Fil Ndibned ń kálag
Ndibned ń kálag
Paalɛ mɔ́ atěnlé mwembé ḿme ńdé á Filipi enɛ́n kálag áde ábédé á mbwɔg. Abédé ndutul ne ayə́ge áde déetə̂ŋgɛne áde bad bémpēe béyə́gtéʼáá. Kénɛ́ɛ ḿmɛ́n mekan mébɛ́nládtáá, Paalɛ ambɛ́ menyiŋge, ásūm-mɛ nlém áyə̄l e adúbe áde ádúbpé Yesu Krǐstəə.
Nzɔm eche ekəə́ boŋ Paalɛ átēl enɛ́n kálag edíi âságnɛn bad bé Krǐsto bé Filipi áyə̄le nwôŋgɛn ḿme bêmbɛɛ́ mɔ́ á póndé eche ántōgnɛ̄nnē nwôŋgɛn. Awédé bɔ́ nlém á abum, aláá-ʼɛ bɔ́ aá bébɛ̂ bésum mekuu. Acháa bɔ́ aá béwôŋ asuded á yə̌l áde Yesuɛ, ésebán bémwag bán mekan mé esíí mé ekob é yə̌l mékamlan bɔ́. Akamtan bɔ́ aá abɛ́ áde bédíí mod nhɔ́g ne Krǐstəə ádíi nsimé ń Dyǒb aá Dyǒb dɛ́bɛ̌l-lɛ bébɛ́ menyiŋge bébɛ́-ʼɛ nsaŋ ábe áde bédíí mod nhɔ́g ne Krǐstəə.
Nkabtéd ń kálag
Paalɛ alɛ̌nté, aságnɛ́né, akánnéd-tɛ mwembé ń Filipi 1.1-11
Paalɛ aá âbɛ́ á nkǒŋsé ádíi âbɛle Krǐstəə, âwɛ́-ʼɛ dɛ́boŋnéd mɔ́ 1.12-30
Paalɛ aá abɛ́ á bad bé Krǐsto ábɛ̂ ngáne áde Krǐstəə 2.1-11
Paalɛ aá bad bé Krǐsto bébɛ̂ á nkǒŋsé nɛ́ɛ tintinɛ 2.12-18
Paalɛ akɛné Timotiɛ bɔ́ Epafroditus 2.19-30
Paalɛ aá mod awě adúbpé Krǐstəə ǎkobnéd áʼsō éʼ Dyǒb 3.1-11
Paalɛ aá mod tɛ́ɛ́ áwan áte âpid mam á asog bwâm 3.12-21
Paalɛ alébe bad bé Krǐsto 4.1-9
Paalɛ aságnan mwembé ń Filipi 4.10-20
Melɛntɛn mé asóg 4.21-23
Currently Selected:
Fil Ndibned ń kálag: bss
Highlight
Share
Copy
Want to have your highlights saved across all your devices? Sign up or sign in
© 2011, CABTAL