Luka 17

Maëighëëyo

(Mat 18:6-7, 21-22; Mrk 9:42)

1Yesu agavakhanëa asëywi vakwe, “Maëghëëyo a usacha mahutye ajie. Ëgweeso hëhë akwe muntu wasuu nëajie soko akwe. 2Aja inoneye ija ino muntu wasuu atungëwe unkingo akwe igwe ra usiera na ughumëwa girambo, ukëa usacha mahutye gwa umwedu wa avai në anyui. 3Ravi nyenye aghonjo nëmbesa muuna wako waguhutya, mwonye, në wafea umwonee uvai, 4nanë waguhutya mëhënjo mufungatë gwa itiku rëmwedu na usuka kunë vee mëhënjo mufungatë, nauhanya, ‘Nafea,’ inoneye vee umwonee uvai.”

Uhuvëi

5Atumami vëgamukhanëa, Müküü, “Ongeeya uhuvëi witu!” 6Na Müküü agavakhanëa “Nëmbesa nyenye mukweti uhuvëi gënya mbeyu a haradali mudahite ukhanëa mukuyu urui, ‘Khunkuka, na ufandëwe girambo, aja ugumutegheeya nyenye.’”

Mwëmo wa Atumami

7“Anyu mukhatë anyu nyenye, unë ukweti mutughwa wa umurëmëa mughunda wakwe nampa umudëmeya nkhoo, nëwaja ufuma umughunda ugumukhanëa, ‘Njuu urë na wikhae fang'ë umesa ulëë?’ Tiuyi naheye. 8Ugumukhanëa, ‘Ng'ondaniye nene malëwa na ituunge mughonjo na untumëkie nee, faka nëlie na unywa? Na hafo veve ujie ulia na unywa. 9Ugumufa asi mutugwa wasuu gusoko watenda oong'e nëwaraghëëywe? 10Viuyi nanyee në mwadaha uyatenda oong'e nëmwaraghëëywe nyenye hanyi, Sese gwa atugwa nëvatinoneye; sese gwayatendie nëagunoneye umwëmo witu.’”

Yesu Uguvaerya Antu Ikumi Anyamatana

11Yesu naarë winjë uYerusalemu arë ukëëre mukhatë aSamaria na Galilaya. 12Naarë waingëa ugijiji gëmwedu, agataana na antu anyamatana ikumi. 13Veeso vëgaëmeka kuure na vëgahumbua nduuri yao unto vëuhanya, “Yesu Müküü, uguonee sese uvai.” 14Naarë wavaona veeso, agavakhanëa “Endi na mwende giaghëa nyenye aghonjo kunë makuhani.” Na mwino aarë vëuenda vinjë vëgaera. 15Umwedu mukhatë ao, naarë chu waona waforaa, agasuka unyuma, ugumukurya Muungu gwa ruri në ukuu. 16Na agagwa fang'ë umëghuu, a mwa Yesu ugumurumba mweeso. Na mweeso arë Musamaria. 17Yesu agahanya, “Vënaerwa voong'e ikumina? Vëgufei avoo kenda? 18Vinagighea na umwedu usuka na umufa Muungu irumbi ëgweeso mughenyi uyui?” 19Na agamukhanëa mweeso “Emëka na wende kunë winjë uhuvëi wako waguforya.”

Uja Gwa utëmi wa Muungu

(Mat 24:23-28, 37-41)

20Agawëywa na Afarisayo utëmi wa Muungu ujie, nanaë. Na mweeso agavasucha “Utëmi wa Muungu utijie gwa ndolyo ëse mukengee.” 21Vatiuhanya, “Kengei wë hafai na mpa ‘Wë hafoo!’ Gusoko kengei utëmi wa Muungu wë mukhatë anyu.” Na agavakhanëa asëywi vakwe, 22“Matiku ajie nëmujie uhunukwa uona itiku rëmwedu umatiku a Mwamuntu, na nyee mutiuriona.” 23Na vajie umukhanëa nyenye, “Ravi, wëhafoo! Ravi, wëhafai! Mutaende, mutavahonge veeso. 24Gusoko mwino ufëëto nëugufëta na umwëkëa unto girunde ufuma ng'ande ëmwe faka ung'ande mbuya, uyii ujie utenda Mwamuntu itiku rakwe. 25Ëgweeso tanju unoneye ahange makhasëko maingë na uhitwa na ufafo urui. 26Mwino arë matiku amwa Noa, uyii gujie utendeka umatiku a Mwamuntu. 27Veeso arë vëulëa na unywa, arë vëuroghoa, na uroghowa, faka itiku nënaa Noa waingëa usafina, na gharika igaja uvamaa veeso voong'e. 28Viuyi mwino ikhondo ra matiku amwa Loti, veeso arë vëulia na unywa, arë vëughua, na ughurya, arë vëufandëa, na ujenga, 29ëgweeso itiku rasëë naarë Loti wahegha uSodoma moto wa gibiriti na ugaraghaëra ufuma girnde na ugavamaa veeso voong'e. 30Uvi uyi gujie utendeka itiku nëhikwë Mwamuntu ugudweera.

31“Itiku, rasëë gëkaku muntu në wë gunto gitembe, na mari akwe ëmukhatë a nyumba, atasime uenda uihoa. Na viuyë wasuu në ugumughunda atasuke ukhaya. 32Mukëmbukwi mukhema wamwa Loti. 33Wasuu nëungufenja ufonia uduvë wakwe uguuyaghaya, ëgweeso wasuu në uguyaghaya uduvi wakwe uguufonia. 34Nene ngumukhanëa nyenye, itiku rasëë utiku ahoo varee antu vavëe guurë rëmwedu, umwedu uguhowa muuya ugurekwa. 35Akhema vavëë ahoo vëusya itambëëmwedu, umwe uguhowa na muuya ugurekwa. ( 36Aghosya ahoo vëumughunda, umwedu uguhowa na muuya ugurekwa.)” 37Na asëywi vëgamuwëya, “Ayai ëutendekaa gufei?” Mweeso agavasucha, “Kunë urë mwiimba hafo haufe ëgihangwëya itambëëmwedu.”

Currently Selected:

Luka 17: RIMRC

Highlight

Copy