Exodo 9

Diuxi daitu kokodagai Ejiptuïrï óídakami sosoigadï abhana

6Xadiko koi go Ejiptuïrï óídakami sosoigadï. Dïï go Israelitas sosoigadï gia mai koi tomarhi ïmoko. 7Dai go Ejipituana Rey otoi ïmoko sai mïï nïidana go Israelitas sosoigadï buxtaki sa bhai koi. Sai go Israelitas sosoigadï mai koiñi tomarhi ïmoko. Dïï modukai mai ïïgiadan taadatu go Ejipituana rey dai mai dagito go Israelitas xi iimiagi.

10Moises ïmadï Aaron mïï nïidamu Ejiptuamu Rey ïpamu. Xibi bhïkati ïgai táí mataigadï ix makïdï ïmo daxdakauañdïrï bhïiyi ïgai. Daidi ami taiyako gigiki ïgai go matai buitapi go Rey. Dai gokïdï kabami oi iipoidagai go óídakami ïmadï modukai buxtaki.

23Daidi Moises taiyako bañigi ïkadï dai Gïr Nukadakami kokopuitu oidigi dai pïpïdultu ïpï taidi gïi tïayi bïïxi xïiduru Ejiptuïrï. 24Gïïpi soi maaxi idui go tïayi. Tomarhi ïmo imidagai mai nïidiña oidakami xi pomaaxi gïsïdagi tïayi Ejiptuïrï. 25Go tïayi bïïxi gïikakarai ixtumaxi oidigana oidaga Ejiptuïrï. Koi ïgai mui odami óídakami ïmadï buxtaki ïpï dai ïjïxidï óídakami bïïxi sasarai ïpï ïmadï uxi oidigana gukakami. 26Dïï gia Gosenïrï xako óídaga go Israelitas bhobai gia mai gïi tomarhi ïmo tïayi.

Currently Selected:

Exodo 9: NTP

Highlight

Copy