Numeros 17

E rovli e Moiseki

1O Del dia orba e Moisesea ta phenda leke:

2Phen e israelenge kai suako birovi katar suako vicha morabi te anen suako lendar iek rovli, gua si desudui rovlia. Tu ka pisi pe suako rovli lengo anav, 3A pe rovli kai si katar e vicha katar o Levi ka pisi e Aaronoko anav, soke morabi te avel pe suako rovli iek birovi katar e viche. 4Ka thovelen ande chara kai chidiniaon, angla e arka katar e alava kai kote si kai me maladivav. 5Me ka cherav e rovli katar o lleno kai me ezbirisardem te pharrol pe goia rovli o aberi ta gia e israelita ni ka den ios orbe bilache tumendar angla ma.

6Ta o Moises phenda isto gola alava sa e israelenge ta dia suakone llene kai saia birovi pe suako vicha, iek rovli 7Ta o Moises thoda e rovlia angla o Del ande chara katar e alava, 8ta tiarinako kana llelo kai e chara katar e alava, dikhla kai e rovli katar o Aron kai si katar e vicha katar o Levi pharrlaia o aberi pe late ta dia ia lulunlla ta dia ia almendre resle.#Ebr 9.4. 9Ondaka o Moises ikanda sa e rovlia kai sea angla o Del ta sikada len e israelenge. Ta kana dikhle len suako lleno lia pi rovli.

10Ondaka o Del phenda e Moiseseke:

Thou pale e rovli e Aaronoki angla e arka katar e alava, te sai gurudol ta gia te sai dikhol ta te sikol gava foro kai ni kandel. Gia ka chere te na den ios orbe bilache angla ma ta ni ka meren.

11O Moises cherda sa sar o Del phendaia leke te cherel. 12Ondaka e israelita phende e Moiseseke: ¡Amen sam jasarde! ¡Saurre ka mera! 13Sa e llene kai aven pasa o santuario o Devleko, meren, ¿Goleke Saurre ka mera?

Currently Selected:

Numeros 17: BACHRO

Highlight

Copy