Génesis 9
9
Tupã ha Noé ome'ẽ ojupe oñoñe'ẽ
1Tupã ohovasa Noé ha ita'ýra kuérape he'ívo: “Peñemuña ikatu haguã pende ra'y kuéra iñasãi opa rupi yvy jerekuévo.#Gn 1.28. 2Tymba, guyra ha pira kuéra okyhyjéta pende hegui. Umíva opyta pende poguýpe. 3Ikatu pe'u umíva ha ka'avo kuéra avei. Ame'ẽ peẽme opa umíva pene rembi'urã. 4Peteĩ mba'e añoite ani pe'u: mymba ojehuguy'o'ỹ vaekue ro'o. Huguýpe niko oĩ hekove.”#Lv 7.26-27; 17.10-14; 19.26; Dt 12.16,23; 15.23.
5“Upe oporojukáva ojejukáta.
Che rembiapoukapy hína kóva:
upe oporojukáva tojejuka.
6Che ajapo vaekue yvypórape
che joguaha ramo;#Ex 20.13.
upévare,
pe ojukáva yvypórape,#Gn 1.26.
hapicha ojukáta chupe.
7Peñemuña iñasãi haguã
pende ra'y kuéra
yvy jerekuévo.”#Gn 1.28.
8Tupã he'i avei Noé ha ita'ýra kuérape:
9“Ko'ágã añe'ẽ me'ẽ pene ndive, ha pene ñemoñare kuéra ndive, 10ha avei tymba kuéra, guyra kuéra ha opa oikovéva osẽ vaekue ygára guasúgui ndive. 11Che ñe'ẽ ame'ẽva peẽme: águive, avave nomano mo'ãvéi y oporoaho'ipáva rupi, ha y ndojaho'i mo'ãvéi yvy. 12Techaukaha ramo añe'ẽ me'ẽ hague peẽme opa árape guarã, 13amoĩ araíre jy'ýi.#Árca de Noé upe ojekuaáva ha ojehecháva jepi araíre oky rire. 14Ajaho'i ramo araípe ko yvy ha ojehecha araíre che jy'ýi, 15che mandu'áta che ñe'ẽre, upe ame'ẽva peẽme ha tekove kuéra yvy ári guápe ha ndaipóri mo'ãvéi y ojaho'ipátava yvy. 16Upe che jy'ýi niko oĩta araíre ha ama'ẽvo hese che mandu'áta che ñe'ẽ me'ẽ opa árape guarãre ame'ẽva ko'ágã opa tekove yvy ári guápe.” 17Ha Tupã he'i Noépe: “Kóva ohechauka hína che ñe'ẽ me'ẽ opa tekove yvy ári guápe.”#Eclo 44.18.
Noé ha ita'ýra kuéra
18Noé ra'y kuéra osẽ vaekue ygára guasúgui Sem, Cam ha Jafet. Cam, Canaán ru vaekue. 19Ko'ã mbohapy Noé ra'y kuéragui osẽ vaekue opa yvypóra. 20Noé oñepyrũ omba'apo yvýre ha oñotỹ parral. 21Ho'u heta kaguy ha oka'úgui opyta opívo ikotýpe. 22Cam, Canaán ru, ohecha itúvape opívo ha oho omombe'u tyke'ýra kuérape. 23Upérõ Sem ha Jafet omoĩ ijati'ýre ahoja ha oike oguevívo ojaho'i itúvape. Noma'ẽi rupi henonderã, ndohechái itúvape opívo. 24Noé opáy rire oka'uhágui, oikuaa ita'ýra pahague rembiapokue, ha he'i kóicha:
25-27“Canaán ke toiko
tembiguái jaheipýrõ,
ha umi ityke'ýra,
mba'evetérõ,
chupe toguereko.
Toñemomba'e guasu
Tupã, Sem Jára,
toikóke hembiguáirõ Canaán.
Jafet ha hogagua
ta iñasãi opa rupi,
toiko avei Sem róga guýpe,
ha hembiguáita Canaán.”
28Oguejy jey rire y ojaho'ipa vaekue yvy, Noé oikove 350 añove. 29Ha oikove rire 950 áño omano.
Currently Selected:
Génesis 9: GDC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
