Yohane 1

Mawu owaavaha athu okumi

1Vawaambawaamba oyo aneeriwa Mawu aari arivo khalle. Mawu yaayo yaari wa Mulluku nave Mawu yaalla tti Mulluku. 2Ovenyera vawaambawaamba Mawu yaayo yaari wa Mulluku. 3Mulluku aaphatusa ddeko ddittheddene oweella mwa Mawu nave kheyiivo ello naari emodda yaphatusiwe yahaarikivo yaayo. 4Mwa yaayo mwaakhalla okumi#1.4 Mwa…okumi: apaalle Nnddo ddaphatusiwe ddookhalla ni okumi mwawaattana ni Mawaayo. nave okumooyo waari owala wa athu. 5Nave owalanko onnamolleella mwiipiphini nave epipheeyo khenathiimiha owalanko.

6 # Mat 3.1; Mrk 1.4; Luk 3.1,2 Mulluku aamurumiha muthu, nnddina naye Yohane. 7Olliye aawa wi akhalle mboni a owalanko wi attheene ekhulupilile ekaamba ya ombonaaye. 8Olliyoolla khaari owalanngu koma aawa wi akhalle mboni a owalanngu. 9Nngu sika owala wawoona nko onavollowa mu ellapo yavatthi ni omolleella va athu attheene.

10Oyo eeriwa Mawu aari mu ellapo yavatthi nave naari Mulluku aphatusalle ellapo yavatthi oweella mwa olliye koma ellapo ya vattheeyo kheyaamudduwenlle. 11Olliye aawa owaniwa koma athu a owaniwaayo kheyamwaakhenlle. 12Koma attheene ayo yamwaakhenlle olliye ahaavaha masiva wi ekhalle anamwani a Mulluku, wa ayo yakhulupililalle nnddina naye. 13Okhalla mwaana a Mullukunngu khawaavenyenre mu oyariwa woomuthwiiwa apaalle o opaalla wa mwiilli apaallettho o opaalla wa muthu koma wavenyenre wa Mulluku.

14Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

15Vano Yohane aavelleella omboni dda olliye. Aakhuwa wi, “Olla sika kamwaakeemi kalloteemi wi, ‘Animawa vatulli vaka nave tti ookikhwaranya kaambiiwa miyaano kihinayariwe aari arivo khalle.’ ” 16Ovenyera mu oddalla wa echisomwaaye olliye oonidalisa hiyaano attheene nave oonivaha echisomo moowaata. 17Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu. 18Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Othenga wa Yohane Oobatiza

(Mat 3.1-12; Mrk 1.1-8; Luk 3.1-18)

19Olla sika omboni wa Yohane mvo attekweene a Ayuda* a o Yerusalemu yaarumalliiwa allupa mukutho ni Alevi, oorumeyella allupa mukutho wi yamukohe Yohane wi, “We ttaani?”

20Yohane khaakhootille owaakhulla koma aallota mwawiiweya wi, “Mi khe Mesiya.”* 21#Mlk 4.5; Deu 18.15,18Yaamukoha wi, “Vano weyaano ttaani? Weyaano tti namallotella Eliya?”

Yohane ahaakhulla wi, “Mi khe Eliya.”

Yaakoha wi, “We tti namallotella?”#1.21 namallotella: Oyo atiyeriwa wi ooneye wi allalleye dda owa wa Mesiya.

Ahaakhulla wi, “Khe miyaano.”

22Yaallota wi, “We ttaani? Ninnapaalleya wi naalleelle phaama ayo yaanirumalle hiyaano. Onallota tini dda weyaano weekhaawo?”

23 # Yes 40.3 Yohane ahaakhulla voollotani mawu a namallotella Yesaya wi,

“Mi tti okhuwa wa muthu mmodda muchipululuni, onallalleya wi,

‘Okollani musewu wa Apwiya.’ ”

24Nave athwaayo yarumiwe ni Afarisi.*#1.24 Nave…Afarisi: apaalle Ayo yarumihiwe yaari Afarisi. 25Nave yaamukoha wi, “Kaambiiwa tini onabatizeewe ohiri Mesiya apaalle Eliya naari namallotella?”

26Yohane ahaakhulla wi, “Kinuubatizani ni maaddi koma variyari va nyuwaano vohiimella muthu mmodda muhinamudduwelleenyu. 27Animawa mutulli mwaka nave miyaano ngiphwanenlle naari ottaphulla mikwe dda esapato ddaye.”

28Ddeko ddittheddenenndda ddaheereya mu etawoni ya Betaniya, okhopella wa muhinje wa Yordani nko Yohane aariiye abatizaka.

Yesu, Mwaanaankhosa a Mulluku

29Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi. 30Olla sika kamwaakeemi kalloteemi wi, ‘Animawa vatulli vaka nave tti ookikhwaranya kaambiiwa miyaano kihinayariwe aari arivo khalle.’ 31Miyaano ngaamudduwenlle wi aari wonanko aani koma kaawa kibatizaka ni maaddi wi adduwelliwe ni athu a o Israele” 32Nave Yohane aavelleella omboni allota wi, “Kahoona Munepa Waweella akitthaka wonanko ekhunda avenyeraka oddullu nave akhalla va olliyooyo. 33Miyaano ngaamudduwenlle wi aari wonanko aani koma Mulluku oyo aakirumihalle wi kibatize ni maaddi, aallota wa miyaano wi, ‘Oneerewoona Munepa Waweella akitthaka nave aneerokhalla va muthu. Yooyo sika anabatiza ni Munepa Waweella.’ 34Sika kohoona yeella nave koovelleella omboni wi yoolla tti Mwaana a Mulluku.”

Oohuddera awaamba a Yesu

35Osaka wene Yohane ahiimella vamodda ni eelli a oohudderaaye. 36Aamoonilleeye Yesu aviraka aallota wi, “Mwaanaankhosa a Mulluku.”

37Oohuddera eellaalle yaamwiiwa olliyooyo allotaka yeella nave yaamuthwara Yesu. 38Yesu aarukunuwa awoona alliwa emuthwaraka nave ahaakoha wi, “Munaasha tini?”

Yaamwaakhulla wi, “Munakhalla wuuwi, Rabi?” (Rabi anattaphullella, Muhuddihi.) 39Olliye ahaakhulla wi, “Waawoni moone.” (Enthawi yeella yaari yaatamenlle 4 koloko misikuwa.) Yaawa yoona mvo akhalleeye nave yaakhalla ni olliyooyo nllapo nenno.

40Mmodda a eelli ayo yamwiiwalle Yohane allotaka nave yamuthwanre Yesu aari Andreya, mwanamunne a Simoni Petro. 41Enthawi yeeyo aaya wa mwanamunne Simoni nave aamulleella wi, “Hi noomphwanya Mesiya.” (Mesiya anattaphullella Khrisitu.) 42Eerille ddiiddo aamukusella Simoni wa Yesu.

Yesu aamuweha allota wi, “We tti Simoni, mwaana a Yohane koma oneeroromolliwa Kefa.” (Petro ottaphullella nlluku.) 43Osaka wene Yesu aapaalla oya o echigawo ya Galileya. Aamuphwanya Filipo,* amulleella wi, “Kithware!” 44Filipo aari oovenyera o etawoni ya Betisaida, owaniwa wa Andreya ni Petro. 45Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.” 46Natanaele ahaakoha wi, “Ethiyo o Nazareti ttuuvenyera ello yaphaama?”

Filipo ahaakhulla wi, “Waawo woone.” 47Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

48Natanaele aamukoha wi, “Mwaakidduwenlle miyaano mwawiidde?”

Yesu ahaakhulla wi, “Kaawoona weyaano vatthi va muteekho wanamukuyu, Filipo ahinawiithane.”

49Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

50Yesu aallota wi, “Onakhulupilila kaambiiwa kahuulleella wi kaawoona weyaano vatthi va muteekho wanamukuyu? Oneerewoona ddeko dduullupalli ddookhwaranya ddenndda!” 51#Gen 28.12Nave aallota wa yaayo wi, “Ddawoona, kinimuulleellani wi muneerewoona oddullu woohulleya nave angelo a Mulluku ewellaka ni ekitthaka vakhuviru ni miyaano Mwaana a Muthu.”

Currently Selected:

Yohane 1: MW2019

Highlight

Copy