Proverbios 29
29
1Ti buch'u xtac'tun no'ox c'alal ta xich' tojobtasele,
ta jech yepal ta xlic sta ti svocol une.
2C'alal cuchem yu'unic ti buch'u oy stuq'uilique, xmuyubajic no'ox ma' ti jnaclejetique;
c'alal cuchem yu'unic ta spasel mantal ti buch'u mu'yuc xch'ulel xa'i sbaique, oyic ta vocol ti jteclume.
3Ti bijil nich'onile, xmuyubaj no'ox yu'un ti stote;
ti buch'u xlotet xchi'uc ants sna' sbolomalin sbae, ta xixlan staq'uin.
4Ti oy stuq'uil ta ventainvanej ti ajvalile, mu'yuc c'usi sna' ti slumale,
ja'uc ti buch'u ja' no'ox sc'an ti patane, ta soques ti jteclume.
5Ti buch'u xch'i o xa'i ta stoyesbel sc'oplal ti buch'u lec xil sba xchi'uque,
le' une, yuni yacobil stuc ta sta.
6Spets'al ti buch'u mu'yuc xch'ulel xa'i sbae, ta scoj no'ox smul stuc;
ti buch'u oy stuq'uile mu'yuc c'usi sna', xmuyubaj no'ox cuxul.
7Ti buch'u oy stuq'uile ta xchiquintabe sc'op ti me'un mu'nate,
ja'uc ti buch'u mu'yuc xch'ulel xa'i sbae, mu sventauc.
8Ti jliquesej c'opetique, xvochvun no'ox yu'un sjunul ti jteclume;
ti buch'u oy sbijilique ta slamajes c'alal c'ac'uneb ti o'ntonale.
9Ti bijil vinique, mi ta stsac ta c'op ti mu'yuc xch'ulel xa'i sbae,
xcap sjol xchi'uc un, ta xlabanat, mu'yuc c'usi ta xchapaj yu'un.
10Ti j'ac'vanej ta milele, xchi'uc ti buch'utic mu'yuc xch'ulel xa'i sbaique,
juteb ta yo'ntonic ac'o chamuc ti buch'u oy stuq'uil yo'ntone.
11Ti buch'u pimunebe, j'ech'el ta sbusan ti bu xa oy ti sc'ac'al yo'ntone,
ja'uc ti buch'u oy sbijile, ta lec no'ox spajes sba.
12Ti lec xa xa'i staq'uel jutbil c'op ti ajvalile,
ta soques scotol ti yajtuneltaque.
13Ti buch'u ta xich' ilbajinele, xchi'uc ti buch'u ta x'ilbajinvane, xi yuni c'oplalic xchibalique:
co'ol ac'bil satic ta sq'uelel osil yu'un ti Diose.#Pr 22.2; Mt 5.45.
14Ti ajvalile jal ta xchoti ta pas mantal
mi c'alal ta me'un mu'nat ti oy lec smelol ti c'u s'elan sta o sc'an pasbel ta stojolic ta xile.
15Ti xc'amlij jmojuque, xchi'uc ti oy vulele, oy c'usi ta xich' tael yu'un un,
ja'uc ti nich'onil q'uelbil no'oxe, ta xac' ta q'uexlal ti sme'e.
16Ti yepal no'ox oy ti mu'yuc xch'ulel xa'i sbaique, yepal ti mulile;
ti ta sta ti svocolic une, ta xilic ti viniquetic ti oy stuq'uilique.
17Tojobtaso ti anich'one, jun avo'nton ta xacuxi yu'un,
ta xata ti atuc xa no'ox mu'yuc buch'u xtaun ta xava'ie.
18Ti bu mu'yuc tojobtasel ti liquem talel ta toyole, naca chopol ta xc'ot ta pasel;
mu'yuc c'usi sna' ti jteclum mi xc'ot ta pasel yu'un ti oy c'usi jbel tsots albil yu'un ti Diose.
19Mu xtuq'uib ta eil no'ox ma' ti mosovile,
ac'o mi ta xa'i, mu xch'un un.
20Ti buch'u mu snopojuc xbet'bun no'ox ti ye ta soquesvaneje, mu ts'icbaj,
ja' xi to jutuc ti buch'u pimunebe.#Pr 26.12.
21Ti buch'u sq'ueloj no'ox ti smosov c'alal biq'uit toe,
ts'acal to xcha'na' xa liquel un.
22Ti buch'u jtsoc' jtij ta c'ope, jliquesej leto,
mu no'ox albajuc yepal ta xjelav.
23Ti buch'u toyobbae ta soques yuni c'oplal stuc;
yan ti buch'u peq'uel ta xac' sbae, ta sta lec sc'oplal.#Mt 23.12; Lc 14.11; 18.14.
24Ti buch'u co'ol sba xchi'uc ti j'eleq'ue, laj xa sten sba xcaltic,
ac'o mi ta sbise ta cotol chaval, laj ta alel ti ta svinajes sbae.
25Ti xi'el yu'un ti viniquetique, muc'ul tsalel ta j'ech'el;
ti buch'u spatoj yo'nton ta stojol ti Dios une, chabibil lec.
26Yepal oy buch'u ta sa'ic pojel chapanel ta stojol ti ajvalile,
le' une, ja' no'ox ta stojol Dios oy chapanel.
27Ti buch'u oy stuq'uilique mu ts'icbaj ta xa'iic ti buch'u mu'yuc xch'ulel xa'i sbaique,
jech ec ti buch'u mu'yuc xch'ulel xa'i sbaique mu ts'icbaj ta xa'iic ti buch'u oy stuq'uilique.
Currently Selected:
Proverbios 29: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
