Matəw 6
6
Anó da inaʼ u aghəy abú ba ingəʼ
1 #
Mat 23.5
Yeso gha ghayn abú mbə́ məŋə-anó ma kwi, “Mbən num amaʼ kwi ka mbən aghəy ngwen unó mbənə ukəʼərə ifigi ba aba kwi uzən gwen.” Mbən bə aghəy nigə, nji cha Mbaʼ ŋunə umə azobo mi choʼo ma afaʼa inen.
2“Anigə Amaʼazənə ngwə naʼa aghəy moʼ abú wa ingəʼ, i toŋo ayə taŋa kwi, ba kyay numugə ba figə unó mə aghəy ungɨŋ na chaʼara Nwiye foro iyad inji da ba yere úŋwen. Ayə ghayn asiʼ inen kwi mbə́ si məŋi nə uchoʼo afaʼa uma. 3Asɨmə ngwə bə naʼa aghəy moʼ abú wa ingəʼ, ibeni ayə kwi injə abugə kyabay kyay anó zənə abugə jəgi mə aghəy. 4Anigə aba ngwə mi kyay. Ngwə bə aghəy nigə, Mbaʼ ŋunə u zən anó zənə ngwə aghəy anjim anjim yi choʼo afaʼa inigə.”
Anó da ichaʼara Nwiye
5 #
Luk 18.10-14
Yeso ŋu imbey ighayn kwi, “Amaʼazənə mbən mə chaʼara Nwiye, mbən ichomo ngwen nə mbə figə unó. Mbə́ wuʼ imə itəmə atey ungɨŋ na bumi ba Jû foro iyad nji ichaʼara Nwiye. U mbə́ aghəy nigə da ba zən úŋwen. A yə ghayn asiʼ inen kwi, mbə́ si məŋi nə uchoʼo afaʼa uma. 6Asɨmə, Amaʼazənə ngwə bə mə kaba ichaʼara Nwiye, nyi ungɨŋ atəw na ighəbə ubunuʼ ichaʼara Mbaʼ ŋunə cha umə zən uŋwen. Anigə, Mbaʼ ŋunə umə zən unó mbənə ngwə mə aghəy anjim anjim yi choʼo afaʼa inigə. 7Amaʼazənə mbən mə chaʼara Nwiye, mbən mə ghayn ngwən unó nanaʼ nu cha iwe awu numugə ba mbənə cha udi kyay uma Nwiye umə aghəy. U mbə kono kwi, unwiye ma umbi zəw achaʼara uma damugə umə ghayn unó nanaʼ. 8Mbən mə aghəy ngwən nu úŋwen. Úŋwən Mbaʼ si kyay u aghəy mbənə mbən mə kaba ki mbən sə biri. 9Anigə, mbən ki chaʼara Nwiye akə nji zəŋ,
‘Ungwa mbaʼ ŋunə umə azobo,
Ghəy kwi mba ni wumine ungwə ukum,
10Injə anó ufon zaʼa,
Ba ughəy unó mbənə ngwə kaba akə igun isəg numugə umə aghəy azobo.
11Naʼa ijəg tənə ikoʼoro ina akə̂choŋ.
12Wa umba unó iboŋ,
Numugə mba si wa unó iboŋ ba mbənə u aghəy anó iboŋ ina.
13Ibeni ayə kwi anó moʼ kwaʼara ngwa,
Asɨmə chiyə ngwa akə unó iboŋ.’#6.13 Damugə anó ufon nə ikay foro uzayn amə injigə akə ighari ujum. Amə nigə.
14 #
Mak 11.25, 26 Mbən bə́ waʼ unó iboŋ ba umbi, úŋwen Mbaʼ ŋunə umə azobo yi waʼ umbən. 15Mbən bə ki waʼa ngwen unó iboŋ ba umbi, cha uŋwen Mbaʼ mi waʼ ma umbən.”
Anó da ijiyə injəy
16Yeso ŋu imbəy ni ghayn kwi, “Amaʼazənə mbən mə ijiyə injəy, mbən mə miyə ngwən ifigi numugə ba figə unó mə aghəy. Umbə miyə ifigi uma da ba zən kyay kwi umbə ijiyə injəy. Ayə ghayn asiʼ inen kwi, mbə si choʼo afaʼa uma. 17Amaʼazənə mbən mə ijiyə injəy, mbən səw injən ifigi, iswiʼi injən atəw, 18da ka ba kyay uma kwi mbən yə ijiyə injəy. Aba ungwən Mbaʼ ŋunə cha umə zən mi kyay. Anigə ungwən Mbaʼ ŋunə umə zən afaʼa zənə mbən mə faʼa yi choʼo afaʼa inen.”
Anó da imbon azobo
19 #
Jem 5.2, 3 Yeso ŋu imbəy ighayn kwi, “Ka mbən siy ngwən imbon akə igun isəg nu amə asin zənə ukod foro anyá mi chiŋe foro asin nu iji mi ito. 20Mbən siy imbon amə azobo nu amə asin zənə cha ukod kə anyá mi chiŋe nibə asin nu cha iji mi ito. 21Damugə, asin zənə injə imbon mə akuŋ, amə akuŋ injə fiŋ mə awu.”
Ighɨ amə anam abú inyo
22Yeso ŋu imbəy ighayn kwi, “Ighɨ amə a nam abú inyo. Amaʼazənə injə aghɨ mə anji chuŋ, inyo ujum yə zayn. 23Asɨmə aghɨ bə ka ma anji chuŋ, inyo ujum yi fid. Anigə uzayn zayn ŋunə umə ungɨŋ inigə bə beŋe sə fire, nji usin mbi fid chigə abugə.”
Anó da Nwiye foro anó da imbon
24Yeso ŋu imbey ghayn kwi, “Cha wa moʼ awu nu umə afaʼa abú umbaʼ faʼa ubigə, damugə u yi iban wa feyn iwuʼ feyn. Kə u yi mə faʼa abú wa feyn akə fiŋ ujum cha umi mə faʼa abú feyn akə fiŋ ujum. Cha amə aghəy ngwə ni faʼa abú Nwiye nibə faʼa kwi imə nə imbon.” 25Anigə ayə ghayn inen kwi, ka mbən mə tumə ngwən inyo kwi amə ngiya mbən mi jəg kə nugə kə da ndwi kwi amə ngiya mbən mi zi. Aka itəni chigə ghəy jəgi, aka nyə̂ inyo chigə ndwi? 26Mbən ney inen, cha imə kono u ghəy, cha imə jaŋa u ghəy iŋu cha ungɨŋ ingən. Anigə amə Mbaʼ ŋunə u mə azobo mə jəy iŋwen. Mbən waʼa ki chigə ŋwən akə inen? 27Amə ngwa injən akaʼa nu ubə tumə inyo uyi zwey awa feyn igun uney mbənə umi chomo ungɨŋ isəg?
28Mbən mə tumə inyo da ndwi kwi ngiya? Mbən ney nji zənə uflawa mə ikwey, cha umə faʼa akə baʼa ndwi abú inyo ma. 29Anigə ayə ghayn inen kwi, kaba ufon Solomon nu yə mə gha ma ungɨŋ imbon, cha yə mə ama nə ndwi moʼ ni yə boŋo ikoʼ akə flawa moʼ akaʼa uflawa mbəŋ. 30Amə Nwiye mə zi ndwi akə ufəʼ ŋunə u mə ikiʼi akə̂choŋ, asugə u maʼ ungɨŋ uwəd. Aka uŋwen mi na ndwi inen chigə mugə u mə zi abú ifəʼ? Injən ibeni fiŋ kaŋa ikweʼ! 31Anigə, mbən mə tumə ngwən inyo kwi, “Mba mə ŋu jəg ngiya” Kə kwi, “Mba mi zi ngiya?” 32Ba mbənə cha u kyay ma Nwiye umbə tumə inyo da u ghəy mbəŋ. Ungwən Mbaʼ ŋunə umə azobo kyay kwi mbən yə kaba u ghəy mbəŋ ujum. 33Asɨmə mbən kaba anó ufon ma nibi aghəy unó mbənə ukəʼə anigə u yi naʼ u aghəy mbəŋ ujum inen. 34Anigə, mbən mə́ tumə ngwən inyo da aney asugə damugə aney asugə yə nə unó ma. Aney feyn feyn yə nə ingəʼ ma.
Currently Selected:
Matəw 6: NGI
Highlight
Share
Copy
Want to have your highlights saved across all your devices? Sign up or sign in
© 2023 CABTAL
