Jenesis 34
34
O Sikem del ando lallao e Dina
1E Dina e chorri e Leaki ta e Jakobeki, lleli te pinllarel e chorren katar gua foro. 2Ta dikhla la o Sikem, kai saia chaurro katar o Jamor o jeveo, o birovi katar gua foro, ta pe zor sovto laia ta dia la ando lallao. 3A pe gachin volisarda, la kai vou mangela i voi te volil le. 4Ondaka o Sikem dia orba pe dadea ta phenda leke:
Lla mang gale chorra, soke mangav te ziniu man laia.
5A o Jakob llangla kai o Sikem diaia ando lallao leke chorra e Dina, a pala pe chaurre kai sea ande umalia leke zivirinienchar, ni phenda niso lligo ni von irisaile. 6A o Jamor o dad katar o Sikem, llelo kai o Jakob te del orba lea.
7Kana e chaurre e Jakobeke irisaile katar e umalia ta llangle so nakhlaia, von but jolaile, soke gaia ezgoda kai cherda o Sikem saia iek baro bilachipe e Israeleke soke sovtoia pe zor e chorraia katar o Jakob. ¡Gava saia te na cherel le nikada! 8A o Jamor dia orba lenchar, ta phenda lenge:
Mo chaurro o Sikem but volil tumare phiorra. Moliv man tumenge muken la te zinilpe lea. 9Ta gia te cherdon amari familia, amen ka zini amen tumare chorrenchar a tumen ka zinin tumen amare chorrenchar. 10Ta achen te zivin amenchar. Gaia phuv si angla tumende, zivin kate ta radin, chinen tumenge umalaia.
11A o Sikem phenda e dadeke katar e Dina ta lake phlalenge:
Me molivman tumenge mangen so mangena, a me ka dav le.
12Mangen mandar mai but so si te dav ta me ka dav le, ta muken la te zinilpe manchar.
13A sar o Sikem diaia ando lallao e Dina, e chaurre e Jakobeke die orba lea ta leke dadea kojaimaia, 14ta phende lenge:
Amen nasti da amare phiorra kai iek manus kai ni cherde leke e sirkunsision, soke te cherdamle gua avela iek baro lallao amenge. 15Amen sai cherale samo tumen te cherena gaia ezgoda: Te sai aven tumen sargo amen, sa tumare murusa morabi te sirkunsidinpe. 16Ondaka kote tumen sai ka zinin tumen amare chorrenchar, ta amen sai ka zini amen tumare chorrenchar, ta ka zivi tumenchar ta ka ava iek foro. 17A te na cherena so amen manglam tumendar, te sirkunsidin tumen, amen ka llatar katar, ta ka inllara amare phiorra.
18O Jamor ta leko chaurro o Sikem, avila lenge drago e orba kai die. 19Ta but oma o Sikem cherda so mangle letar te cherel, soke but volila e Jakobeke chorra. Ta o Sikem saia o lleno kai dena le mai but liubao maskar e familia leke dadeki. 20Ondaka o Jamor ta leko chaurro o Sikem llele kai o udar katar po foro, ta die orba e murusenchar katar po foro ta phende lenge:
21Gala llene si postene amenchar, ta ka zivin ande gaia phuv, ta ka chinen ta ka bichinen, soke gaia phuv si bari lenge, a amen sai ka zini amen lenge chorrenchar ta von sai ka zininpe amare chorrenchar. 22A te sai ava iek foro, von mangle samo iek ezgoda te chera: Te sirkunsidinpe sa e murusa maskar amende gia sar si von sikade te cheren le. 23Sa so si len, ta sa lenge zivirinie ka aven amare. Samo morabi te phena ea, ta von ka achen te zivin amenchar.
24Ta kandie e Jamore ta leke chaurre e Sikeme, ta sa gola kai likena katar o udar e foroko, cherde lenge e sirkunsision. 25A o Simeon ta o Levi, chaurre e Jakobeke ta phlal katar e Dina, llele pala o trito llive ando foro kana e murusa sea mai dukhade pala e sirkunsision, ta jarnienchar ande pe va mundarde sa e murusen, soke niko nasti marelape lenchar. 26Ta mundarde e jarniea e Jamore ta leke chaurre, mapalal ikande e Dina katar o cher e Sikemeko ta lleletar. 27Ta i avile ogola chaurre e Jakobeke, ta nakhle upral pe llene kai mule ta chorde sa so saia ando foro, soke diea ando lallao lenge phiorra. 28Ta inllarde lenge bakren, guruven, magarchonen ta sa so saia ando foro ta i ande umalia, 29ta chorde sa so saia ande chera, ta inllarde phangle sa e minonen ta e diskinien. 30Ondaka o Jakob phenda e Simeoneke ta e Levieke: Gale ezgodaia kai cherden muklem man ande chingar sa gale suetoia katar gaia phuv. Akana e kananeura ta e fereseura ka murzin pe ma ta ka chidiniaon, soke manchar si cherricha llene ta ka mundaren amen saurren.
31A von phende leke:
¿Saia vou te cherel amare phiorraia sargo iekhe kurvichkaia?
Currently Selected:
Jenesis 34: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
