Roiatatokenti Mark 9
9
Tioton-aton teioteriȣasonterakȣen tsini Roiaton Roiatatokenti Mark.
1Ratonhakȣe oni tsi Sakororihakȣe: Oriȣiio tsi kȣarori otiake kentho ratiiatare ne iah tahonniheie ohenton naontkatto aonȣe ne Niio Raonakerasera aosaststensera.
2Iaiakhaton nonta onakenke, onontoharako niia-sakoiatenhaȣe ne no Tier, Sak tanon San eh nonȣe iat-hatteni rahotihenton.
3Nok ne raotseronniat ȣateȣateronronten ehoni nakenrakenne tsi niiot noniete, iah ki taontetsenri nonȣentsiakeronon naiekȣeni etho naierakenste.
4Etho oni ȣasakotiken Eli tanon Moïs, Iesos teho-titharakȣe.
5Ethone Tier tahatati, iahenron tsi nonkȣati ne Iesos: Saianer! ioianere ne kentho aeteȣenterontake; Asen kati naheteȣatoseroten, enskat ise saȣenk, enskat Moïs nok nʼenskat Elie.
6Tsiniiot niah tahoterientarake nahoten raton; Aseken esoki tsi ronateronhientenni.
7Nok eh iotsikeraratie ȣahakorhoroke; nok eh takaȣennmekenne ȣaton: neneh Riien… Rinoronkȣa Koȣa; hetsiaeȣaȣennarakȣak.
8Ȣathontkatonnionȣe naktatie, nok iah onka na-koren tesakotiken, raonhaa ne Iesos oh renteron.
9Nok nonen Sishonanontastsnentonhatie ȣasako-tiaȣenratso nasakotirori onkakiok akenhake tsiniiot tsi ȣaontkatto, tsi tanon onen enshotatonnheton non-kȣe Roienha.
10Akȣa kati ok taonteȣeientonkoȣa neh nikaȣen-noten, neok teshontateriȣanontonni oh nahoten neneh naonsaiontonnhete kenheiatne.
11Ȣahonȣariȣanontonȣe, ȣahoniron: oh niiotieren tsi ronton ne ratiiatons tsi Elie enthahente?
12Tontasako-ȣennaȣeron nok Sahenron: otho neneh, Elie rahentene oriȣakȣekon enshakȣatako; nok kenh kaien tsini kaiaton nonkȣe Roienha raiata-take iatekakonte tsi eso enharonhiaken, nok enhon-ȣakenion.
13Nok nʼii kȣarori tsi onen rokȣathon ne Elie, etho oni nihoiiȣaierase tsinilhatinonȣes, tsiki niiot tsi kaiaton.
14Nok nonen sonsahonneȣe tsi ratiteron notiake raotiokȣa Kentiokoȣanen tehonȣatinenronni nok ratiiatons tohotiriȣatironte.
15Nok akȣekon ok ȣahakonerako nonen siionsaon-ȣaken tontare; ȣathonȣanonȣeronnion.
16Ȣasakoriȣanontonse ne ratiiatons, Sahenron; oh nahoten teseȣariȣatirontakȣen?
17Saiatat tahatati Sahenron: Kentho riiatte riienha neh notkon rotienni.
18Skanorons ens iatahontkontakȣe nonen enhoie-na takaȣaststotonnion ens rasakon oni tenhennokara-niehon ne kati ȣakheneken nesentiokȣa naonsakon-ȣaiatinekenȣe nok iah tehotikȣenion.
19Tontahenron ne Iesos: Kanoron ki oni tsini seȣatennoȣentastskon: toh nekenhakȣa nenȣe enteȣa-kȣekonhatie? ok oni tenȣakeron iaȣeronhatie? kenh nontatsiatenhaf.
20Eh nontahoiatenhaȣe, akȣa neok ȣaoken ne Iesos, nensok nʼotkon ȣahoronhiakente ne raksaa, ehtake ȣahoiatonti akȣa neok ne Skaontsi.
21Iesos ȣahoriȣanontonse ne raksaa roniha: toh nahe eh siiot? tontahenron ok eh siiot Sarennake-rate.
22Eso ioriȣake otsirake, aȣenke iehohiatontion nahorio; ne kati nothenon askȣenieseke takȣaiata-kennha, aontesanikonkararen tsini ionkȣentent.
23Tontahenron no Iesos: no ki naontasetakȣe; oriȣakȣekon niieiakotonse no tiakaȣotakon.
24Ok eh katsitaratie tsi tontahenron ne raksaa roniha: Teȣaketakȣen, Saianer! Takienaȣas akenikon-rastotserakon.
25Sahatkatto ne Iesos tsi akȣekon ok etho nonta-iakaȣenonhatie ethone ȣahateȣennatsaniten notkon, ȣarenhase: ȣatkon iah tesatati iah oni tesaronkas, ii, ȣakonrori tontatsiakenn ne kenh raksaa raiatakon tosa oni nonȣenton ionsasataȣeiat.
26Teiohenretane tsi tontaieiakenne notkon nok eso ȣahoronhiakente, akȣa ki eh nahoiataȣen ne raksaa tsiniioh nʼiakaȣenheion; nese ȣaonni ȣaon-tonnion raȣenheion.
27Nok no Iesos tahonentsa, sahokestsko, oni sahatien.
28Nonen kanonskon siiehenteron ne Iesos, ȣahon-ȣariȣanontonse ne raotiokȣa, ȣahonniron: oh niiotie-ren tsi iah nii teionkȣakȣekon naonsaiakȣaiatine-kenhon nekenh Otkon?
29Tontahenron: tehiotonȣentsiohon naionteren-naien aiakaȣentontiete oni nakonȣasenni neh niȣat-konseroten.
30Onen are ehren sahonnete neh nonȣe, ȣathati-iaiake ne Galile; rerhakȣe ne Iesos ok iah onka taiako-tokense.
31Sakorihonniennihakȣe sane ne raotiokȣa raton-hakȣe: iatekakonte nonkȣe Roienha tsi ȣahonȣateȣen-tete rahotisnonke ne rotiriȣaneraakskon, enhontenn-hane enhonȣario; nok ki tanon nonen enhaȣenheion, asenhaton nenȣata enshatatonnhete.
32Iah othenon tehotinikonraiontaskȣe neh nikari-hoten, tanon ratitsaniskȣe ne tahontaonȣariȣanon-tonse.
33Nonen Siiahonneȣe Kafarnaiimke, kanonskon oni sihatiteron, ȣasakoriȣanontonse; nahoten tontese-ȣariȣatirontatieno ohahakeson?
34Iah onka tetiotati: neh rotitharakȣenne onka onte senha enkaiatanoronke oni enhakoȣanen.
35Nonen sahontientakȣentho, iasakohnonke ne tekeni iaȣenre nihati, nok ȣasakaȣenhase: Toka onkakiok raskaneks nahaiatanoronke raonnaa natentraska oni enhonȣannhatseronni.
36Raksaa iahononke rahotinenrihen ȣathotaste, ȣahokitarho nok ȣahenron:
37Onkakiok tenhiontatarhoton neh niieksatoten ii aksennakon akȣa ii tehakarhotons; nok iahse ii tataionkarhoton ne tenhionkarhoton neh tanon ne takatennieton.
38Ethone San tahatati, ȣahenron: Saianer! iakhi-ken otiake ne Skonȣanatekȣatha nonatkon nise Sasen-nakon tanon iah teteȣes; Iakhinnhese kati netsi iah enskatne teteȣes.
39Tontahenron ne Iesos: tosa ietsinnhes; aseken iah onka taiekȣeni ne ioriȣanerakȣat tsi naieiere nii aksennakon nok akte aiakotentiatonhatie.
40Aseken ne iah teionkliiriȣasȣase ionkhiriȣaȣa-seki.
41Nok oni ne skaȣisa onekanos onkakiok aietsine-kanonte netsi Keristos raonkȣeta, oriȣiio tsi ȣakȣa-rori tsi iah tehotonsere ne tekariȣaserakȣen.
42Nok tanon nonka enshakoriȣaientaten enskat niieksatasa oni tiakaȣetakon naksennakon, senha ioianere kanenhioȣanen ahonȣanenhianiake nok kaniatar-hen iahonȣaiatonti.
43Toka Sasnonsa Sariȣaientatenni, itsiak; senha ioianere noiah tatasesnonsontake Karonhiakon asa-taȣeiate, tsiniiot ne tasesnonsontonke nok asatetsirate tsinonȣe ne tiotekhaonȣe.
44Tsinonȣe, niah tekonniheions nahotitsinonȣa oni iotekhaonȣe.
45Toka oni Sasita aesariȣaientaten, itsiak; senha ioianere atsinokotatie asataȣeiate karonhiakon, tsini-iot no tetsiaron tasasitontake, nok otsirake aiesaia-tonti tsi nonȣe niah teȣasȣas:
46Tsinonȣe niah tekonniheions nahotitsinonȣa, oni iotekhaonȣe.
47Toka Sakara sariȣaientatenni, stako: senha ioianere skati aesakaratake asataȣeiate Niio raonakeraserakon, tsiniiot, ne tetsiaron taskaratake, nok otsirake aiesaiatonti.
48Tsinonȣe niah tekonniheions nahotitsinonȣa, nok iotekhaonȣe.
49Aseken akȣekon skastson oni otsire tenhionta-tiotsistarhoste; nok akȣekon tioiotsis tenkaiotsistar-hoston no Niio raoriȣanoronsera.
50Taȣekon ne tioiotsis, nok tanon nenhiotaksenne, oh nahoten entsiaȣeken hon tseron?
51Iseke kati tkaientak ne tioiotsis, nok skennen tikenhak tsi natetsion.
Currently Selected:
Roiatatokenti Mark 9: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
