Eksodo 10
10
E zatrania katar e langoste
1O Del phenda e Moiseseke:
Lla kai o Faraon, soke me zuriardem leko lio ta e lie e llenenge kai radin leke, te sai sikavav lenge e bare ezgode kai me sai cherav, 2te sai tu phene che chaurrenge ta che unukonenge e ezgode kai me cherdem ando Ejipto, ta e bare ezgode kai cherdem te dikhon maskar lende. Ta gia tumen ka llanen kai me sem o Del.
3Ondaka o Moises ta o Aaron llele kai o Faraon, ta phende leke:
Gia phenel o Del, o Gazda katar e ebreura: ¿Pe gachin ios ni ka ave prosto angla ma? Muk te llal me foro te blagosil man. 4Soke te na mukea le, thiara ka anav e langoste pe chi phuv, 5pe gachin langoste ka aven kai ka ucharen e phuv, ta nasti ka dikhol e chik. Von ka jan so achila mapalal katar e krupe, ta ka jan sa e kasta kai den septelie ande umalia. 6Ka pheren che chera, ta i e chera katar e llene kai radin chuke, ta e chera katar sa e ejipsiura. ¡Ka avel iek ezgoda kai nikada ni dikhle che dada, ta ni che papura sar kana von sea pe pe phuv llik akana! Kana dia gaia orba, o Moises boldinailo ta llelotar katar o cher e Faraonoko. 7Ondaka e llene kai radina e Faraonoke phende:
¿Pe gachin ios morabi te terpi gale llene? Charo, muk gole llene te llaltar pe foroia te blagosin pe Devle lengo Gazda. ¿A so charo, ni llane kai o Ejipto sa zatrisailo?
8Ondaka o Faraon ikharda e Moisese ta e Aarone, ta phenda lenge:
Llan te blagosin tumare Devle kai si tumaro Gazda. A mai anglal phenen mange save llene ka llan.
9O Moises phenda leke:
Morabi te lla amare minonenchar ta amare phurenchar, amare chaurrenchar ta amare chorrenchar, amare bakrenchar ta i e guruvenchar, soke amenge si iek bari slava e Devleki.
10A o Faraon phenda lenge:
¡Achardol kai llan bilachimaia! ¿A tumen pachan kai o Del ka avel tumenchar, ta kai me ka mukav tumen ta tumare minonen te llantar? 11Gaia ezgoda ni ka avelpe gia. Llan tumen, e murusa mai purane te blagosin e Devle, soke gua si so tumen manglen. Ta o Faraon phenda te traden len katar leko cher. 12A o Del phenda e Moiseseke:
Inzar cho va po Ejipto, te sai aven e langoste te zatrin sa e patra kai si ando Ejipto, ta so achila mapalal katar e krupe.
13Ondaka o Moises vazdia pi rovli pe phuv katar o Ejipto, ta o Del anda iek balav katar e rig kai likel o kham kai phurdia po Ejipto sorro llive ta sa goia riat, ta thiarinako rano e balav katar e rig kai likel o kham anda e langoste, 14ta e langoste die ande sa e phuv katar o Ejipto, pe gachin sea kai nikada ni saia ta ni ka aven pe gachin langoste sargo ande gua llive.#Apo 9.2-3. 15Sea pe gachin pe phuv kai nasti dikhola e chik, ta jale sa e patra ta sa e septelie kai achilea pe kasta mapalal katar e krupe. Ni achila ni iek patrin zeleni pe ni iek rig katar o Ejipto, ni ande umalia ni pe kasta.
16Ondaka o Faraon sigarda te ikharel e Moisese ta e Aarone, ta phenda lenge:
Cherdem o bilachipe angla o Del o Gazda ta i angla tumende. 17Moliv man tumenge, prostin man samo gaia drom, ta te molin tumen e Devleke tumaro Gazda te lel mandar gaia zatrania merimaki.
18Ta o Moises samo likisto katar o cher e Faraonoko, molisailo e Devleke. 19Ondaka o Del cherda e balav te phurdel pe aver rig, ta cherda te cherdol iek bari balav katar perel o kham kai inllarda e langoste ta chudia len ande Mora e Loli. Ta ni achila ando Ejipto ni iek langosta. 20A o Del zuriarda o lio e Faraonoko, ta o Faraon ni mukla te llan e israelen.
E zatrania katar o truniariko
21Ondaka Del phenda e Moiseseke:
Inzar cho va karing o miloso te sai avel ando Ejipto iek truniariko gia baro, kai nasti dikhena ni po nai.
22O Moises vazdia po va karing o miloso, ta trin llive avilo iek truniariko but baro po Ejipto.#Sal 105.28; Apo 16.10. 23Ta ande gola trin llive niko ni dikhla nika, ta niko ni ustilo katar po than, a sa e israelitura saia len villelo ande pe chera. 24Ondaka o Faraon bichalda te ikharen e Moisese, ta phenda leke:
Llan te blagosin e Devle, ta inllaren tumenchar tumare minonen, a muken kate tumare bakren ta tumare guruven.
25A o Moises phenda leke:
Gava ni ka avelpe gia, isto tu ka de amen zivirinie kai ka da len kurbano, ta ka phabaralen ando liubao e Devleko kai si amaro Gazda. 26Ta i amare zivirinie ka llan amenchar. Ni iek zivirinia ni ka achel kate, soke morabi te ezviri nesave lendar lligo ni ka ava incha te blagosi e Devle amaro gazda.
27A o Del zuriarda o lio e Faraoneko, ta ni mukla te llantar. 28Ta o Faraon phenda e Moiseseke:
Llatar katar, ta arak tut te na ave te dikhe man pale, soke te avilan pale, ka mere.
29A o Moises phenda leke:
Sukar phendan: Ni ka avav ios te dikhav tut.
Currently Selected:
Eksodo 10: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
