Kufuma 39

1Na ya ngoningoni, na ngundu, na irotome, wakaareha nguo ja kutumika, hena ndima ya heshenete, wakaareha nguo jishenete jakwe Harun; sandu Mzuri eaghanyie Musa. 2Akaareha efodi ya thahabu, ngoningoni, na ngundu, na irotome, na nguo ya kitani kiiwitwe. 3Wakaibighiria thahabu ioshwe sisiri, wakaichwa kuoka rachi, waiingije na ngoningoni, na ngundu, na irotome, na nguo ya kitani kiiwitwe, hena ndima ya mwaria. 4Wakaiarehia vindu vya vituro, vya kuilanganyia: hena malutiriwo meri ikalunganyika. 5Na ngana ya machumo ya efodi, ioho wanga yakwe, iokie huwo, hena ndima yakwe: thahabu, ngoningoni, na ngundu, na irotome na nguo ya kutani kiiwitwe; sandu Mzuri emwaghanyie Musa.

6Wakaareha mabwe ma shoham mechungwa ghati ya mawiko ma thahabu, meson@we, sa kusongowa kwa muhuri, na mazina ma waana wa Izraeli. 7Akamagera wanga ya vituro vya efodi, mabwe hena lukumbusho hena waana wa Israeli, sandu Mzuri emwaghanyie Musa.

8Akakiareha cha‐mbafuni, ndima ya mwaria, sa ndima ya efodi; thahabu, ngoningoni, na ngundu, na irotome na nguo ya kitani kiiwitwe. 9Kikaoka kuarangamba; wakakiareha chambafumi keri; idambo la vichaa wueza wakwe, na idambo la vichaa kuarama kwakwe, keri. 10Wakakiwikia mitambara minne ya mabwe: mtambara, akiki ngundu, yakuti ya manjano, na zumaridi, mtambara wa kuwoka. 11Mtambara wa keri, baharamani, na yakuti samawi, na akiki nyewa. 12Mtambara wa katatu, ain‐il‐hiri, na yashimu, na jemashtu. 13Mtambara wa ka@e, zaharajadi, na jazaa, na yashbu: machungwa na mawiko ma thahabu hena machungo mawo. 14Mabwe makaoka hena mazina ma waana wa Israeli, ikumi na meri, hena mazina mawo, kusongowa kwa muhuri, mundu ose na izina lakwe, hena mbari ikumi na mbiri. 15Wakaareha wanga ya cha‐mbafuni nyise hena maidiwiko makwe, ndima iiwitwe ya thahabu izerre. 16Wakaareha mawiko meri ma thahabu napete mbiri ja thahabu: wakajigera pete mbiri ghati ya maidiwiko meri ma cha mbafuni. 17Wakajigera nyise mbiri ja thahabu ghati ay pete mbiri jioho maidiwikoni ha cha‐mbafuni. 18Namo maidiwiko meri ma njise jiiwitwe wakamachunga na mawiko mala meri, wakamagera wanga ya vituro vya efodi, msongorana wakwe. 19Wakaareha pete mbiri ja thahabu, wakajiwika wanga ya maidiwiko meri ma cha‐mbafuni, hena lutiriwo lwakwe, luoho mbai ya efodi ya ndeni. 20Wakaareha pete mbiri jingi ja thahabu wakajighera hena mbai mbiri ja efodi si mbai wa kuyowa, kuilikia malunganyo mala mengi, wanga ya ngana ya machumo ya efodi. 21Wakakichunga cha‐mbafuni hena pete jakwe na pete ja efodi na luzighe lwa ngoningoni, kioke wanga ya ngana ya machumo ya efodi, na cha‐mbafuni kisichunguke na efodi; sandu Mzuri emwaghanyie Musa.

22Akaiareha nguo ya efodi ya ndimi iiwitwe, ya ngoningoni yose. 23Likaoka iworo ghati ya nguo, sa iworo la madini, na lutiriwo lwa kulijunguluka iworo, lisibajike. 24Wakaareha wanga ya lutiriwo lwa nguo makamamanga ma ngoningoni, na ngundu, na irotome, na nguo ya kitani kiiwitwe. 25Waakaareha njugha ja thahabu izerre, wakajigera njugha ghati na ghati ya makamamanga hena lutiriwo lwa nguo, kujuuguluka ghati ya makamamanga. 26Njugha na ikamamanga, njugha na ikamamanga kulujunguluka lutiriwo lwa nguo ya kutumikia; sandu Mzuri emwaghanyie Musa.

27Wakaareha makoti ma nguo ya kitani kiiwitwe hena Harun, na hena waana wakwe. 28Na kilemba cha nguo ya kitani, na makofia medi ma nguo ya kitani, na seruali ya kitani ya nguo ya kitani kiiwitwe. 29Na ngana ya nguo ya kitani kiiwitwe, na ngoningoni na ngundu, na irotome, ndi ma ya sindano; sandu Mzuri emwaghanyie Musa.

30Wakaareha kabamba ka lumerisia lushenete, thahabu izerre, wakakitamia kitamo, sa kusongowa kwa muhuri, USHENETO HENA MZURI. 31Wakakachungia luzighe lwa ngoningoni lwa kukachunga wanga kilembeni; sandu Mzuri emwaghanyie Musa.

32Huwo ndima yose ya hema la hema la mawunganyiko ikaidiwika waana wa Israeli wakaketa hena vyose Mzuri emwaghanyie Musa, ni huwo wakaketa.

33Wakamwetie Musa hema, hema yakwe, na viya vyakwe vyose, vichunga vyakwe, maboho makwe, miti yakwe, na ngujo jakwe, na mawiko makwe, 34Na ifinikiro la mikota ya ndorome igerwe ngundu, na ifinikiro la mikota ya tahashi, na pazia la ifinikiro, 35Sanduku la luwondjo, na mitikio yakwe, na kiikaiyo cha lusario, 36Meza, na viya vyakwe vyose, na mabumunda ma luwondjo, 37Kinara kizerre, na taa jakwe, taa ja kugerwa nezo, na viya vyakwe vyose, na mafuta ma kuangaja, 38Na kisiko cha thahabu, na mafuta ma kugera, na fukijo linonie, na waniko la mbenge ya hema, 39Kisiko cha usango, na nyavu yakwe ya usango, mitikio yakwe, na viya vyakwe vyose, birika na kughuu kwakwe, 40Mawaniko ma kiwanza, ngujo jakwe, na mawiko makwe, na mawaniko ma mbenge ya kiwanza, nzighe jakwe, na misomari yakwe, na viya vyose vya ndima ya hema, hena hema la mawunganyiko. 41Nguo ja kutumikia hena kutumika ghati ya heshenete, na nguo jishenete ja Harun mkohani, na nguo ja waana wakwe watumike na wukohani. 42Hena vyose Mzuri emwaghanyie Musa, huwo waana wa Israeli wakaareha ndima yose. 43Musa akaiyoa ndima yose, na yoa, waiketie sandu Mzuri eaghanyie, ni huwo weiketie: Musa akawatasia.

Currently Selected:

Kufuma 39: TAVETA

Highlight

Copy