Eksodo 32

135 Kana dikhle kai o Moises ni fulisto oma katar o burdo, chidinaile truial katar o Aaron ta phende leke:

Lla, ta cher amenge dela te llan angla amende, soke ni llana so avilape katar gua o Moises kai ikanda amen katar o Ejipto.#Ech 7.40.

2A o Aaron phenda lenge:

Ikanen katar tumare diskinie, katar tumare chaurre ta katar tumare chorra, e chea sunakune, ta anenlen mange kate.

3Ondaka saurre ikande pe chea sunakune katar pe kan, ta inllardelen kai o Aaron. 4Ta vou lia len, ta bilada o sunakai, ta iekhe cheskaia radisarda le lligo ni cherda te dikhol sargo iek telcho. Ondaka saurre phende:

¡Israel gala si che dela kai ikande tut katar o Ejipto!#Ech 7.41.

5Kana o Aaron dikhla gava, cherda iek altar angla o telcho, ta mapalal urkisarda:

¡Thiara ka chera slava e Devleke!

6Thiarinako rano ustile ta die kurbanura ta so si dino katar e pas. Mapalal o foro beslo te jal ta te piel, ta mapalal ustile te chelen.#1 Kor 10.7. 7Ondaka o Del phenda e Moiseseke:

Lla, ta fulie, soke cho foro, kai ikandan katar o Ejipto, murisailo.

8But oma durile katar o drom kai me phendem lenge te llan. Cherde peke iek telcho katar o sunakai biladino, ta blagosin le ta den le kurbanura, ta phenen: ¡Israel, gala si che dela kai ikande tut katar o Ejipto!

9Ta i phenda o Del e Moiseseke:

Dikhlem gale llenen ta chachimaia si llene zurale soreke.

10¡Akana muk te phabol mi joli ande lende ta te zatriv len, ta tutar ka cherav iek bari phuv!

11Ondaka o Moises thoda te molilpe angla o Del leko gazda, gale alavenchar:

Ioi Devla, ¿soke ka phabol chi joli pe cho foro, kai tu ikandan katar o Ejipto bare zoriaia, ta che zurale vastea?

12¿Sar ka muke te phenen e ejipsiura:

O Del ikanda len te mundarel len pe burdura, ta te ikanel len katar e phuv? Muk te phagol chi joli ta muk o mislo bilacho te zatri che foro. 13De tut golli katar che sluge o Abraam o Isaak ta katar o Israel, kai lenge jalan sovel isto pe tute, ta phendan lenge: Ka cherav tumaro porodo te avel gia baro sargo e cheraia ando miloso, ta ka dav sa tumare porodo sa gaia phuv kai diem tumenge orba, ta ka lenla tumenge ostade.#Jen 17.8; 22.16-17; 26.3-4; 28.13-14.

14Ondaka o Del keisailo te cherel goia zatrania pe foroke.#Nm 14.13-19. 15Ondaka o Moises fulisto katar o burdo, ta anela ande pe va e dui table katar o zakono, kai von sea pisime katar e dui riga. 16Isto o Del cherdaia e table, ta isto o Del pisisarda so saia pisime pe lende.

17Kana o Josue asunda o urkipe katar o foro, phenda e Moiseseke:

Asundol urkipe marimako ando pero.

18A o Moises phenda:

Inai llilia vesele katar e llene kai dobin, ta inai llilia katar e llene kai jasarde. Gala si aver llilia kai asunav.

19Ta kana o Moises avilo pasa o pero ta dikhla o telcho ta o chelipe, chirilo jolinatar ta chudia katar pe va e table, ta phaglalen pasa o burdo, 20ta lia o telcho ta chudiale ande iag, ta mapalal drobosarda le lligo ni cherda le prajo ta o prajo chudiale ando pai, ondaka cherda e israelen te pien katar gua pai. 21Ondaka phenda o Moises e Aaronoke:

¿So cherda chuke gava foro kai cherdan len te cheren pe kabor bilachipe?

22A o Aaron phenda:

Mo gazda, na joliao manchar. Tu llane kai gava foro drago leke te cherel o bilachipe.

23Von phende mange:

Cher amenge dela te llan angla amende, soke ni llana so avilape katar gava o Moises kai ikanda amen katar e phuv katar o Ejipto. 24Me phendem lenge:

Ko si le sunakai te thovel le pe iek rig. Ta von die man o sunakai, ta me chudiem le ande iag, ¡ta likisto gava telcho!

25Kana o Moises dikhla kai o foro saia sargo dilo ta thoda te marel espurnia letar, soke o Aaron ni llangla sar te achavel len, 26lia o Moises ta thodape po udar katar o pero ta phenda:

Ko si e Devlea, te chidiniaon manchar.

Ta sa e levitura chidinaile lea.

27Ondaka o Moises phenda lenge:

Gia phenda o Del, o Gazda e israelengo: Te lel suako lleno tumendar o jarni, ta te irilpe kai o pero, ta llan udar po udar, ta suako lleno tumendar te mundarel pe phlale, pe amale o e llene kai zivil pasa le.

28E levitura cherde so phenda lenge o Moises, ta gua llive mule preko trin milie murusa. 29Ondaka o Moises phenda:

Allive tumen len sa o gazdaripe angla o Del, soke nesave ni terpisarde pe chaurre ta aver ni pe phlale, goleke allive o Del blagosil tumen.

30Thiarinako, o Moises phenda e suetoke:

Tumen cherden iek bilachipe but baro. Akana morabi te likav po burdo kote kai si o Del, te dikhav o ka lav o prostipe tumenge.

31Ondaka o Moises irisailo kai o Del ta phenda:

Chachimaia gava foro cherda iek baro bilachipe, soke cherde peke dela sunakune.

32Me molivman chuke prostisar len, a te na prostia len ¡ikan mo anav katar o lil kai pisisardan!#Sal 69.28; Apo 3.5.

33A o Del phenda leke:

Ka ikanav katar mo lil samo gole kai cherela o bilachipe mange.

34Goleke lla tu akana, ta inllar gale foro kote kai phendem chuke. Mo suecho ka inllarel tut. Ta kana ka avel o llive te dukhavav len, me ka dukhavav len pala lengo bilachipe kai cherde.

35Ta o Del bichalda iek bari muka po foro soke blagosisarde iek telcho kai o Aaron cherdaia lenge.

Currently Selected:

Eksodo 32: BACHRO

Highlight

Copy