Numeros 8

Sar te phabaren e lanpare

1O Del dia orba e Moisesea ta phenda leke: 2Phen e Aaronoke kai kana, ka phabarel e lampare e efta lampare ka kletosaren anglal katar o kandelero. 3O Aaron kandia so o Del phendaia e Moiseseke ta phabarda e lampare katar o kandelero kai si anglal. 4O kandelero saia cherdo katar o sunakai mardo e chokanoia, llik telal ta llik upre saia cherdo sargo lulunllin. Gia sar o Del sikadia iek kandelero e Moiseseke, gia cherda o kandelero.

Santifikin e levitaonen

5O Del dia orba e Moisesea ta phenda leke:

6Thou pe iek rig e levitaonen ta chistosar len. 7Gia ka chere o zakono katar o chistope: Tu ka chude pe lende o pai katar o chistope, ta cher te nakhel o bursnako pe sa lengi esnaga ta ka jalaven pe patave, gia ka achen chiste. 8Mapalal ka len iek telcho ta cherricha katar e mai lachi arina cherdi zeitinoia, te sai chere e ofrenda katar e septelia, ta i aver telcho kurbano pala o bilachipe. 9Tu ka chere e levita te aven pasa e chara kai chidiniaon ta sa e israeleta te chidiniaon. 10Ta kana ka chere e levita te aven pasa o Del, e israelita ka thoven pe va upral pe lengo soro. 11Ta o Aaron ka anel angla o Del e levitaonen sargo ofrenda katar e israelita ta ka radin ando rado e Devleko. 12Mapalal e levita ka thoven pe va upral pe sore katar e telchura iek ka den kurbano pala o bilachipe a ogua sargo ofrenda phabardi e Devleke, te sai chistonpe e levita. 13Mapalal tu ka thove len angla o Aaron ta angla leke chaurre, ta ka delen ofrenda e Devleke. 14Gia ka thove pe iek rig e levitaonen maskar ogola israelitura te sai aven murne. 15Mapalal katar gala ezgode von ka llan te radin ande chara kai chidiniaon. Morabi te chisto len ta te ane len sargo iek ofrenda. 16Soke, maskar e israelita, e levita ka aven dine mange, po than katar e purve biande, soke lien len mange po than katar e mai purane katar e chaurre katar sa o Israel. 17Soke murno si o mai purano chaurro maskar e chaurre katar o Israel, ta isto gia katar e purve minone katar lenge zivirinie. De katar cherdem te meren e mai puranen chaurren katar e ejipsiura,#Ek 13.2,11-16. 18A me liem e levitaonen po than katar e mai purane e chaurre katar o Israel. 19Ta diem len kai o Aaron ta kai leke chaurre, te sai ando anav katar e israelita, te radin ande chara kai chidiniaon ta te len o prostipe e Devleko e israelenge. Gia e israelita ni ka avel pe lende ni iek zatrania kana ka aven pasa o santuario.

20O Moises ta o Aaron ta sa o foro katar o Israel cherde so o Del phenda te cheren e levitaonenchar. 21E levita chistosaile ta jalave pe patave ta o Aaron dia len ofrenda angla o Del, te sai chistonpe. 22Mapalal katar gala ezgode e levita avile te cheren po rado ande chara kai chidiniaon, angla o Aaron ta leke chaurre. Isto gia sar o Del phendaia e Moiseseke te cheren cherde le e levitaonenchar.

O vreme katar o rado katar e levita

23O Del dia orba e Moisesea ta phenda leke:

24E levita morabi te thovenpe te radin kana ka avel lenge bis ta star burs, 25a kana ka avel lenge pinda burs nasti ka radin ios. 26Kana ka avel lenge gola burs sai ka pomozin pe phlalen ande chara kai chidiniaon te sai arakhen. A o rado kai saia len nasti ka cheren le ios. Gia ka chere e levitaonenchar pe lengo rado.

Currently Selected:

Numeros 8: BACHRO

Highlight

Copy