Juan 7
7
E phlal e Jesuseke ni pachan ande le
1Mapalal katar gala ezgode o Jesus llala ande phuv katar e Galilea. Ta ni kamela te llal katar e Judea, soke e judiura mangena te mundaren le. 2Ta saia pase e eslava katar e cherorra kai cherdon katar e patra, iek eslava e judionengi,#Lv 23.34; Dt 16.13. 3ta leke phlal phende leke:
Na achi kate. Llatar ande phuv katar e Judea te dikhen che disipulura e buchi kai chere. 4Soke ko mangel te avel pinllardo, ni cherel niso po chorial. Te cherea gala ezgode, cher len angla sa o sueto.
5Von phende gala orbe soke ni von ni pachana ande lete. 6O Jesus phenda lenge:
Mo llive ni ios ni avilo, a tumenge suako llive kai avel si lacho. 7O sueto nasti murzil pe tumende. A pe mande murzil, soke me sikavav bristomaia kai von cheren o bilachipe. 8Llan tumen pe goia eslava. Me ni llau, soke mo llive ni ios ni avilo.
9Phenda lenge gava, ta achilo ande phuv katar e Galilea.
O Jesus pe eslava katar e cherorra patrenge.
10Kana leke phlal lleletar, i o Jesus llelo pe eslava, ta llelo po chorial. 11E judiura rodena le pe eslava, ta phenena:
¿Kai talo?
12Ta saurre dena leki orba. Nesave phenena: Lacho si. Ta aver phenena: Iok, kojavel e foro.
13Ta niko ni dela leki orba angla e llene soke darana katar e judiura.
14Kana nakhlia dopas katar e eslava, o Jesus dia ando cher e Devleko ta sikavela. 15E judiura chudinape ta phenena:
¿Sar llanel gava pe gachin ezgode kana nikada ni sikilalen?
16O Jesus phenda lenge:
So sikavav inai mandar, so sikavav avel goletar kai bichalda man. 17Kogo mangela te cherel e volia e Devleki, ka pinllarel dal si e Devleko so me sikavav, o dal me ikanav gava me mandar. 18Kogo phenel vareso vou petar, rodel te falil vou pe. A me samo mangav te den liubao me Dade kai bichalda man, goleke suako drom phenav o chachipe.
19¿Ni dia tumen o Moises o zakono? a niko tumendar nikamel te kandel so phenel o zakono. ¿A soke roden te mundaren man?
20E llene phende leke:
¡Ande tute si iek llavolo! ¿Ko rodel te mundarel tut?
21O Jesus phenda lenge:
Iek ezgoda cherdem ando sabado, ta saurre chudisailen. 22De istina, o Moises dia tumen e sirkunsision, kai ni avili katar o Moises, avili katar e purane, a tumen sirkunsidin e muruse i ando sabado.#Jen 17.10; Lv 12.3. 23Te lela o murus e sirkunsision ando sabado, te na bangaren e Moiseseko zakono, ¿soke joliaon pe mande kai ando sabado sastardem iekhe llene?#Jn 5.9. 24Na thoven kris pe so tumen mislin kai gia si. Kana ka krisin cheren le chachimaia.
Ko si o Jesus
25Ondaka nesave llene katar o Jerusalem phenena gia:
¿Inai gava gole kai roden te mundaren le? 26Dikhen, sar del orba angla saurre, ta ni phenen leke niso, ¿Sai avelpe kai i e sudura pachan kai de istina vou si o Mesias? 27A amen llana katar si gava. Kana ka avel o Mesias, niko ni ka llanel katar avel.
28O Jesus saia ando cher e Devleko kana asunda gala orbe ta ando baro avazi phenda:
¡Tumen mislin kai pinllaren man ta mislin kai llanen katar avav! Me ni avilem me mandar, a gua kai bichalda man si chachuno, ta gale tumen ni pinllaren. 29A me pinllarav le, soke letar avav, vou bichalda man.
30Ondaka mangena te phanden le, ta niko ni thoda o va pe lete, soke ni ios ni aviloia leko llive. 31But llene pachaie ande lete, ta phenena:
Kana ka avel o Mesias, ¿ka cherel mai but bare ezgode Devlikane neko gala kai cherel gava?
E fariseura mangen te phanden e Jesuse
32E fariseura asunde kai but llene phenena gava letar, a von ta e mai preche popura bichalde e boñikura te phanden e Jesuse. 33Ondaka o Jesus phenda lenge:
Cherricha ios ka achav tumenchar, ta ka llautar golete kai bichalda man. 34Ka roden man ta ni ka malaven man soke kote kai me ka avav tumen nasti ka llan.
35Ondaka e judiura phenena maskar pete:
¿Kai ka llal gava kai amen nasti ka malava le? ¿Ka llaltar kai e judiura kai si maskar e griegure, ta ka sikavel ande Gresia? 36¿So si gava kai phenda ‘Ka roden man, ta ni ka malaven man, soke kote kai me ka avav tumen nasti te llan’?
O pai o llundo
37Ando mai baro llive e eslavako, o Jesus ustilo ta ando baro avazi phenda:#Lv 23.36; Nm 29.35; Jn 4.10-14.
Kogo si trusalo te avel mande. 38Kogo pachal ande mande, sar phenel o Pisipe, letar ka ezvoril o pai o llundo.#Ez 47.1; Zak 14.8.
39Gava phenda katar o Duo kai ka len gola kai ka pachan ande lete, soke ni ios ni diaia o Duo, ta ni ios o Jesus ni saia blagosime.
E llene fuladon cheres o Jesus
40Neseve llene kai sea kote, kana asunde gala alava, phende:
Chache si gava o profeta.
41Aver phenena:
Gava si o Mesias.
A aver phenena:
Iok, soke o Mesias nasti te avel katar e Galilea. 42Pisime si kai o Mesias si te avel katar e vicha Davideki, katar o foro kai ikhardol Belen, isto kotar katar saia i o David.#2 S 7.12-13; Sal 89.3-4; 132.11-12; Mik 5.2.
43Ta fulade sea saurre cheres o Jesus. 44Nesave llene lendar mangena te phanden le, a niko ni thoda o va pe lete.
45E boñikura katar o cher e Devleko avile kai e mai bare popura ta e fariseura, ta puchle len:
¿Soke ni anden e Jesuse?
46E boñikura phende.
¡Nikada niko ni dia orba sargo gava!
47Ondaka e fariseura phende lenge:
¿I tumen kojadilen? 48¿A so, vareko katar amare sudura pachaia ande lete, o varesavo fariseo? 49Gala llene, kai ni pinllaren o zakono, von si proketime.
50O Nikodemo, o fariseo kai aviloa kai o Jesus iek drom, phenda lenge:#Jn 3.1-2.
51Amaro zakono phenel kai nasti dosara nika te na asunaia mai anglal gole llene, te sai llana so cherda.
52Phende leke:
¿I tu san katar e phuv katar e Galilea? Chitisar ta dik kai katar e Galilea nikada ni likisto ni iek profeta.
E kurvichka
53Mapalal katar gala ezgode suako lleno llelotar kai po cher.
Currently Selected:
Juan 7: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
