Proverbios 27
27
1Mu xacajnopilan ta alel c'usi q'uelel talel ti oc'ome,
yu'un mu xana' c'usi xc'ot ta pasel ti oc'ome.#Stg 4.13-16.
2Ich'bilucot ta muc' yu'un ti yane;
yan xa sc'oplal ti ta xavalbe aba atuque.
3Ol ta j'ech'el ti tone xchi'uc ti yi'e,
yepal ta xac' vocol yu'un scapemal ti buch'u pimunebe.
4Ti sti'emal scapemale, jsoquesvanej j'ac'-ti'ol ta j'ech'el,
ja'uc ti buch'u xojol ta it'ixale, mu'yuc xpoxil.
5Ja' lec jamaluc o'ntonal ta tojobtasvanej;
altic ti sba no'ox eal ti c'uxubinel xa yilele.
6Ti xbajluj yu'un ti buch'u lec xquil jbatique, jpat to co'ntontic yu'un,
ja' mu sta sc'oplal ti acontra ti xasmey xa yilele.
7Xtaet xa ta xa'i slajesel ajapom ti buch'u noje;
ti c'usi ch'ae, jun yutsil ta xa'i ta slajesel ti buch'u ta xvi'naje.
8Ti buch'u loc' xa batel ta nom ti bu voq'ue,
co'ol s'elan jcot mut yictaoj comel ti stase.
9Xmuyubaj to o'ntonal yu'un ti xpaq'uet smuil ti muil poxiletique;
ti lequil bijubtasel ta xal ti buch'u lec xquiltique, xcuxet to ti banomil yu'un une.
10Mu j'ech'eluc xaten o comel ti buch'u lec xavil aba xchi'uque,
mi ja'uc xaten o comel ti buch'u lec xil sbaic xchi'uc ti atote.
Mu xavalilan avocol ta stojol ti achi'iltac ta voq'uele.
Ja' xloc' venta ti alac'na nopol oye,
ja' mu sta ti achi'il ta voq'uel nom oye.
11Ich'o abijil, cuni nich'on, mu'yuc c'usi jna' avu'un unbi;
xtac' cu'un sutel sc'opic unbi ti buch'utic ta soquesbeicun co'ntone.
12Ti buch'u xa'i sbae mu stic' sba ta spasel ti bu xi'bal sbae;
ti buch'u mu xa'i sbae buyuc no'ox ta stic' sba ech'el, ta sta svocol un.#Pr 22.3.
13Ti buch'u ta sva'an sba ta piarol yu'un ti mu xojtiquine,
pojbo comel ti sc'u'e, comuc ta rental.#Pr 6.1-5; 20.16.
14Ti sob xa xa'avet ta sc'oponel ti buch'u lec xavil aba xchi'uque,
ilbajinel ta xa'i ti stuque.
15Ti jti'oltavanej antse, co'ol s'elan ts'ujel xbajbun no'ox ti ta yorail vo'tique.#Pr 19.13.
16Jc'antic ti ac'o spajes sbae, le'e, lijc'ot jech c'u cha'al mu c'u xcutic ta spajesel ti iq'ue,
mi ja' co'ol xchi'uc ti aceite ti mu c'u xut xch'am yu'un ti c'obale.
17Ti tsatsal taq'uine, ta xich' juxel ta tsatsal taq'uin,
jech ec ti buch'uuc no'oxe, ta sventa yan ta xlub.
18Ti buch'u ta stuc'ulan ti icuxe, ta slo'be ti sate;
ti buch'u ta sbain lec ti yajvale, ich'bil ta muc' ta xc'ot un.
19Jech c'u cha'al xvinaj ta q'uelel ti satil ta yut vo'e,
ja' jech ti vinic eque oy lec ta sjol ti c'u s'elane.
20Ti lajebale, ti muquinale, ti sc'upijel o'ntonale
mu'yuc spajeb ta xc'anolaj.
21Ti oroe, ti platae, ta xich' q'uelel ta c'oc';#Pr 17.3.
ti c'u s'elan oy ti buch'ue, ta lequil c'optael ta xvinaj ec.
22Mi xajisbe jisbe ya'i ti buch'u pimunebe, me'inem xa'i.
23Tuc'ulano ti achijtaque,
tijo avo'nton yu'un ti chon bolometique,
24yu'un ti c'ulejale, ti ich'el ta muq'ue, mu xjalij sbatel osil.
25C'alal yaxju'an xa ta q'uelel ti jobele, ti yaxal ta xvul ta loq'uele,
ta xich' tsobel un ti momol oy ta osiltique.
26Ti ta avuni chijtac une, ta xpul stsatsal ta xac'u'in un;
ti atentsuntac une, ta xachon yo' ta xaman avosil.
27Yepal no'ox ta xac' ya'lel xchu' sme' ti atentsuntaque,
ta xamalq'uin aba xchi'uc ti c'u yepal oy ta anae, xchi'uc scotol ti avajtuneltaque.
Currently Selected:
Proverbios 27: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
