Genesis 46

1Bhodïrï go Israel ix makïdï ïr ogadï go Jose kusu jii bïïxi buxtuidadï dai bhïiyi boi Ejipto amakoga. Dai mai mosïkaxi Israel tïgidu ïgai. Jakobo tïgidu ïgai ïpï. Dai mïï ayi ïgai Bersebaïrï ukami dai ami xadutuada agai Diuxi ix makïdï ogakarudï buaboitudaiña. Ami mïiturhi ïgai buxtaki tudu. 2Dai aidï tukarï Diuxi aatagidi go Israel tïïtïkiïrï. Daidi go gïmai tïtiaradïkïdï ñokidi ïgai daidi potïtïdai.

—Jakobo Jakobo— itïtïdai.

—Gin aagidañi— ikaiti go Jakobo.

3—Aanï ïr Diuxi go baaxi ix makïdï gin buaboitudaiña gï oga. Daiñi. Maitï agai ix duadikuda aapi imïkai Ejiptuamu. Aanï gï nukadakamu tudu. Kaxkïdï tudu kabami muidatulda iñagai gï piipixara ami Ejiptuïrï. Dai ïgai ïmo odami ka agai ka muidakai— itïtïdai. 4—Aanï gï baidakamu gamo Ejiptuamu dai gokiïrï ïïgi aanï ïgai dai bubaidamu gï piipixara abhiadïrï ïpamu. Dai aapi xudu kaxi gï baidaja agadagi mukigami gï ïmadï dakamu gï maara Jose— itïtïdai.

5Bhodïrï go Jakobo jii Bersebaiñdïrï xako kaï ïgai aatagidï Diuxi. Dai ami gukatadai go gïï Ejipituana oidakami Rey sosoigadï kareta ix makïdï otoxdi ïgai xi ïgaikïdï Jakobo maamaradï baidakana aaduñdï gamo Ejiptuamu. Dai maamaradï Jakobo karetïrï dáí ogadï ïmadï maamaradï dai modukai ooñigadï. 6Dai Jakobo bhïiyi go boi Ejiptuamu ïmadï bïïxi aaduñdï. Dai sadaja bïïxi aïkatai buxtaki xïki biakatadai ïgai. Dai bïïxi kusuka ïgai buxtuidadï ix makïdï ka biatu ïgai ami Kanaanïrï. 7Dai Jakobo maamaradï dai bopoxikadï dai bhabhaabhadï bïï oi gamo Ejiptuamu.

Currently Selected:

Genesis 46: NTP

Highlight

Copy