Malumbo 7
7
1Ee Mzuri Izuwa wangu, nakuitikija we: unikije ghati yawo wose wenikinya, urenihodja.
2Asinibaje ngoma sa simba, ekiicharandua: hesioke na mundu wa kuhodja.
3Ee Mzuri, Izuwa wangu, kwakicha naketa huwo: mekioka mawiwi mikononi hangu.
4Kwakicha nimwihia viwiwi mwenye luworo hangu: mtano namkija ula eniwinya wesho.
5Mring’a anikinye ngoma, aiwone: mtano auwate si moo wangu, akiyaje kirumi kyangu purughusheni.
6Uwuke, ee Mzuri, hena lureghijo lwako, ukuwushije wanga ya mashishirro ma wawinyi wangu: uniwukie, niwe uchilie wuchili.
7Torano la wandu likujunguluke: uwahundukie wanga.
8Mzuri enechilia wandu; unichilie, ee Mzuri: hena mikayie ya ngalo yangu, na wuirowili wangu wuoho hangu.
9Owiwi wa wawiwi wuiting’o: uwaduwije wenye ngalo.
10Amu niye Mzuri mwenye ngalo: mughesha ngoro na kikudi.
11Ngao yangu ni hena Mzuri: ewakija wenye ngoro irongeke.
12Izuwa ni mchili mwenye ngalo: naye Izuwa esikia luwawo misi yose.
13Mundu asigharuke, eneunoa muhandi wakwe: ehinda wuta wakwe, euarehia.
14Emwarehia pia vya kufwija: eiareha mivwi yakwe ya moto.
15Yoa, ena kuemea kwa owiwi: etika hena kuemea kwa mateshanyo, ewona maongo.
16Efora ikongo, elikula: eligwia ikongo eliarehie.
17Mateshanyo makwe menemhundukia mtwini: mashishirro makwe menemseia kitoshini.
18Ninemwanjela Mzuri hena mng’ana wa ngalo yakwe: ninembinia luisiso izina lakwe Mzuri eoho wanga.
Currently Selected:
Malumbo 7: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
