Levitiko 26

O blagosipe e llenenge kai kanden

Dt 7.12-24; 28.1-14

1Na cheren tumenge ni iek dela ni slike, ta ni ka cheren slike pe barra te den changa angla lende, soke me sem o Jeova tumaro Del.#Ek 20.4; Lv 19.4; Dt 5.8; 16.21-22; 27.1. 2Me sabadura den len liubao, mo santuario den le liubao: Me o Del.#Lv 19.30.

3Te llana pe me alava ta te kandena me zakonura ta te zivina len, 4me ka bichalav tumenge o bursin ande po vreme, ta e phuv ta e kasta e umaliake ka den pe septelie, 5ka avel tumen lliu llik kana chiden e drakha ta drakha llik o vreme kai thodol e simiche ande phuv, ka jan marno lligo ni ka chalion ta ka zivin esmiro ande tumari phuv.#Dt 11.13-15. 6Ta me ka dav tumen pas ande phuv ta ka gazdari pe phuv bi darako, ta me ka ikanav e zivirinie dive katar e phuv ta ni ka ni ka avel maripe ande chi phuv. 7Tumen ka cheren te nasen tumare dusmanen, ta von ka peren e jarniea angla tumende. 8Panch llene tumendar ka cheren te nasen stotina lendar, ta stotina llene tumendar ka cheren te nasen des milie llene lendar, tumare dusmanura ka peren e jarniea angla tumende. 9Me ka sikavav tumenge mo volipe ta ka cherav tumen te barion ta te bariol tumaro porodo, ta ka chacharav e alava kai achilem tumenchar. 10Ka jan o lliu kai guruden ande ogola bursa ta ka resen te ikanen gua lliu te sai thoven andre o lliu nevo.

11Me ka ziviu maskar tumende, ta ni ka mukav tumen,#2 Kor 6.16; Apo 21.3. 12ta ka llav maskar tumende, ta me ka avav tumaro Del, a tumen ka aven mo foro. 13Me sem o Del tumaro Gazda, kai ikandem tumen katar o Ejipto te na aven ios lenge sklavura, ta me chindem e sole kai phariona pe tumende, ta cherdem tumen te phiren tumare chikatea upre.

So ka avelpe e llenenchar kai ni kanden

Dt 28.15-68

14A tumen te na asunena man ta te na kandena sa me zakonura, 15ta te na kandena me alava ta me zakonura, ta te na thovena sama pe alava pe so achilam, 16i me ka cherav gaia ezgoda tumenchar: ka bichalav pe tumende dar, nasualipe kai ni ka saston, ka phabon nasualimatar ta gua nasualipe ka korravel tumen ta ni ka avel tumen zor, niso ni ka blazil tumenge te thoven e simiche ande phuv soke tumare dusmanura ka jan tumare septelie kai ka chiden. 17Me ka dav tumen e zea, ta tumen ka aven rranime angla tumare dusmanura, ta e llene kai murzin pe tumende ka gazdarin pe tumende, ta ka nasen lendar bi niko te llal pala tumende.

18Ta isto gia pale te na kandena man, pale ka dukhavav tumen efta droma cheres tumaro bilachi. 19Ta ka cherav pe kotora tumaro baripe, ka cherav o miloso te na del tumen o bursin ta e phuv e septelie. 20Niso ni ka blazil tumenge te cheren tumenge zor, soke e phuv ni ka del niso, ni e kasta katar e umalia ni ka den septelia.

21A tumen pale te vazdiniaona pe ma ta ni kamena te kanden man, me pale ka dukhavav tumen efta droma mai but, prema tumaro bilachipe. 22Ka chudav pe tumende zivirinie dive kai ka muken tumen bi chaurrengo, kai ka chinen pe kotora tumare zivirinie ta e llene kai ka achen llunde ka aven ia cherricha kai ni ka avel ko te llal pe tumare droma.

23A sa gale ezgodenchar te na lachardon, ta pale vazdiniaona pe mande, 24I me ka vazdiniaivav pe tumen te ta ka dukhavav tumen efta droma mai but pala tumaro bilachipe. 25Ka cherav te meren po maripe, ka dukhavav tumen soke ni kandien e alava pe so achilam, tumen ka prasten te gurudon ande tumare forura, a me ka bichalav tumenge nasualipe, ta tumen ka peren ande va tumare dusmanenge.

26Kana me ka zatriv tumaro jape, des diskinie ka peken tumaro marrno ande iek furnava, ta ka jan le pe pe gachin kotora kai ka achen bokhale.

27A i gale ezgodaia te na kandena man, ta pale te vazdiniaona pe mande, 28i me ka vazdivav pe tumende ta jolinaia ka dukhavav tumen ios efta droma pala tumaro bilachipe. 29Ondaka tumen ka jan isto tumare chaurren ta tumare chorren. 30Me ka zatriv tumare riga vazdine, ta ka peravav tumare sliki, ta ka thovav tumare esnage mule upral pe esnage mule katar tumare dela ta ka sikavav tumenge mi joli, 31ta ka mukav puste tumare forura, ta ka zatriv tumare santuariura, ta ni ka khandav tumaro lacho meriso.

32Ka zatriv i e phuv, ta tumare dusmanura kai zivin ande late ka chudinpe. 33A tumen ka rispiu tumen maskar e phuvia, ta e jarniea ando va ka llav pala tumende, ta tumari phuv ka achel zatrime, ta puste tumare forura. 34Ondaka so tumen ka avena ande phuv katar tumare dusmanura, e phuv ka veselil pe ande pe llivesa kai ni radin. So achela pusti e phuv, soke ni radin la ta ka veselil pe katar pe llivesa kai ni radin la. 35Sa o vreme kai ka achel pusti ni ka radin la so ni saia la kana tumen zivina ande late.

36A e llene tumendar kai ka achen llunde ande phuv katar tumare dusmanura, ka thovav lenge ia bari dar kai ka nasen samo kana ka asunen iek patrin kai perel, ka nasen sargo e llene kai nasen katar o jarni, ta ka peren bi niko te llal pala lende. 37Ka peren iek pe aver sargo kana nasen katar o maripe, bi niko te llal pala lende, ¡Niko tumendar nasti ka achel angla tumare dusmanura! 38Ta ka meren maskar aver phuvia ta o foro tumare dusmanengo ka zatril tumen, 39ta e llene kai achena maskar tumende ka meren ande phuvia tumare dusmanenge cheres piro bilachipe, ta cheres o bilachipe lenge dadengo ka meren lenchar.

40Tumen ka phenen tumaro bilachipe, ta o bilachipe tumare dadengo, ta kai cherden o bilachipe mange, ta kai vazdinailen pe mande jolinaia, 41ta kai i me vazdinailen pe lende ta inllardem len ande phuv katar lenge dusmanura, ta ondaka kote lengi golli kai ni pachal ando Del ka achel ando lallao, ta ka pochinen katar po bilachipe. 42Ondaka me ka daman golli pe save alava achilem e Jakobea, e Isaakea ta e Abraamea, ta kadaman golli katar e phuv,#Jen 17.7-8; 26.3-4; 28.13-14. 43kai von mukle la pusti, ta e phuv ka veselil pe katar pe llivesa kai ni ka radin la, ondaka tumen ka len e dukh katar lengo bilachipe, soke ni thode sama me alavenge ta ni kandie me zakonura.

44Ta i kana cherde sa gala ezgode, ande phuv katar pe dusmanura, me ni ka tradav len ta ni ka murziu pe lende te mundarav len, ni ka phagav me alava pe so achilem lenchar, soke me sem o Del lengo Gazda. 45Goleke mai anglal ka daman golli pe save alava achilem lenchar kana ikandem len katar o Ejipto angla e akha e phuvienge te avav lengo Del. Me sem o Del.

46Gala si e alava, so si te cheren ta e zakonura, kai thoda o Del maskar vou ta e israelitura po burdo katar o Sinai kai o Moises anda len kai o foro.

Currently Selected:

Levitiko 26: BACHRO

Highlight

Copy