Mattayo 3
3
1Misi ila akaza Yohana Mbatizaji ekitinda shighati ya Uyahudi,
2Ekiteta, Chweni‐mti, amu ufumwa wa wanga wasongeria.
3Amu uu niye etetiwe ni mroti Isaya, ekighamba, Ighonda lakwe eiya shighati, Areheni nzia ya Mzuri, rongesheni mavetio makwe.
4Naye Yohana eokie na suke jakwe ya nyui ja ngamela, na ngana ya kitanga kikudini hakwe, na kidjo chakwe zighe na zoke ya mbakoni.
5Wakamfumia Yerusalemi na Uyahudi ose na isanga lose la mbai ya Yardani;
6Wakabatizwa naye mfuroni Yardani wekighamba ng’oki jawo.
7Na ekiwona weingi wa Wafarisayo na Wasadukayo wekiza hena Lubatizo lwakwe akawawurra, Waana wa nyoka, niani emburra unywi kuimatukia oro ineza?
8Keteni ndunda jiweyie kuchwa‐mti;
9Nete musighambe kuteta ngoroni, Tuna apa, niye Ibrahimu; amu namburra, ti Izuwa eidima hena mabwe ama kumbushijia Ibrahimu waana.
10Mtano na yoo izoka liikee kikoloni cha miti: amu ii miti yose isigera ndunda jedi itemwa, itaghwe motoni.
11Mi nambatiza na mbombe hena kuchwa‐mti; ye eza nyuma yangu ni mbaha kukela mi, siweiwa mi mtano kuchungua viratu vyakwe: Ye enembatiza na Ngoma Mshenete na moto.
12Kihadjo chakwe kioho mkononi hakwe, naye enezerrija muno kiwaza chakwe, enewunghanya ngano kilaloni, kake makekeshwa enemashota na moto usijima.
13Niho Yesu akafuma Galilaya akamfikia Yohana ha Yardani, abatizwe niye.
14Yohana akamswija ekiteta, Yaniwe mi kubatizwa ni we; nawe waza hangu?
15Yesu ekitalwa akamburra, Ushighe ingeriaha, amu huwu yatuwe kufisha ngalo yose. Kuidiwika akamshigha.
16Naye Yesu ekinaidiwe kubatizwa akafuma chwi mbombeni: wanga jikamjughukia, akawona Ngoma ya Izuwa ikisea sa ibeta, ikamfikia:
17Na yoa, ighonda ghati ya wanga likateta, Uu ni Mwana wangu mkundwa, eniizihira.
Currently Selected:
Mattayo 3: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
