Genesis 45

1Dai go Jose ka mos sosoakiada antaadatu kaïkai aatagidï go Juda daidi potïtïdai ïgai pipioñigadï sai bubuakia ïgai abhiadïrï. Dai tomarhi ïmo pioñi mai dakatadai aidïxi maaxi aagai go Jose xorai ïgai.

2Gïïgïr suakimi go Jose tudu dai asta go Ejipituana óídakami ix makïdï kidigamadïrï daraja bïïxi kaï dai aagai dai máí go gïï Rey ïpï ïmadï bïïxi go gaa ix makïdï Rey kiidïrï óídaga.

3Dai Jose potïtïdai xixïgidï,

—Aanï ïr Jose. ¿Kia ix daja gin oga?— itïtïdai.

Dai xixïgidï ka mai ñiño duduadimukai.

4Dai Jose itïtïdai,

—Bhainorioma abïr gukiba tami gin sonoana— itïtïdai.

Dai ka sonoana gukiba potïkai ïgai.

Dai Jose itïtïdai,

—Aanï ïr gïn sukurhi Jose dai aanï gin otoxi aapimï gin gagaarakai. 5Dïï tomaxi gin gagaara aapimï maiti gï aagai mïxi duduadimukagi tomarhi maitï aagai mïx soi gïn ïrhiadagi. Daiñi, Diuxi ïgai dai ïkiaxdïrï gin otoi bhaigobai xi mai koiyagi aapimï bhiugigaikïdï— itïtïdai ïgai xixïgidï.

6—Ka daibusai goka umigi dai kia biïga ïpï taama umigi xi mai kia bhai gï duña agai ïjïxikami toma lïïchi— itïtïdai. 7—Dïï Diuxi ipïrhidi xi muidagi gïn piipixara. Kaxkïdï maiti ipïrhidi ïgai ix koiyagi aapimï ïmadï gïn maamara. Kaxkïdï ïkiaxdïrï gin otoi ïgai bhaigobai ïmo gïï soiñi dukai aapimï gïn abhana xi ka kïïgakïrï bubuakia aapimï— itïtïdai. 8—Mai xu mosïka gin gagaarakai aapimï dibia aanï bhaigobai. Diuxi aba ïgai dai gin otosa ïrhiditadai dai bhaigobai gin otoi. Ïgai tudu daidi gin dáí sonoïrï kïakamiïrï go gïï Rey sai bhodïrï tïanïna aanï go gïï Rey kiidïrï dai bïïxi maigobai xako ukami gatïanïi ïgai— itïtïdai Jose. 9—Xibi ipïrhidi aanï ix mïï nïida aapimï gin oga dai aagida sai maatïka ïgai sai kaxi gin maa gubukadagai Diuxi tami xi bïï sudakami tïanïda aanï tami Ejiptuïrï. Daidi abïr aagida sai otoma bhaigobai dibiagi— itïtïdai Jose. 10—Aagidabïrai gin oga aidï sai xako Gosenïrï tïgidu sai gamo oidakana dibiakai. Sai podukai miadïrï oidaka ïgai xako oidaga aanï tudu. Dai sai buapana maamaradï dai bopoxikadï dai bhabhaabhadï dai sosoigadï dai buxtuidadï. Xi ka mimiana óídaka aatïmï bïïxkatai— itïtïdai Jose. 11—Kia taama umigi mai tipuka agai kuadagai dïï aanï gïn nukadamu kia xi maitï gïn biïgakamu ixtumaxi. Pobai abïr tïda gin oga— itïtïdai Jose xixïgidï.

25Dai xixïgidï Jose iji Kanaanamu xako oidakatadai Jakobo go ogadï ïgai. 26Aagidi ïgai ix kia daja go Jose dai ix ïgai ïgai dai tïanïi mïï Ejiptuamu. Dïï Jakobo ka mos mai taada daiba tïïtïitoitai aatagidï maamaradï. Mai buaboitudaimi ïgai. 27Dai maamaradï aagidi ñokidï go Jose ix dukatai aagidi ïgai. Dai tïïgi go karereta ix makïdï otoxi go Jose ixtukïdï baidaja ïgai gïn oga gamo Ejiptuamu. Aidï gia ka sïïrhikïdï kïï bhai ïldan dui go Jakobo.

28—Xibi gia tumaxi gin biïga— itïi ïgai. —Kaxi ïr buaboi xi kia daja gin maara Jose tami oidigi dama. Bïïxkïrï nïidamu aanï kia mai kia mukukai aanï— itïi go Jakobo.

Currently Selected:

Genesis 45: NTP

Highlight

Copy