Mattayo 17
17
1Kutera kwa misi mitandatu Yesu akawatika Petro na Yakobo na Yohana mundwawo; awaete wanga ya nduwi mbaha wenye.
2Akagharushwa msongorana wawo, wusho wakwe ukang’aa sa zano, na suke jakwe jikaoka nyewa sa kiangaji.
3Na yoa, wakawafumia Musa na Eliya wekiteta naye.
4Petro akatalwa akamburra Yesu, Mzuri, ni chedi uswi tuoke kunu; Ukakunda tuneareha maanda matatu, imwe lako, imwe la Musa, limwe la Eliya.
5Ekioka ekiteta huwo, Yoa, ijumbi laangaja likawagera mvuri; na yoa, ighonda kufuma na ijumbi, likiteta, Uu niye mwana wangu mkundwa, naisejwa naye; msikieni.
6Wekinasikie waanalosha wakagwa si, wakaituka muno.
7Yesu ekiza akawakuwara ekiteta, Wukeni, nete musiituke.
8Wakawushija meso, wasiwone mundu, nde Yesu mjenye.
9Na wekinaoke wekisea nduwini Yesu akawaaghanya, ekiteta, Msimburre mundu ndoto, mtano Mwana wa mundu eneikaruke ghati ya wefwie.
10Wakambujanya waanalosha wakwe wekiteta; Amu ii nikini watami waghamba, ti yambe Eliya kuza ini?
11Akatalwa akaghamba, Eliya eza, na eneareha vyose:
12Kake namburra, ti Eliya eidiwa kuza, na tewemtisiwe, kake wamwarehie sandu wekundie; huwo na Mwana wa mundu enerishwa wukiwa nawo.
13Waanalosha wakatwarija, ti ewawurre mburi ya Yohana Mbatizaji.
14Na wekinawazie matorano mundu akamzia ekimdung’utia na ekimburra,
15Mzuri, umsarie mwana wangu, amu awukwa na arishwa wukiwa muno; amu keingi agwa motoni, na keingi mbombeni.
16Nikamwete hena waanalosha wako, wasiidime kumhodja.
17Yesu akatalwa akaghamba, Irika lisina luitikijo na libangabanga mtano rini nineoka na unywi? mtano rini ninetikana na unywi? Unietie uo na kunu.
18Yesu akambohia, luhungu lukafuma hakwe, mwanake akahodjwa too saa ila.
19Waanalosha wakamzia Yesu hena ngiliwata wakaghamba, Nikini uswi totuidime kulukinya ulu?
20-21Awawurra, Amu ya luitikijo lwenyu kuoka ludongo. Amu kididi namburra, Kwakicha muna luitikijo sa ndembe ya kyardali, muneiwurra nduwi ii, Fuma uko kutonga kula, inefuma; nete tehena musikiidima.
22Wekinaoke wekiikaa Galilaya Yesu akawawurra, Mwana wa mundu eneng’olwa mkononi ha wandu.
23Nawo wenemkoma, na musi wa katatu enerushwa. Wakashiniwa muno.
24Wekinaze Kapernaum wala weuha didrakma wakamzia Petro, wakamburra, Mlosha wenyu teiha didrakma? Eghamba, Ee.
25Ekinaingie nyumbeni, Yesu akamburra ini, ekiteta, Wawonaze, Simon? Wafumwa wa masanga wauha lushango kana lukamba hena wandu ani? Hena waana wawo, kana hena wagheni?
26Ekighamba, Hena wagheni, Yesu akamburra, Huwo wala waana teweiha.
27Kake nesa tusiwashishirra, tonga ha ndiwa ugere kiloo, na wushija nguluma ila yakwea kuwoka: Na ukichungua itumbu lakwe unewona statera: ukiiuha ii uwainge hena mi na we.
Currently Selected:
Mattayo 17: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
