Lebitiko 16
16
1Kaxi koitadai bïï goka maamaradï Aaron miadïrï gukakai ïgai xako dajatadai Gïr Nukadakami. 2Dai bhodïrï Gïr Nukadakami aataga ïmadï Moises daidi itïtïdai,
—Aagidañi gï xïgi Aaron sai maiti agai xi mos ipïldakai baakiagi ïgai go gïï nagiïkïdï ikuxi ïbhïgidiïrï dai buidïrï go kajoñi iñaparadï xako gï boixidai ïrai bai ïgaikïdï oigïlda nïidagi aanï odami soi maaxkamigadï. Ami bïïxi adama ïr xadutudikamiïrï tudu. Xi mos ïgikïdï baakiagi ïgai mukian taada ïgai gin maaxitukai aanï kubhuxi saagida bhobai kajoñi iñaparadï dama. 3Xudu baakia agadagi go Aaron go xadutudikamiïrï gï agai xi ïkiaxdïrï gin bhïidakagi ïgai ïmo turu gin daxdaragai bïïtarï buañidaragai bïïtarï soi maaxkami. Gï agai xi daxdakaruana gin tïïgiadagi ïgai go turu. Dai gï agai ïpï xi bïï naato gin mïituldagi ïgai ïmo kañiru kïrhiadï dai aidï gia bhagakamu xi baakiagi— itïtïdai Gïr Nukadakami Moises.
11—Gï agadamu xi go Aaron muagi go turu dai gin daaxida gobai bai ïgaikïdï oigïlda kïkibagi ïgai soimaaxkamigadïkïdï ïmadï modukai aaduñdï ïpï ix makïdï kiidïrï óídaga— itïtïdai.
27—Xibi gï aagidamu aanï ix dukatai duñagi go turu dai go xibato ix makïdï daaxi go Aaron buanaragai bïïtarï soimaaxkami dai ix makïdï bhïiyi ïgai ïradï dai mïï gatïïgi ïgai xako bïïxi adama ïr xadutudikamiïrï. Go turu ïmadï go xibato gobai gï agadamu xi maigobai bubaidagi tukugadï gobai xako mai tipu bhaabhaki dai ami mïidagi ojogidï ïmadï modukai tukugadï dai ijidï— itïtïdai.
34—Mos umigiïrï gï agadamu xi podukai buadagi bai buañixikami biyagi soimaaxkamigadï ix makïdï ibuadagi go Israelitas. Go Israelitas gï agadamu xi apia xadutuadagi idi sïïrhikami bïïxkïrï bïïtarï— itïtïdai Diuxi.
Currently Selected:
Lebitiko 16: NTP
Highlight
Share
Copy
Want to have your highlights saved across all your devices? Sign up or sign in
Copyright: Ethnos360 Sanford, Florida
