Baruc 5
5
1Eipe'a, Jerusalén,
umi nde ao remonde vaekue
reñembyasy haguã,
ha eheja Tupã ta ne monde
heko mimbipápe
opa árape guarã.
2Ahojáicha
Tupã reko joja ta ne ñuã,#Is 52.1; 61.3,10; Ap 21.2.
ha ne akã ári toguapy
Tupã, opa ára oikovéva,
reko mimbipa.
3Tupã ohechaukáta opavavépe
mba'eichaitépa ne porã.
4Tupã omoĩta ndéve
nde rerarã opa árape guarã#Is 60.14; 62.4; Jer 33.16; Ez 48.35.
he'iséva: “Py'a guapy
oúva teko jojágui”
ha “Mba'e tuicha oúva
oñemomba'égui Tupãme”.
5Epu'ã Jerusalén,
ha ejupi amo yvate,
emaña mombyry
kuarahy resẽ gotyo,
ha ehecha
ne memby kuéra oñembyatýva
kuarahy resẽ
ha kuarahy reike guio,
Tupã Marangatu oipotágui.
Vy'a pópe ou hikuái,
Tupã imandu'águi hese kuéra.#Is 43.5; 60.4; Bar 4.37.
6Yvy rupi ogueraha vaekue
umi ohayhu'ỹva chupe kuéra,
ha ko'ágã
Tupã ogueru jey ndéve
mburuvicha guasu
ojereruháicha iguapyhápe.#Is 49.22; 60.4; 66.20.
7Tupã he'íma
yvyty kuéra ipe haguã,
ha ipyko'ẽha henyhẽ haguã,
tojoja porã yvy,
Israel upe rupi ohasa haguã.
Tupã reko mimbipa
oisãmbyhy chupe kuéra.#Is 40.4-5; Lc 3.4-6.
8Yvyra kuéra hyakuã porãva
opu'ãne avei
omokuarahy'ã Israélpe,
Tupã upéicha oipotágui.
9Tupã omyakãta Israélpe
ha ha'e kuéra ovy'áta
heko mimbipa resapépe,
ha oikuaáta
Tupã mborayhu ha heko joja.
Currently Selected:
Baruc 5: GDC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.