Jonas 3
3
1Dai Gïr Nukadakami aatagidi go Jonas ïpamu 2daidi potïtïdai,
—Mïïka aitulda ñoki óídakami go gïï kii Ninibeana. Aanï gï aagidamu pïx tumaxi aagidagi— itïtïdai Gïr Nukadakami.
3Dai xibi gia go Jonas ïïgi Gïr Nukadakami dai jii Ninibeamu. Kïïga ïr gïdukami go gïï kii ïgai. Baika tasai imidagai aïkami go imidagai abhiadïrï ïmo padïrï asta mïï baasadïrï ugidïrï ukami. 4Tai baa Jonas bhaabhaki saagida Ninibeïrï ïmo tasai imidagai aïkami dai ami gïgïr iñokidimi ïgai dai potïtïdaimi ïgai óídakami,
—Xibi abhiadïrï gokobhai tasaikïdï xia duada agai Gïr Nukadakami bhaabhaki ïmadï óídakami tanai— itïtïdai.
5Dai bïïxi go óídakami buaboitu Diuxi. Go gïï dunukamiañdïrï koidamako buaboitu ïgai bïïxkatai. Dai go gïï dunukami potïtïdai go óídakami,
—Maiti abïr dïïka kuadagai toma lachi daidi abïr gïn aada yukuxi kostatarhikïdï duñixikami. Maatï xi podukai ïma dukai gï tïgitokagi Diuxi dai ka maiti gïr kodagi— itïtïdai.
6Daidi go gïï dunukami ami Ninibeana go gïï daikaruana dakatadai ixtukïdï gatïanïiña ïgai. Dai kajioma ix ïpïbuimi ami ciudadana dai kïkiba dai maigobai daí baasaradï ix makïdï biakatadai ïgai reykatai. Dai gï aadi ïgai yukuxi kostarhikïdï duñixikami dai maatai saagida daiba. 7Daidi bhodïrï go gïï dunukami ïmadï sonorï gukakamigadï aagai ïmo sïïrhikami bïïxi go oidakami bïïtarï daidi potïtïdai,
-Idi ñoki ïr bïïxkatai go oidakami bïïtarï, maiti gï agai sai dïkagi aapimï kuadagai toma lïïchi tomarhi iyagi sudagi ïpï. Tomarhi aapimï oidakami tomarhi gïn sosoiga buxtaki. 8Gïn aadabïrai bïïxkatai aapimï yukuxi kostatarhikïdï duñixikami ïmadï modukai gïn sosoiga buxtaki. Daidi abïr gïgïr daanïda Diuxi. Gï agai sai dagito aapimï gïn soimaaxkami ix makïdï ibuadana aapimï dai ka mai omarhigaka. 9Maatï xi podukai ïma dukai gï tïgitoagi Diuxi dai ka mai kabami bhamukagi gïr buidïrï sai poduka ka maiti gïr kodana ïgai- itïtïdai go dunukami go oidakami.
10Dai maatï tïï Diuxi sai ka ïmadukai gïn tïtïgito go óídakami. Dai ka ïmadukai gï tïgito Diuxi dai ka mai koi ïgai.
Currently Selected:
Jonas 3: NTP
Highlight
Share
Copy
Want to have your highlights saved across all your devices? Sign up or sign in
Copyright: Ethnos360 Sanford, Florida