Lukas 10

O Jesus bichalel e eftavardes ta duie llenen

1Mapalal o Gazda esvirisarda i avere eftavardes ta duie llenen, ta bichalda len dui po dui angla le te llan ande sa e forura ta kai suako rig kai vou saia te llal.

2Ta phenda lenge:#Mt 9.37-38.

Chachimaia o lliu si but a cherricha e manusa kai radin. Goleke molintumen e Gazdake te bichalel llenen kai radin te chiden o lliu. 3Llan tumen, thoven sama kai bichalav tumen sargo bakrorre maskar e ruva.#Mt 10.16. 4Na inllaren love ni jape ni minie, ta na den orba nikaia e dromea.#Mt 10.7-14; Mk 6.8-11; Lk 9.3-5. 5Kana ka den ande iek cher, mai anglal phenen sar san, e pas te avel ande gava cher. 6A te avena kote llene pachivale, so manglen lenge ka cherdol. A te na avela gia, tumen ni ka jasaren niso. 7Achen isto ande gua cher, jan ta pien katar so si len, soke gua kai radil morabi te pochindol leke. Na llan cher cherete.#1 Kor 9.14; 1 Ti 5.18. 8Kana ka aven ande iek foro kai ka aven tumenchar pachivale, jan so ka den tumen. 9Sastaren e nasualen kai si kote ta phenen lenge:

E charoina e Devleki si pasa tumende. 10A te avilen ande iek foro kai ni ka aven tumenchar pachivale, liken pe droma ta phenen: 11¡Llik o prajo tumare foroko kai lipisailo pe amare porrne chinosara le, te llanen kai ni avilen amenchar pachivale! A llanen gava, kai e charoina e Devleki si pasa tumende.#Ech 13.51. 12Phenav tumenge kai ande gua llive, e duk kai ka delpe gole foroke ka avel mai bari neko e llenenge kai zivina ande Sodoma.#Jen 19.24-28; Mt 10.15; 11.24.

E llene kai ni pachan

Mt 11.20-24

13¡Tesko chuke, Korazin! ¡Tesko chuke Betsaida! Soke te cherdilea ando Tiro ta ando Sidon e bare ezgode Devlikane kai cherdile tumende, von ollikana irisailea katar pe bilache droma ande patave zalosne ta chudiea prajo pe po soro.#Is 23.1-18; Ez 26.1—28.26; Jl 3.4-8; Am 1.9-10; Zak 9.2-4. 14A ando llive e krisako tumen ka aven mai dukhade neko e llene katar o Tiro ta katar o Sidon.

15A tu, foro katar o Kafarnaum, ¿misli kai ka ave vazdino llik ando miloso? Ka fulie llik kai e charoina e merimaki.#Is 14.13-15.

16Gua kai asunel tumen, asunel man, ta gua kai ni kamel tumen, ni kamel man ta ko ni kamel man, ni kamel gole kai bichalda man.#Mt 10.40; Mk 9.37; Lk 9.48; Jn 13.20.

E eftavardes ta dui disipulura irinpe

17E eftavardes ta dui irisaile but vesele ta phenena:

¡Gazda, llik e duura bilache kanden amen ande cho anav!

18O Jesus phenda lenge:

Ea, me dikhlem sar o Satanas pelotar katar o miloso sargo iek esterlicha. 19Me diem tumen zor te nakhen upral pe sapa ta pe alakranura, ta suako zor e dusmanoki te jasarel tumenchar, ta te na nakhe ni iek duk.#Sal 91.13. 20A na veselin tumen kai e duura kanden tumen, veselin tumen soke tumaro anav si pisime ando miloso.

Samo o Jesus llanel ko si o Dad

Mt 11.25-27; 13.16-17

21Ondaka o Jesus veselime katar o Santo Duo phenda:

Blagosiv tut, Dade, Gazda e milosoko ta i e phuviako, soke gurudan gala ezgode katar e bizai ta katar e llangle ta sikadanlen e minonenge. Ea Dade, soke gia avila chuke drago te cherele.

22Mo Dad dia mande sa e ezgode. Niko ni llanel ko si o Chavo, samo o Dad, ta niko ni llanel ko si o Dad, samo o Chavo ta o Chavo sikavel le kake vou mangela.#Jn 3.35; Jn 10.15. 23Ondaka dikhla pe disipulura, ta phenda samo lenge:

Vesele gola kai ka dikhen so tumen dikhen. 24Goleke phenav tumenge kai but poraukura ta charura mangle te dikhen so tumen dikhen, ta ni dikhle, ta te asunen so tumen asunen, ta ni asunde.

E paramichi katar o lacho samaritano

25Iek kovachi e zakonoko llelo te del orba e Jesusea, ta te zumavel le puchla le:#Mt 22.35-40; Mk 12.28-34.

Kovachi, ¿so morabi te cherav te lau o zivoto ostade?

26O Jesus phenda leke:

¿So si pisime ando zakono? ¿Sar chitisarele?

27O kovachi e zakonoko phenda:#Lv 19.18; Dt 6.5.

Volisar e Gazda cho Del sa che liea, sa che duoia, sa che zoriaia, ta sa che misloia, ta volisar avere sar voli tu tut.

28O Jesus phenda leke:#Lv 18.5.

Sukar dian orba. Te cherdan gua ka avel tut o zivoto.

29A o kovachi e zakonoko mangela te chacharel so puchla, ta phenda e Jesuseke:

¿A ko si e llene kai si pasa ma?

30Ondaka o Jesus phenda leke:

Iek manus fuliela katar o drom kai llal katar o Jerusalem llik kai o Jeriko, ta jutle pe lete iek kochkaria kai chorde letar sa llik leke patave. Marde le ta lleletar ta mukle le sargo mulo. 31Ondaka iek popo nakhela isto katar gua drom, ta kana dikhla le, nakhlo truial le ta llelotar. 32Ta i iek levita avilo kote, ta kana dikhla le nakhlo truial le ta llelotar. 33A iek manus katar e Samaria kai llala isto katar gua drom, kana dikhla le, avila leke zalba. 34Ondaka avilo pasa le sastarda lake rane zeitinoia ta moliaia, ta ulisarda le e kirpenchar. Mapalal thoda le isto pe piri zen, inllarda le kai iek cher te sovel, ta arakhla le. 35Thiarinako o samaritano ikanda love kai mola len dui llive radoke, ta dialen kai o gazda e chereko ta phenda leke:

Arak gale manuse, ta te dian mai but love, ka pochinav chuke kana me ka iriv man. 36¿Savo katar gala trin cherdilo o lleno kai saia pasa gua kai marde le e kochkaria?

37O kovachi e zakonoko phenda:

Gua kai avila leke zalba letar.

O Jesus phenda leke:

Lla ta cher tu isto gua.

O Jesus ando cher e Mariako ta e Martako

38O Jesus llelotar kotar ta avilo ande iek forichi, kote iek diskinia kai ikhardola Marta lia le ande po cher. 39E Marta saia la iek phei kai ikhardola Maria, ta e Maria besli kai e porrne e Jesuseke te asunel so vou phenela.#Jn 11.1. 40A e Marta izdrala soke saia la but rado, ta avili pasa o Jesus ta phenda lake:

Gazda, ¿Inai chuke briga kai mi phei mukel man korkorre sa e radoia? phen leke te pomozil man. 41A o Jesus phenda lake:

Marta, Marta, chuke si briga ta izdra pala but ezgode, 42a si samo iek ezgoda kai trubul. E Maria esvirisarda e mai lachi, ta niko ni ka lel le latar.

Currently Selected:

Lukas 10: BACHRO

Highlight

Copy