Deu 34
34
1Moises Moabïrï dajatadai xako gïï kaatï oidigi dai mai tipu óídakami. Dai abhiadïrï jii ïgai Nebo gidamu dai ka aïkai tïsai mïï Pisga tubidaki kugïrï. Go Pisga tubidaki buidïrï kïïka go kii Jeriko tïgidukïdï. Dai ami tubidakiañdïrï Gïr Nukadakami tïïgi Moises oidigi ix maaxi gamo Kanaanïrï xako baidaja agai aaduñdï. Tïïgi ïgai ix maaxi mïï tïïko Danïrï ukami bïïxi xako ukami ajïga Galadïrï oidigi. 2Tïïgi ïgai xako kaatï oidigi Neftalí tïgidukïdï dai Efraín dai Manases dai bïïxi go oidigi Juda tïgidukïdï mïï xako ukami kaatï gïï sudagi Mediteraneo agaikïdï. 3Tïïgi ïgai go Negeb dai go dïjoi xako kaatï go aki Jordan dai go dïjoi Jerikoïrï xako mui guka saubarhi. Bïïxi tïïgi ïgai oidigi ix maaxi Soarana ukami ïpï.
4Daidi potïtïdai Gïr Nukadakami go Moises,
—Gobai ïr go oidigi ix makïdï aagidi aanï go Abraamkaru dai Isaakaru dai Jakobokaru ix makïdï maakia iñagai sai ami óídakagi piipixaradï— itïtïdai. —Gï tïïgida in ïrhidi aanï pai nïijada aapi tabhiadïrï tomaxi aapi mai baakimu gamoko— itïtïdai.
5Dai Moises, go otosadï, Diuxi ugidagai ami Moabïrï. Ïkiaxdïrï ka podukai agaitadai Gïr Nudakakami dai ka pobïduiyi.
8Daidi bhodïrï ïmokobhai dan bhaibuxtama tasai aïkami ka mos susuanïi go Israelitas darakatai ami Moabïrï xako kabami ïgiga oidigi. Podui ïgai tïtïitoitai ïgai go Moises tudu. Po kaki tasai gïn biturhi ïgai xadutuadagi xi kaxkïdï po kaki tasai mos suanïi ïgai.
9Dai ïmo maradï Nun, Josue tïgidukïdï, Israelitas bhaitï kïakamigadï bii xibi. Aidïxi kia dajatadai Moises, go Moises darai noonobidï Josue dama dai podukai daibuna kïï sïïrhiñikami tïgibudagai. Kaxkïdï go Israelitas ïïgida kaï go Josue dai ïïgidi go sïïrhikami ïpï ix makïdï Gïr Nukadakami ka maatadai go Moises ïkioma.
Currently Selected:
Deu 34: NTP
Highlight
Share
Copy
Want to have your highlights saved across all your devices? Sign up or sign in
Copyright: Ethnos360 Sanford, Florida
