoa Makipela ‘ina gaula ‘enaia Mamire matanaia (tauna Eberona), ‘asa Kanania ‘enaia. 20Ta tanoa nina, ta gaula ‘ena ‘i miami, Eta natunao si bubuna ‘ai‘aila Aberaamo ‘enaia ‘ari‘ari ‘ana esena manuna.
Currently Selected:
Nugana 23: DOBOT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1919
