2 Timoteo 4

1Ta sba ta sat ti Diose xchi'uc ti Cajvaltic Jesucristo ti ta xtal ta Ajvalilale, ti ta xtal ta xchapanel ti buch'utic cuxulic toe xchi'uc ti chamemic xae, xi s'elan ti tsots sc'oplal ta jc'ubanbote: 2Paso tsatsal ta yalel ti lequil ach' c'ope. Mu xavicta ta yalel. Mi sc'an xa'iic, mi mu sc'an xa'iic, yavil mi laj avale. Ac'bo sna'ic ti lequil ach' c'ope. Tac'aluc c'otuc ta yo'nton avu'un ti oy c'usi quechel maquic ti jnaclej ta banomile. Muq'uibtasbo yo'ntonic. Mu xatsiq'ues avo'nton ta chanubtasvanej. 3Yu'un ta sta sc'ac'alil ta xtavan xa'iic lequil chanubtasel ti jnaclej ta banomile. Yu'un ja' ta xlic spasic ti c'usi lec ta xa'iique, naca jtoyobbaetic, yepal no'ox ta sa'ic jchanubtasvanejetic ti jech ta xich'ic chanubtasel jech c'u cha'al oy ta yo'ntonique. 4Ta svalopatinic comel ta ya'yiel ti bu ja' melele, ja' xa ts'etel xchiquinic ta ya'yiel ti naca lo'il maxiletique. 5Ja'uc ti vo'ote, staojuc yav oyuc ti stuq'uil snopobil avu'une, ti cuchuc avu'un ti vocole. Paso tsatsal ta yalel ti colebal lequil ach' c'ope. C'otuc ta pasel avu'un ti avabtele.

6Ja'uc ti vu'une ta xa xi'aq'ue jelavel ta matanal, yu'un sta xa sc'ac'alil ta xicham. 7Laj, tsuts xa cu'un scotol ti bu to ox jtamoje. ti lec iloc' cu'un ti cabtel li'ac'bat jbain ti bu xijipet ta jujujot yu'une. Staoj o yav jch'unoj ti Cajvaltique, mu'yuc xilubtsaj. 8Avi tana une, ti c'alal ta sta yorail ti muc' ta c'ac'ale, ja' xa no'ox jmalaoj ti matanal ti chapal sc'oplal ta xiyac'bun ti Cajvaltic ti Buch'u ja' lequil Jchapanvaneje. Ma'uc no'ox vu'un ta xiyac'bun ti jmotone. Ta x'ac'batic ec ti buch'utic xmuyubaj xa smalaojic ti jun yutsilal ta xcha'sut talele.

Ti Pabloe ta sc'anbe vocol ti Timoteoe

9Ta jc'an ta xtal no'ox aq'uelun mi xu' avu'une. 10Yu'un ti Demase#Col 4.14; Fil 24. laj xa yictaun comel. Ja' lec laj ya'i ti sba banomile, yu'un bat xa ta Tesalónica. Ti Crescente xtoque bat xa ta slumal Galacia. Ti Titoe#2 Co 8.23; Gá 2.3; Tit 1.4. bat xa ta Dalmacia. 11Ja' xa no'ox li' jchi'inoj ti Lucase.#Col 4.14; Fil 24. Sa'o ti Marcose,#Hch 12.12,25; 13.13; 15.37-39; Col 4.10; Fil 24. ic'o talel, yu'un bal xca'i ti ta xiscolta ta abtele. 12Yan ti Tíquicoe,#Hch 20.4; Ef 6.21-22; Col 4.7-8. laj xa jtac batel ta Efeso. 13C'alal mi latale, ich'bun talel ti jlic jc'u' ti laj jcomtsan ta sna ti Carpo ti nacal ta Troase.#Hch 20.6. Ich'bun me talel xtoc ti jvuntaque xchi'uc ti balbil vun ti tsots sc'oplal ta xtune.

14Ti jten-taq'uin Alejandroe#1 Ti 1.20. toj chopol ta j'ech'el ti c'usi laj xa spasbune. Tojbatuc yu'un Cajvaltic ti c'usi laj xa spase.#Sal 62.12; Ro 2.6. 15Bijan me yu'un ec, yu'un me tsots ta scontrain ti c'u s'elan ta xijchanubtasvane.

16C'alal sba velta laj xchapanun ti banquilal ajvalile, mu'yuc buch'u laj stic' sbaic ta scoltaelun, scotolic laj yictaicun comel. Ta jc'an ti mu x'ich'bat yeic yu'un Dios ti jech laj spasbeicune. 17Yu'un ja' no'ox laj scoltaun laj yac'bun quip ti Cajvaltique yo' jech ic'ot ta pasel laj cal ti colebal ach' c'ope, yo' jech laj ya'iic scotolic ti jyanlumetique. Ja' yu'un un, ti Cajvaltique laj scoltaun loq'uel ta yoc ta sc'ob ti jti'oval leone. 18Yu'un ta ono'ox xiscoltaun ti c'usiuc no'ox ta xvul ta jtojole, yu'un ta xischabiun yo' jech ta xiyic' ochel ti bu ta xventainvan ti oy ta vinajele. Ich'biluc o ta muc' sbatel osil. Jechuc.

Ti slajeb chabanuque

19Chabanuc ta xcalbe ti Priscae, ti Aquilae,#Hch 18.2,18. xchi'uc ti c'u yepal oyic ta sna ti Onesíforoe.#2 Ti 1.16-17. 20Ti Erastoe#Hch 19.22; Ro 16.23. com ta Corinto. Yan ti Trófimoe#Hch 20.4; 21.29. ip laj quicta comel ta Mileto. 21Mi xu' avu'un, la' me q'uelun c'alal mu to ta xlic ti yorail sique. Chabanucot xayalbot ti Eubuloe, ti Pudentee, ti Linoe, ti Claudiae, xchi'uc scotol ti jch'unolajeletique.

22Ac'o xa xchi'inot comel ti Cajvaltic Jesucristoe. Ac'o yac'boxuc slequilal yutsilal ti Dios ta atojol acotolique. Jechuc.

Currently Selected:

2 Timoteo 4: TZC00

Highlight

Copy