Numeros 15

E zakonura katar e ofrende

1O Del dia orba e Moisesea ta phenda leke:

2Phen e israelenge gala alava: Kana ka den tumen ande phuv kai me ka dav tumen te zivin ande late, 3ta ka den man iek guruv o iek bakro te phabaren le ande mo liubao sargo kurbano phabardo kai khandel sukar e Devleke, te avela soke dien tumaro alav te cheren le o te den le ofrenda soke manglen tumen te cheren le o te den le pe varesavi slava, 4Ondaka ko dela pi ofrenda morabi te del i dui kile arina lachi cherdi iekhe litroia zeitino. 5Ta i mai but katar e kurbanura ka de iek ofrenda kai ka avel iek litro mol pe suako bakro. 6A kana ka den iek busno ka den i star kile arina cherdi na mai but katar iek litro zeitino 7ta cherricha mai but katar iek litro mol, sargo e ofrenda kai khandel sukar e Devleke. 8A te si kai den iek telcho sargo kurbano phabardo o te den le kurbano pala tumaro alav kai dien pala pas e Devleke, 9Ka den i sov kile arina cherdi duie litroia zeitino, 10ta ios dui litrura mol, sargo ofrenda phabardi kai khandel sukar e Devleke. 11Gava si so trubul te cherdol pe suako guruv, o busno o bakro o busno kai del pe. 12Pe suako zivirinia kai ka delpe ka delpe i e ofrenda prema pegachin zivirinie denpe. 13Suako israelita morabi te kandel gala zakonura kana ka den iek ofrenda phabardi kai khandel sukar e Devleke.

14A te si iek lleno kai avel katar aver phuvia ta kai zivil maskar tumende but vreme, ta mangela te del iek ofrenda phabardi kai khandel sukar e Devleke, i vou morabi te kandel e zakonura sargo tumen. 15Isto iek zakono ka avel tumenge ta i e llenenge kai aven katar aver phuvia, gava ka avel iek zakono ostade kai ka avel e dadenge ta e chaurrenge. 16Isto iek zakono ta iek alava ka avel tumenge ta e lleneke kai avel katar aver phuv ta kai zivil maskar tumende.#Lv 24.22.

17O Del dia orba e Moisesea ta phenda leke:

18Phen e israelenge gala alava: Kana ka den ande phuv kai ka inllarav len, 19ta kana ka thoven tumen te jan katar o marrno e phuviako, ka den iek ofrenda e Devleke. 20Gia sarka den man o purvo lliu drobome, i gia kana ka cheren o purvo marrno ka den iek ofrenda marrneki. 21Gaia ofrenda morabi te cheren la ostade.

22A te na cherena gala zakonura kai o Del phenda e Moiseseke 23sa e ezgode kai o Del phenda e Moiseseke te cheren, katar o Del dia po zakono kotar angle ostade, 24a o bilachipe te cherda le sa o foro soke ni llanena, ondaka sa o foro morabi te del iek telcho sargo ofrenda phabardi kai khandel sukar e Devleke, ta i e ofrenda katar e septelie ta e mol, gia sar o Del phenda te cheren le, ta i ka den iek busno kurbano pala o bilachipe. 25Mapalal o popo ka lel o prostipe sa e foroke katar o Israel, ta ka aven prostime, soke ni llanena kana cherde gua bilachipe ta von ka anen pi ofrenda phabardi e Devleke, ta pe kurbanura angla o Del pala po bilachipe. 26Ta ka aven prostime sa e israelitura, ta i e llene kai aven katar aver phuvia ta kai zivin maskar tumende, soke gava bilachipe si sa e foroko.

27A iek lleno te cherda o bilachipe bi te llanel le, ka del iek busni iekhe burseki kurbano pala o bilachipe.#Lv 4.27-31. 28O popo ka cherel gaia buchi te del gava kurbano te sai lel o prostipe katar gava bilachipe kai cherda gava lleno bi te llanel le angla o Del, ta gava bilachipe ka avel prostime gole lleneke. 29Isto gava zakono ka avel e israelenge ta i e llenenge kai aven katar aver phuv ta kai zivin maskar tumende kana cherena o bilachipe bi te llanen le.

30A o lleno kai cherda o bilachipe te llanela kai so cherda si o bilachipe e Devleke, i te avela israelita o te avela katar aver phuv morabi te avel tradino maskar po foro, 31Goleke soke ni thoda sama pe Devleke alava ta ni kandia leke zakonura, ka avel tradino ta ka inllarel po bilachipe.

E duk soke ni kandie o sabado

32Kana e israelita sea po pusto, malade iekhe llene kai chidela kasta ando sabado. 33E llene kai malade le inllarde le kai o Moises ta kai o Aaron, ta angla sa o foro, 34Sar von ni llanena so te cheren lea thode le ande rubie. 35Ondaka o Del phenda e Moiseseke:

Gua lleno morabi te chindol pe leke te avel mundardo. Goleke sa e israelita te mundaren le e barrenchar avri katar o pero. 36Ondaka e israelita ikande le katar o pero ta chudie barra ande lete lligo ni mulo, gia sar o Del phendaia e Moiseseke te cherel.

Fisie truial pe patave

37O Del dia orba e Moisesea ta phenda leke:#Dt 22.12.

38Phen e israelenge gala alava:

Tumen ta tumaro porodo morabi thoven fisie truial pe tumare patave ta pe suako fisia iek dori vuneti. 39Gia tumen kana ka dikhen e fisie, ka den tumen golli katar sa e zakonura kai me dien tumen ta ka kanden len, ta ni ka muken te inllarel tumen tumare mislura ta so mangen, kai pala gola ezgode tumen muklen te aven chache mange. 40Gia tumen ka den tumen golli katar sa me zakonura ta ka kanden len ta ka aven sante e tumare Devleke. 41Me sem o Gazda, tumaro Del, kai ikandem tumen katar o Ejipto te sai avav tumaro Del. Me sem o Del tumaro Gazda.

Currently Selected:

Numeros 15: BACHRO

Highlight

Copy