Tito 2

Sc'oplal ti lequil chanubtasele

1Ti c'usi ta xavale, j'ech'eluc co'oluc xchi'uc jech c'u cha'al ta xac' ta na'el ti lequil chanubtasele. 2Jech ti moletique, albo ya'i ti oyuc sbijilique, ti lecuc ti sc'oplalique, ti lecuc ta q'uelel ti xcuxlejalique, ti junuc yo'nton xch'unojicuc ti Cajvaltique, ti oyuc xc'uxul yo'ntonique, ti oyuc smuc'ul stsatsal yo'ntonic ta sts'iquel ti svocolique. 3Jech xtoc ti yayiletique, albo ya'iic ti lecuc ta q'uelel ti xcuxlejalique, ti ma'ucuc yesic ta lo'iltavaneje, ti ma'ucuc ti yacubel ta spasique. Yu'un tsots sc'oplal ac'o yaq'uic ta q'uelel ti c'usi lec ta pasele, 4ta xchanubtasel ti tsebal antsetic ta xc'uxubinel ti smalalique xchi'uc ti yalabique, 5ta spasel ti c'usi leque, ti lecuc ti stalelique, ti tojobuc ta sventainel ti snae, ti oyuc ti slequil yo'ntone, ti co'oluc yo'nton xchi'uc ti smalale yo' jech mu'yuc buch'u chopol ta xc'opoj ta stojol ti lequil ach' c'op yu'un ti Diose.

6Jechuc me xatsatsubtasbe yo'ntonic xtoc ti querem viniquetique ti oyuc ti stuq'uil sjol yo'ntonique. 7Baino scotol ta yac'bel yil ti c'usi lec ta pasele yo' jech ta xc'ot ta yo'ntonic ta spasel. C'alal ta xachanubtase, ta slequil ta yutsiluc avo'nton. 8Oyuc smelol xtoc ti c'usi ta xavale yo' mu'yuc buch'u ta sa'bot amul. Ti buch'u ta xcontrainvane ta xlic q'uexavuc. Laj to c'op ma' ti ta xchopol-c'opoj ta jtojoltique.

9Bijubtaso ti mosoviletique ti ac'o xch'unbeic smantal ti yajvalique, ti lecuc ti yo'ntonique, ti ma'ucuc ta tac'obil ta xtac'avique, 10ti mu x'elc'ajique, ti yaq'uicuc ta ilel ti oy slequil stuq'uil yo'ntonique yo' jech ta xvinaj ta xcuxlejalic ti yan yutsil ti chanubtasel yu'un ti Jcoltavanej Dios cu'untique.

11Yu'un ti Diose laj xa yac' ta ilel ti yutsil slequil yo'ntone, ti ja' sventa yo' ta staic scolel scotol ti jnaclejetic ta banomile. 12Ti yutsil slequil yo'nton ti Dios taje ta xac' jna'tic ti ac'o quictatic comel ta spasel ti c'usi chopole xchi'uc ti sc'upijel o'ntonal yu'un ti sba banomile, ti jtamticuc batel ti lequil cuxlejal li' ta sba banomile, ti lecuc oyotique, ti oyuc stuq'uil jol co'ntontique, ti jun co'ntontic ta yich'el ta muc' ti Diose, 13ti jech to li' yacalotic ta smalael ti muc' ta c'ac'al sc'ac'alil ti spatobil co'ntontic ti xi s'elan ta xc'ot ta pasele: ti jun yutsil xojobin no'ox ta xcha'sut talel ti Jcoltavanej Dios cu'untique, xchi'uc ti Cajvaltic Jesucristoe.#2 P 1.1. 14Yu'un laj yac' sba ta milel ta jcojtic#Mt 20.28; Mr 10.45; Gá 1.4; 1 Ti 2.6. ta spoquel stuselotic ta j'ech'el ti laj scoltaotic loq'uel ta stojol ti mulile#Sal 130.8; Mt 20.28. yo' jech ta xijc'ot ta yu'un,#Ex 19.5; Dt 4.20; 7.6; 14.2; 1 P 2.9. xchi'uc ti oyuc ta co'ntontic ta spasel ti c'usi leque.

15Taje, ja' jech avabtel ta chanubtasvanej, ta stsatsubtasbel yo'ntonic, ti avich'oj tsots avabtel ta xava'an aba ta stojolique. Mu'yuc buch'u junuc xasbaj xastenic unbi.

Currently Selected:

Tito 2: TZC00

Highlight

Copy