Jenesis 16

E Agar ta lako chaurro o Ismael

1E Sarai, e rromi e Abrameki, nasti dela le minonen, a la saia iek sluga ejipsia kai ikhardola Agar. 2Ondaka e Sarai phenda e Abrameke:

Dik, o Del ni mukla man te avel man minone, goleke molivman chuke, thov tut ande iek than me slugaia e Agaraia, kai sai avelpe kai latar ka avel man minone.

Ta o Abram cherda so mangla letar e Sarai. 3Ta kana cherela des burs kai zivina ando Kanaan, e Sarai anda pe sluga ejipsia kai o Abram, ta dia la leke te avel leki rromi. 4Ta o Abram thodape ande iek than e Agaraia, ta voi achili khamni, a kana llangla e Agar kai ka avel la iek minono thoda te dikhel jolinaia pe Sarai. 5Ondaka e Sarai phenda e Abrameke:

¡Tu san o dosalo kai e Agar murzil pe ma! ¡Isto me diem la chuke te avel chi diskinia, ta akana kai ka avel la iek minono dikhel pe ma jolinaia. O Del te chinel e kris ko si o dosalo, tu o me!

6A o Abram phenda lake:

Dik, chi sluga si ande che va, cher laia sar tu mangea. Ondaka e Sarai thoda te avel bilachi e Agaraia, ta pala gaia ezgoda e Agar nasli latar. 7A iek suecho e Devleko malada la po pusto pasa iek paiorro kai si po drom kai llal ando Chur, 8ta phenda lake:

Agar, sluga katar e Sarai, ¿katar ave ta kai lla? Voi phenda:

Nasav katar e Sarai mi gazda.

9Ondaka o suecho e Devleko phenda lake:

Irisao kai chi gazda, ta muk te gazdaril pe tute.

10Ta i phenda lake gia o suecho e Devleko:

Ka bariarav pe gachin cho porodo,

kai niko nasti ka llinel le.

11Akana san khamni ta ka avel tut iek minono,

ta ka thove leko anav Ismael,

soke o Del asunda cho roipe.

12O Ismael ka avel divome sargo iek zivirinia,

ka marelpe saurrenchar ta saurre ka marenpe lea,

ta vou ka besel ande pi phuv

ta ka zivil angla sa pe phlal.

13Ondaka ikharda o anav e Devleko kai dela orba laia: Tu san o Del kai dikhel, soke phenda:

¿Ni dikhlem kate e Devle kai dikhel man? 14Goleke o bunari ikhardol:

Gua kai zivil ta dikhel man. Gava bunari achel maskar o Kades ta o Bered.

15Ta e Agar dia iek chaurro e Abrame, ta o Abram thoda leko anav Ismael.#Gl 4.22. 16O Abram saia leke ojtovardes ta sov burs kana biandilo leko chaurro o Ismael.

Currently Selected:

Jenesis 16: BACHRO

Highlight

Copy