Roiatatokenti Mark 5
5
Ȣisk-haton teioteriȣasonterakȣen tsini Roiaton Roiatatokenti Mark.
1Iahonneȣe isi nakaniatarati Kataronien-ronon rao-natonȣentsiake.
2Akȣa neok Sontahatitako ne Iesos, Saiatat nʼotkon rotienni, tontahakȣirotkaȣe nok iathoterate.
3Iah teȣatonskȣe nahonȣanerenke neseȣahonni karhakonson ki thireskȣe.
4Eso ioriȣako ne tehonȣarensteren oni tehonȣa-nenststorenne akȣekon tehoiakhon ne katiahoriȣa iah teȣatonskȣe nahonȣanikonrarako.
5Tiotkon onȣe karhakonson, onontoharakeson oni thires, tehohenretanes ohnenhia ratatientanionnes.
6Akȣa kati neok iahoken ne Iesos, iatharatate ȣathononȣeron akȣa oni ȣathotontsotase.
7Ȣathohenrete Sahenron: Iesos, nahoten taskenien-le ise ne Niio iaienha? Konnekennis rahosonna-konne Niio tosa niare askeronhiakente.
8Aseken ratonhakȣe no Iesos: Satkonseraksen, tontatsiakenn no raonhake.
9Iesos ȣahoriȣanontonso ȣahenron nahoten iesa-iasts? Kentiokȣa Sahenron ionkiasts, aseken ionkȣen-tiokoȣanen.
10Ronekenniskȣe ne tosa aonsahotȣkȣate neh nonȣe niȣatonȣentsiate.
11Iah ihnon teken tionontahere, ionentiokoȣanen eh nonȣe tkonȣatinonnhakȣe kȣiskȣis.
12Akȣekon ok ronȣanekennihakȣe rontonhakȣe: eh iatontakȣatori kenh ihken tkonnes kȣiskȣis neh iahonsaiakiiataȣeiaten. Oksaok ȣasakaon ne Iesos, netho niiakonne.
13Oksaok kati ȣakontiiakenne, nok eh niiakonne tsi tkonnes no Kȣiskȣis, kaȣenniio ok neneh ȣahoti-hiation nensok ȣakonteko kaniatarake iakontiatonti, akȣekon ehȣakonniheie ne teȣenniaȣehetserasen ni-konti.
14Nok ne Sakotinonnhakȣe ȣahonteko, sahatiri-ȣaienhna kanatakon, nok tehonateriȣaren iaton hatie tsi niiahonne.
15Akȣekon ok ȣaheiakenne ȣaontkensera tsinon-taiaȣenne, iahonȣaiatoronne ne Iesos, nok ȣahon-ȣaken ne Kentiokȣa rotienni ne, renstskȣahere noseronni akȣa oni tetkariȣaieri: akȣekon ok ȣahakoteron-hienten.
16Nok nakȣa ronatkathon ȣasakotirori tsiniiaȣen-hon nʼotkon rotionni raiatatake nok oni tsini iotiiata-ȣenhon ne Kȣiskȣis.
17Ne kati ȣaonni ȣahonȣaneken nahonsahatera-tako ne raonatonȣentsiake.
18Nonen-Shiionsahatita kaonȣakon, eh ȣahoke-tote nʼotkon rotiennine ȣahoneken nahaon nanasseke.
19Iah tanon tehothontaton ne Iesos, ok eken ȣahaȣenhaso; Sahenron: ȣas saȣatsirake niionsase nok sherori tsini ioriȣanerakȣat tsinaiatierase ne Raȣenniio, tsi oni naientenre.
20Sahatenti neneh, nok ethoʼkʼ iahatasaȣen ȣaha-troriate, rorihoȣanatonhatie oni tsini koȣanen roten-ron ne Iesos akȣekon ok taiontonnekhon, ȣahakoh-nerakȣenhaton oni ne Decaporisronon.
21Iotiokȣatsani are saionteroroke nonen siionsa-raȣe ne Iesos nʼisi nakaniatarati.
22Saiatat ne Sakotatis Jairus ronȣaiats, eh ȣaraȣe nok ȣathotontsothase nonen sahoken,
23Rohnekennis, raton: Onen thoha aontaiahiheie keienha, konnekenni kati neh iase asheianisnonsaer-hase nok aonsaieieȣentane.
24Ne se ȣaonni ionsanehtakȣe ki ne Iesos tsi saha-tenti; iotiokȣatsanit are ronȣanonteratiene.
25Skaiatat tsiothonȣisen oh kaiataratieskȣe, onen tekeni iaȣenre niioserake siionnʼrakaionse.
26Niah othenon tohotikȣenion no rontetsiens arahona oni onte neok nostonha akonȣatorissenthose, akȣa iekenhaok tsi konȣentenstetenni, okheken taka-nerakȣatasere tsiiononȣaktani.
27Ne kati sahosennaronke ne Iesos, ok tiiateȣa-tenenraȣeheste, rashonne nontaȣe nok rahotiataȣitne iakaiena.
28Teȣatonhakȣe naȣerientakon: enskieȣentanese naraona neok oni ne raotiataȣitne kenh niiakiere.
29Akȣa oni oksaok ȣatkatane tsi iohnonȣaktani, nok onttoko naonhake tsi onen sakaieȣentane.
30Nok no Iesos ȣahattokatsi tsi Sakaiakenne ne rahonhako ne rahotanitenrat, tontahatkarhateni, nok Sahenron: onka kenh niiaheiere nakatseronnia-kȣake?
31Nok ne raotmkȣa ȣahonniron: Akȣekon kik ȣahi nekenh tateiesaiatoraraks: tanon kenh seriȣa nontons onka kenh niiahesaienre?
32Ȣathatkatonhnionȣe aktatie tsiniiot nahaiatisak-seke neh nahaiere.
33Nese ȣaonni ȣahoteronhienten ne Tsiothonȣi-sen, oni ioterientaratsion tsi nahaȣenno naonhake, eh niiahahe nok ȣathotontsothase nok oriȣakȣekon ontrori noriȣiio.
34Nok ne Iesos tontahenron: neh sesatsiente kien tsi tisetakȣen, skennen kati Sasatenti, oni tsi Saieȣentaon hatie.
35Sekon ok nihotare, etho ȣahonneȣe ne Sakotatis raonkȣeta, ȣahonniron: Onen iakaȣenheion ne seienha, tosa kati senha ihsi nonȣe natetsenikonr-haren ne Roianer.
36Akȣaneok sahariȣaronke ne Iesos neh nikari-hoten, ȣahaȣenhase ne Sakotatis: Tosa othenon Sate-ronn, neok ne tasetakonhak.
37Ȣasakotiaȣenratse notiako naonȣasere neok ne Simon Tier, sak tanon San ne sak iatatekenha.
38Iahonneȣe tsi thononsote ne Sakotatis, eh ȣah-ontkatho koȣanen ronaterakareraston, otiake teion-senthos, nok otiake teiakohenretha.
39Iahataȣeiate nok Sahenron: ohnontieren tsi seȣaterakareraston, oh ohni nahoten teseȣasenthota? Katiken iaȣenheion no kenh kaiataseha neseok ne iotas.
40Akȣekon ok tihonȣaieronhakȣe; niarekȣe tanon akȣekon saieiakenne ethone eh niiahare ne Iesos tsi tkaiationni ne kaiataseha neok ronne ne konȣaienha tanon nakȣa raonha sakoiatenhaȣine.
41Iahanentsa, nok Sahenron: Talitha Cumi; sakat naiahiron: Tsiatase ii ȣakonrori satkestsko.
42Ok eh karatie sontkestsko ne kaiatase nok sontentionko, onen tekeni iaȣenre sateiahoseriiakon-hatie, ȣahotinerakohaton.
43Ȣaȣakotiaȣenratse niare naontrori, ethone ȣasa-konnhane nakonȣanonte ne kaiatase.
Currently Selected:
Roiatatokenti Mark 5: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
