Kə̀fàʼ Ayiə yə ŋwàʼà kə̀ kaʼ tsə nəniy ate
Ayiə yə ŋwàʼà kə̀ kaʼ tsə nəniy ate
Ŋwàʼà kə fàʼ kə aghê ntwum ə̀ Yesù kə̀ nam də̌ ntwum ìdzòŋə̀ yə̀, Lukâs kə twâ ì namə zê ndùŋə̀ nəniy. Sələ kə iyiə kə ghu twâ nəniy ŋwàʼà kə̀ ate, à də̀ ani dzày bə̀ yəə aghee səsə yə ghu kə dzwumə̀ nəniy Yesù. Ghu kə nìy fyi yə̂ nəniy nə̀ ntwùm ìdzòŋə̀ yə̀ kwùmə̀ yə̀ nə̀ Yesù anə daʼa kə Zwàykə̀zwekiy kə nyiə̀ â ghu. Ghu nàʼà ntwùm ìdzòŋə̀ yə̀, “Anə inaʼ i Yèlusalèm, nə̀ a mbwòʼ ə̀ Dzudiyà, nə̀ ìnaʼ i Sàmaliyà yìy nə̀ bə̀dlə̀ tə mbyi tə idzə̀m.” 1.8. Ŋwàʼà kə̀ dzìy bə̀ àyiə yə aghû yə̀ ghu bɛmə nəniy awò Kə̀litò ghu kə kaʼ bə̂ nəniy anə aghě Dzû a Yèlusalèm abù Kə̀litò zɛmə dzwoŋi kə ani ipfə i bù dòʼò bə̂ ibɛmə i mbyi dzə̀m yìy.
Kwab kə iyiə kə̀liy kiy ŋwàʼà kə̀ dè bə̂ nəniy, à də yiə Zwàkə̀zwekiy kə bû nəniy nə̀ daʼa kiy ate azoŋə̀ àghù yə̀ ghu kə bɛmə nəniy Zə̀kìy anə inaʼ i Yèlusalèm anə ntsuk fə Pentekùs bù nyə̀ tsə aghee dzəŋə k-a-zə̀, nə̀ àghù yə̀ ghu kə də utuw wiy. Ayiə yə àdzə̀m a twâ dòʼò fə anə ŋwàʼà kə̀, a dê bə̀ kə yəə Zwàykə̀zwekiy kə faʼà nəniy ate anə mùə̀ tə ghù yə̀. Ntwùmə̀ Kə̀zə̀ àghě səsə yə ghu kə bɛmə Kə̀litò a də ani kyày fyi kə ndə̀mə̀ ndə̀mə̀ tə ntwùm ə̀ Kə̀zə̀ ate. Ayiə yə a twâ dòʼò nəniy anə ŋwàʼà k-a-fàʼ a dê bə̀ daʼa kə ntwùm ìghè yə̀ anə mùə̀ tə aghě Kəzə̀ nə̀ anə dzəŋə kə aghě Kəzə̀.
Ŋwàʼà kə̀ byay dòʼò aghii
Yesù byay na tsə ghu ani dzày àyiə kwùmə̀ yə̀ nə̀ we 1.1-26
1. Ntwum yə Yesù kə nyiə̀ gwùŋì tsə nə̀ tɛb kə ù kə nyiə̀ gwùŋì tsə 1.1-14
2. Wù wə̀ ù kə nìy tuw kə Dzudà kìy 1.15-26
Ayiə yə ghu kə tyi dzây anə inaʼ i Yèlusalèm 2.1–8.3
Ayiə yə ghu kə tyi dzây anə inaʼ i Dzùdiyà nə̀ ìnaʼ i Sàmaliyà yìy 8.4–12.25
Fàʼ kə Pôl 13.1–28.31
1. Ibwiiy Pôl isə sə yiy ani fyi nàʼà kyabi ntwum 13.1–14.28
2. Dzəŋə kə aghě ntwùm ə̀ Yesù nə̀ ŋgəd tə ndàw dzəŋə k-a-zə̀ a Yèlusalèm 15.1-35
3. Ibwiiy i Pôl zəŋə yə̀ nsòŋə imbè ani fyi nàʼà ntwum 15.36–18.22
4. Ibwiiy i Pôl zəŋə yə̀ nsòŋə inti ani fyi nàʼà ntwum 18.23–21.16
5. Ghu fè na Pôl a ndàw ntsaʼ anə inaʼ i Yèlusalèm, nə̀ a Kàsaliyà, nə̀ a Lûm 21.17–28.31
Currently Selected:
Kə̀fàʼ Ayiə yə ŋwàʼà kə̀ kaʼ tsə nəniy ate: isu
Highlight
Share
Copy
Want to have your highlights saved across all your devices? Sign up or sign in
© CABTAL 2023