Rioiatatokenti Luc 2
2
Tekeni-aton Teioteriȣasonterakȣen Noriȣatokenti tsini hoiaton Roiatatokenti. Luc.
1Eh nonȣe siȣenniseratenion ȣaharihoȣanate no Cesar-August nʼakȣekon nonkȣeokon aiontatsennaren.
2Nok nonen siiakaheȣe neh naiaȣenne, Cyrenius rakora kenhne ne Syri nonȣe.
3Akȣekon kati tsiontatsennaraneskȣe tsinonȣe Tiakotonnishen.
4Tahatenti kati oni neneh ne Sose tsi tkanataien ne Nazareth Galilene, tsi tkanataien ne Bethlehem niiahare, neh tsi ethononȣe thonatonnisentakȣe ne Taȣit raȣatsiratatie.
5Nenskatne aonȣatisennaren nʼOnȣari, neseken kariȣisonhonno enhotiniake, onen oni oia nikaiatoten.
6Tsinikariȣes etho ienes onen iakaheȣe naioȣira-ientane.
7Sarennakerate ne roienha neh oni ne takoȣanen, oniataraasonha ȣattoȣaȣenhekte nok tsi kontekȣaien-takȣa ne katsenen ȣahoiationnite, aseken iah tehotinaktatsenrion tsi iosȣenkarentonnion.
8Iah ihnon tehken eh nonȣe, katsenen sakohnaststerista astste ronnonȣestskȣe nok asontakȣekon sakotinonnaties ne raotitsenenhokon.
9Ok taontierentsi kenh ȣahoketote Raronhiakeronon, akȣa oni ȣathotiȣannhake ne Niio raosȣathetsera, nok ȣathonatonharenron.
10Nok tanon ne Raronhiakeronon, ȣasakaȣenhase: Tosa seȣateronn: Aseken nonȣaneh kȣaroriano no koȣanen aeseȣatonnharen, ok neh sakat tsinonkati nonkȣetakȣekon.
11Ne tsi onȣa konh ȣenniserate, Taȣit raonatakon otsiseȣennakorati ne Sesakoȣkontakohe ne oni ne Keristos, Roianer.
12Nok kenh kaien ȣatenientenstakȣen, neh oni entsiscȣaienterestakȣe; nonen entsiseȣaiatatsenri neraksaa oniataraasonha tehaȣaȣenhokston, nok Katsenen tsi kontekkȣatahasta raiationni.
13Nok ok eli iakaniionten rotitiokȣatsanit ratironhiakeronon Karonhiake tahatiientakȣe tchonȣanonȣeronnions ne Niio, ronton:
14Ahonȣasennaien ne Niio Karonhiake! Skennen Kenhak nonȣentsiake! niakonikonriio nonkȣe.
15Nok nonen Karonhiake siionsahonne ne Ratironhiakeronon, ȣahonniron ne katsenen sakonasterista: Enhnioh Bethlehem niiore niieheteȣe, teȣatkensera tsini tiaȣenlmn tsioni nahoten ȣasonkȣatokaten ne Raȣenniio.
16Kasterihenke kati eh sahonnete, nok iasakotiiatatsenri nʼOnȣari tanon ne Sose nok oni ne raksaa tsi kontekkȣatahasta raiationni.
17Nok nonen Sahonȣaken, neh sahatitharakȣe tsiniiot tsi tonȣatirori ne raksaa raiatatake.
18Tsiniiakon ȣahonronke, ȣahakonerakȣenhaton tsi nahoten ronton nekatsenen sakonaststerista.
19Nok nʼOnȣari akȣa neneh neok ne ioteȣeientontie aonikonrakon oni scȣatateiarakȣennihakȣe.
20Nok sahontenti no katsenen sakonaststerista, ronȣanentons oni tehonȣanonȣeronnionne ne Niio: tsi eh nahaȣcnne tsi ȣahonronke tsi oni ȣaontkatto tsiniiot tsi ronȣatirori.
21Nok nonen siiakaheȣe ne satekon nonta, onen senhonȣaȣarakȣetare ne raksaa, ethone Iesos ȣahonȣanatonkȣe, neneh Raronhiakeronon thoeennaȣi areko sihaiatat ronistenha kaiatakon.
22Nok nonen siiakaheȣe naonsontaȣeiate nʼOnonsatokentike nʼOnȣari nakanane tsini hoianerenserison ne Moïs, Jerusalem niiahonȣaiatonhaȣe rahohenton ne Roianer,
23Tsini kaianerenseroten ne Roianer raoianerensera: nenteȣatierente roskenrakete eniakoȣiraientane Akȣa Raȣenniio enhoȣenniioste.
24Neh ens oni nahenane tsini kaiatonkȣe ne Roianer raoianerenserakon; ȣakonȣanatkaȣe ens tsioianat Orite, ok ne ens neh noȣira.
25Saiatat ne ronkȣe Jerusalem ranakerekȣe, Simeon ronȣaiastskȣe, neh kehiken nethoriȣaiori oni rosennaiens ne Niio; rorharekȣe oni neneh nahoken nʼakonikonriiotsera nʼIsraerroronon; akȣa oni nikȣekonhatiene ne Ronikonratokenti.
26Nok rotokatennihne ne Rotkon Roiatatokenti, tsi iah tarenheie ohenton nahoken ne Keristos, Roianer.
27Akȣa kati taiotokentane onen are Ononsatokentike ȣarete, onen etho ronȣaiatenhaȣi ne Raksaa Iesos nanihnane tsini kaianerenseroten ne raonha raiatatake.
28Ȣahokitarro, ȣathononȣeronnion ne Niio, nok ȣahenron:
29Onen nonȣa Seȣenniio! Skennen tenkiheie tsiniskerharaststenni.
30Aseken ontkatto ne kkarake ne Etsienha sesetenratane.
31Neh oni enskat ne Sakȣatakȣen akohenton akotiokȣakȣekon nonkȣeokon.
32Ne taiakosȣathetakȣe nonkȣeokon, nok Akonen-tonsera akenhake ne sentiokȣa Israerronon.
33Nok no Sose oni ne ronistenha rotinerakohon tsiniiontonhakȣe ne raksaa raiatatake.
34Nok ne Simeon ȣasakoiatateriste, nok ȣarenhase nʼOnȣari, ronistenha: Kehiken raksaa, kentiokoȣanen nenhiontkaronniate, kentiokoȣanen oni nenhiontsennonniate nʼIsraerronon, nok oni tenhionten-nikonratihatanionkȣe nonkȣeokon.
35Nok mnkaheȣe neh nenhiaȣenne tsiniiot nʼassarekoȣa taeseriasaȣeheste, nonen enhiontennikonrotasionko ne ionkȣetnksens.
36Anen oni iotokense etho kanakerekȣe, Phanuel sakoienha, Aser raȣatsiratatie, onen siiokstenha, tsiatak niioserake teniiasene ne ioniakonhonne,
37Onen noh nahoten satekon niioserasen nok kaieri tsinahe siiotereons; Ononsatokentike tilkanakerekȣe, aȣentakon aterennaientatserakon oni tsi rosennaiens ne Niio.
38Eh oni noneh onȣe, ȣathononȣeronnion oni neneh ne Raȣenniio, nok ȣahakororianion ne raonha rahoriȣake tsiniiakon ne iakorharekȣe aonsaiontnerensi ne Jerusalem ronon.
39Nok nonen saniriȣaierite tsini hoianerenseroten ne Roianer, Galilene niionsane tsi thonatenataion, ne Nazareth.
40Nok ne raksaa rotoiarontie, ronikonroȣannhaonhatie oni, raiati nattokhatsera; nikȣekonhatie oni ne Niio raotanitenron.
41Niateioserake, tsini Shatonnhethe, Jerusalem iesnethakȣe ne ronȣaienha.
42Nok onen tekeni iaȣenre satehaoseriiakon, onen are ne roniha oni ne ronistenha Jerusalem ȣanete tsini hotirennhaonne nonen ȣentanoronscre.
43Nok nonen sahententane, saiatenti, ok eh iehenteron ne Iesos Jerusalemke, iah othenon tehonattoken ne ronȣaienha.
44Ȣanorc nenehe ethokinaha ȣahaiataratie tsi saio-tonkȣetakatatio; seȣennisera niiore niiahane ronȣaia-tisakonhatie tsinon nisakotinonkȣe oni ne tehontatienteris.
45Nok iah kaneka tehonȣaiatatsenrion, saiakehto kati Jerusalem niionsano sahonȣaiatisakha.
46Asen nonta onakenke niionsahonȣaiatatsenri ononsatokentike, rahotinenrihen ne ratiianerenseronni sakotaonsate nok tetessakoriȣanontonnis.
47Nok tsini iakon niakothontekȣe, iakonerakȣas-kȣo tsini hattokha, oni tsi tetessakoȣennaȣerons.
48Nok ȣahotinerako nonen sonsaonȣakon, nok no ronistenha ȣakenron; oh niiotieren kien tsi eh nasiero? Kenh nii ionkeninikonraksenseres keniiatisakonhaties.
49Tontasakoȣennaȣeron, ȣahenron: oh nehne nahoten takeniiatisakta? iah kenh nah tetsiaterientare tsi teiotonȣentsiohon nakaststeriste ne Rakoniha rahoriȣasonha?
50Nok ki iah tehotinikonraientaon tsinahoten ȣahenton tsiniiot tsi tahatati.
51Onen kati sahonne, Nazareth ionsahonneȣe; Sakoȣennarakȣakȣe. Kenh kaien ne ronistenha akȣekon taioteȣeientontie aȣerientakon tsinikon tsi oni nikaȣennotens ȣaronkas.
52Nok ne Iesos attokhatserakon tsi roteiarontie, nok ateriȣakȣarisiontserakon rahohenton ne Niio oni nonkȣeokon.
Currently Selected:
Rioiatatokenti Luc 2: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
