Roiatatokenti Mark 3
3
Asen-haton nateioteriȣasonterakȣen tsinikaiaton Rti. Mark.
1Sekon are ionsahataȣeiate tsi ionterennaienta-kȣa, Saiatat eh raiatare no skati roiatakenheion.
2Akȣekon ok iakoterharaton toh shiken nenha-iere, neh ahonȣariȣarhost nahonsahotsiente nʼAȣenta-tokontike.
3Nok ne Iesos, ȣahaȣenhase ne roiatakenheion: Kanonsihen testann,
4Ethone ȣasakaȣenhase Sahenron: ahonton ken naontaieriȣaierite nʼAȣontatokentike, okneʼs naon-saionteriȣateȣate? Aonsaiontatonnhete nonkȣe okneʼsʼ naiontateriio? iah othenon tethonatati.
5Ateriatikhonserakon ȣasakotkatoseron, ok ikene ȣahonikonkararen tsini honeriasaniron. Ȣahaȣen-hase kati no ronkȣe: sanentsakȣarisi, ȣahanentsa-kȣarisi nok oksaok eh nonsaioianerenne tsiniiot no skati.
6Oksaok sahatiiakenne ne Pharisian nok iasako-tinikonrisako ne Erodianronon kah nahontahatiierate naonton ahonȣaiena.
7Nok tanon sabatotarho ne Iesos, nok kaniatarakta niiahare ȣahonne ne raotiokȣa; iotiokȣatsanit ȣalionȣasere, noneh Galile. Judé, Jerusalem, Idume akȣekon oni nisinonkati ne Jonrdan tiakotention-kȣen.
8Sahatiriȣaronkanion ne Tyr-ronon oni ne Sidon-ronon tsini ioriȣanorakȣatenion tsini haierhakȣe ne Iesos kentiokoȣanen oni neneh ȣahonȣaiatorenno.
9Nese ȣaonni ȣasakaȣenhase ne raotiokȣa: kaȣe-iennentaonhak ne kaonȣeia toka tenȣatonȣontsioȣo, sotsi ȣahi kentiokoȣanen, onȣa toka tenhionkhiia-torarako.
10Aseken onen sikentiokoȣanen sisesakotsienton, ne kati ȣahonni tsiki niiakon ne iakonnrare tsi ok nakannroten ok kentitiaȣenskȣe ionskaneks neok oni ne iaiakoiatosere no raonhake.
11Nok nonatkonseraksen tsiokʼsʼenʼsʼ niiore iahon-ȣaken tare ronȣasennaienskȣe; kontonhakȣe: Ise ne Niio Iaienha.
12Nok tanon sakennhesehakȣe nakontrori tsi raonha.
13Onontoharako niiahare, nok ȣatesakoiataiestasi ne ȣahonne.
14Nok ȣasakoiatarako tekeni iaȣenre nihati naha-tikȣekonhatiesoke neh oni nʼiensakotori enhonteriȣa-notonra.
15Asakokȣéniatserononi naonsasakotitsiente nʼia-kononȣaktanonni, oni naonsasakotiiatinekenȣe nʼo-natkonseraksen onkȣe iakonatienni.
16Kenhnihotisennotens ne tekeni iaȣenre nihati: Simon noneh Tier Shonatonkȣen.
17Sak Zebedé roienha tanon ne rokenha San nehne Boarneges ronatonkȣen, ȣatenientenstakȣen, Raȣeras Roienha.
18Andre tanon Philippe, Bartelemi, Ȣatio, Atonȣa, Sak Alphé roienha; Tadde tanon Simon Kananeen-ronon.
19Tanon Sitas Iskariot, neneh Iesos rotenninon.
20Iotiokȣatsanit are saieserenne nonen sonsahon-taȣeiate, akȣekon iah tehotinaktotaskȣe ne tahonsts-kaon.
21Siiahatiriȣaronke ne raoȣatsire ȣathotisterihen saonȣaiatisakha aseken iontonnionskȣe, tehanonȣara-ȣenrie.
22Nok ne ratiiatons Jerusalem thotiientakon rontonhakȣe are neneh: rotkonseraien ne Beelzebul, nok neh aosennakon tsi sesakotekȣata nʼonatkonse-raksens.
23Nok tanon ne Iesos iasakohnonke nok Sahenron tsi ȣatesakoriȣakentonkȣen; oh naiaȣenne nʼotkon-seraksen astste iaonsahoiatonti notkonseraksen?
24Aseken toka iah skanikonra tehken tsi kana-keraseraien iah ki taonton akanakeraserateke.
25Nok oni ne skaȣatsira tekariȣatironte iah ki takaȣatsirateke.
26Toka kati nonȣa ratateriȣaiahaki nʼotkonsera-ksen, nok tehoriȣatironte iah ki Sotsi ihnon thiiare, akȣa tanon iosnoratie enhaton.
27Iah onka taiekȣeni ahonȣanonskari ne rosas-tenseraien, ne iah ohenton tahontahonȣanerenkhe.
28Oriȣiio tsi kȣarori, tsi akȣekon enshonikonrhon ne Niio ne kariȣaneraaksera, oni tsinikon aiakori-ȣaiesatakȣen ne kaȣennaksens.
29Nok tanon onkakiok enhosennaiesaton ne Rotkon Ronikonratokenti iah nonȣenton tiiaonsaha-tiatokeȣe: ok eken tanon enhorane niatekakonte ahatetsiratakȣe.
30Neh ȣaonni eh nahaiere tsi Sahatati ne Iesos no tsi rontonhakȣe rotkonseraien notkonseraksen.
31Onen eh ȣaonneȣe ne rontateken okonha oni ne ronistenha, astste tontahatitane, iahonteriȣaniete iaonȣennonke, aseken sotsi kentiokoȣanon tohonȣanen ronnihne.
32Ȣahonȣarori, ȣahiron; kenh tonnete astste ne sanistenha oni seȣatatekenhokonha iesaiatisaks.
33Tontahenron: Onka nakenistenha oni no teka-tennontere.
34Ȣathatkatonnionȣe tsi ietaraien nok Sahenron: Kenh ȣahi kaien nakenistenha oni nʼonkȣatatokenha.
35Aseken onka kiok enhonȣanikonraierite ne Niio, neh onkiatatekenha oni akenistenha enȣaton.
Currently Selected:
Roiatatokenti Mark 3: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
