Mattayo 18
18
1Magheri mala waanalosha wakamzia Yesu wekighamba, Niani niye mbaha ghati ya ufumwa wa wanga?
2Akaitanga kamwana akamgera ghati yawo,
3Akaghamba, Kididi namburra, ti msikachwe‐mti muoke sa waana, tomuneingia na ufumwa wa wanga.
4Amu ii ose enekuseja mwenye sa kamwana aka, uu niye mbaha ghati ya ufumwa wa wanga.
5Na ose euhia kamwana kamwe sa aka hena izina langu, eniuhia mi.
6Na ose emtekwesha mwe wa awa wadongo weniitikija mi, keba hena ye, ibwe la kushaghia ibaha lichungwe singoni hakwe, naye amerukijwe ghati ya mawongo ma ndiwa.
7Wukiwa masangeni amu ya matekwesho: amu tehena huwo matekwesho maze: kake wukiwa hena mundu ula hena lwakwe matekwesho maza.
8Kwakicha mkono wako kana kughuu kwako kwakutekwesha, ukuchwe, ukutaghe hae: keba hako kuingia na moo kirema kana ukichingilika, kukela mwenye mikono miri kana maghuu meri kutaghwa ghati ya jehannum ya moto.
9Na kwakicha ijiso lako lakutekwesha, uling’ole, ulitaghe hae: keba hako kuingia na moo na ngenge, kukela mwenye meso meri kutaghwa ghati ya jehannum ya moto.
10-11Mukuyoe musidae mwe awa wadongo; amu namburra, ti malaika wawo wanga misi yose wauyoa wusho wa Apa wangu eoho wanga.
12Mwawonaze? kwakicha mundu awona maghonji ighana, na imwe lawo lineteka, temashigha mala makumi kenda na kenda, na atonga nduwini, na alienda lila lateka.
13Na ekiliwona, kididi namburra, ti eizihirwa wanga ila, kukela wanga mala makumi kenda na kenda mesiteke.
14Huwo tekikundika msongorana wakwe Waweo wenyu eoho wanga, ti mwe wa awa wadongo ateke.
15Kwakicha mundwenyu akuketia ng’oki, tonga uarehiane naye, we na ye wenye; kwakicha akusikia, wambona mundwenyu.
16Kwakicha esikakusikie, tikawa nawe mwe kana weri, nesa hena itumbu la wewoni weri kana watatu, kiteto chose kiimushwe.
17Kwakicha asiwasikia awa, uwawurre kanisa; na kwakicha asiwasikia kanisa, aoke hako sa mwe wa Mbare na mwuhi lushango.
18Kididi namburra, Vyose muneikamuvichunge masangeni vineoka vyachungwa wanga, na vyose muneikamuvichungua masangeni vineoka vyachunguka wanga.
19Namburrawa, ti weri wenyu weneikawearehana masangeni hena kindu chose weneomba, kineoka hawo hena Apa wangu eoho wanga.
20Amu handu weri kana watatu weoho wekiwunganyika hena izina langu, niho nioho ghati na ghati yawo.
21Magheri mala Petro akamzia akamburra, Mzuri, kandu ako mundwetu ekinitekwia, nimshighie? mtano kando kafungate?
22Yesu amburra, Sikuwurra, mtano kando kafungate, nde mtano kando makumi fungate kando kafungate.
23Amu ii ufumwa wa wanga wafwanana na mundu mfumwa, ekundie kuareha kutara na wazoro wakwe.
24Ekinawoke kuareha, akaetwe hakwe msile mwe eawa naye talanta maghana ighana.
25Naye esioke na kindu cha kuihia, mzuri wakwe akaaghanya ataghwe, na mche wakwe na waana, na vyose eokie navyo, sile ihwe.
26Amu ii muzoro akagwa akamsemba, ekiteta, Mzuri, unigumirie, nami ninekuiha pia.
27Mzuri wa mzoro ula akamsaria, akamchungua, akamshighia sile ila.
28Mzoro ula akafuma akawona mwe wa waghenje wakwe, eawa naye ya denari ighana, akamgura, akamnyama, ekiteta, Iha uawa.
29Amu ii mughenje akagwa akamsemba ekiteta, Unigumirie, nami ninekuiha.
30Naye akasua, akatonga akamgera kichungoni, mtano eneikaeihe sile.
31Amu ii waghenje wekinawone vila viarehika wakashiniwa muno; wakatonga wakamburra mzuri wawo vyose viarehika.
32Mzuri wakwe akamwitanga akamburra, Mzoro mbiwi, nakushighia sile ila yose, ukinanisembe;
33Teikuwe na we kumsaria mughenji wako sandu na mi nikusarie we?
34Mzuri wakwe akaregija akamng’ola hena warishi wukiwa, mtano eneikaeihe sile yose.
35Huwo na Apa wangu wa wanga enemketa unywi, msikashighie mundu ose mundwawo ngoroni henyu.
Currently Selected:
Mattayo 18: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
