Mitteko 1

1 # Luk 1.1-4 Ooriiheya Teofilo, valle mu nibukhu naka nawaamba kaalemba dda ddeko ddittheddene Yesu eereeye owaaka ahuddiheeye ovenyera va nllapo aambilleeye muttekwaaye 2ophiyera nllapo awellihiweeye oya oddullu. Ahinawellihiwe, ahaalamulella mwamasiva a Munepa Waweella allopwana aatthoonlleeye wi ekhalle amurummwaaye. 3Mwa mallapo 40 vatulli va ohoosiwa ni wiiphiwa waye, ahooniha mu ettilla ddoohiyanahiyana wi aavenyihiwa wa ookhwa. Aaddoonihella wa alliwaayo navettho aallota wiilliwiilli dda omwene wa Mulluku. 4#Luk 24.49Yaariiwana nimodda,#1.4 Yaariiwana nimodda: apaalle Akhalleeye ni alliwa: apaalle Acheeye ni alliwa. Yesu ahaalamulella wi, “Muhivenyewo o Yerusalemu koma mutiyere ophiyera mwaakhenlle emphaso ya Attiitthaaka kalonjezilleemiille. 5#Mat 3.11; Mrk 1.8; Luk 3.16; Yoh 1.33Vallethi Yohane aabatiza ni maaddi koma vihinavire mallapo manchichi muneerobatiziwa ni Munepa Waweella.”

Yesu anawellihiwa oya oddullu

(Mrk 16.19-20; Luk 24.50-53)

6Amurummwa yaariiwa nimodda, yaamukoha Yesu wi, “Apwiya, mallapo yaalla muneerohokollosellattho omwene wa Israele?” 7Yesu aallota wi, “Khonaphwanella wi nyuwaano mudduwelle dda enthawi ni mallapo ayo Attiitthaaka ekeraatthihalliiwa mwa olamulellwiiwa wi nndda ddeereye. 8#Mat 28.19; Mrk 16.15; Luk 24.47,48Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.” 9#Mrk 16.19; Luk 24.50,51Allotilleeye ddenndda, yamoona awellihiwaka oya oddullu nave aavollowa m'miraponi ahooneyattho.

10Alliwaayo emuwehaka olliye ayaaka oddullu, moorurumusa allopwana eelli oowara mikanjo ddaweella yahiimella vakhwipi viwa. 11Allopwana yaalla yaallota wi, “Nyu Agalileya, mwiimellelle tini munaweha oddullu? Yesu oyo aawellihiwe oya oddullu ovenyera wa nyuwaano, aneerohokollowattho wonanko mmo mwamoonilleenyu ayaaka oddullu.”

Otthoolliwa wa oovollowa munipuroni mwa Yudasi

(Mat 27.3-10)

12Vano amurummwa yaahokollweella o Yerusalemu ovenyera o mwaango wa Olivi, oyo waatamanne ni Yerusalemu olendo vakhuviru nikilomita nimodda. 13#Mat 10.2-4; Mrk 3.16-19; Luk 6.14-16Yavollowilliiwa m'muzindanimmo yaaya o echipinda yavaddullu nko yakhalliiwawo. Amurummwaayo yaari: Petro, Yohane, Yakobo, Andreya, Filipo,* Tomasi, Bartolomeyu, Mateyu, Yakobo mwaana a Alifeyu, Simoni a mulloko wa Aziloti ni Yudasi mwaana a Yakobo. 14Yaanavekella wiilliwiilli ni murimiiwa muttheene moowiiwanana, vamodda ni atthiyana ni Mariya amennya a Yesu navettho asinne a Yesu.

15Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi, 16“Asinnaka ni arokoraka, waari woophwanella wi mawu a Mulluku ekwakhwanihiwe mmo Munepa Waweella allotilleeye oweella mwa Davide ollotella dda Yudasi, oyo aari owaahoollella ayo yamuphanre Yesu. 17Yudasi aari mmodda a mullokwaahu vawi aatthoolliwattho wi niphareke nimodda muttekwaahu.”

18 # Mat 27.3-8 Vano Yudasi aakulla emata ni makobiri ayo allivelliweeye va onanara murima wayenko. Wenko aamora atthipella murwaaye vatthi sika aaphulleya nave marupwaaye yaakhumella vaatte akhwa. 19Athu attheene ookhalla o Yerusalemu yaadduwella ddenndda nave mu ellotellwiiwa yaaromolla emateeyo wi, “Akeledama.” Ottaphullella wi, “Emata ya Nikhame.”

20 # Mas 69.25; Mas 109.8 “Vawi moolembiwa mu nibukhu na Masalimo wi,

‘Enyumbaaye etthaamiwe,

nave muhikhalle muthu oyo anaakhallekemo.’

Moolembiwattho wi,

‘Muthu mmodda akuse muttekwaaye.’

21-22 # Mat 3.16; Mrk 1.9; Luk 3.21; Mrk 16.19; Luk 24.51 “Sika tti woophwanella wi mullopwana mmodda atthoolliwe wi akhalle mboni a ovenya wa ookhwa wa Apwiya Yesu. Anaphwanella akhalle mmodda a allopwana ayo yaari nimodda ni hiyaano enthawi ettheene naariihu nimodda ni Apwiya Yesu, waambeella mvo Yohane amubatizilleeye#1.21-22 waambeella…amubatizilleeye: apaalle enthawi eyo Yohane allalleyilleeye dda obatiziwa. ophiyera nllapo awellihiweeye oya oddullu ovenyera wa hiyaano.”

23Vano yaaromolla manddina a athu eelli, Yosefe ooromolliwa Barasaba oyottho aromolliwa wi Yusuto ni Matiyasi. 24Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla 25wi akhalle oorumeyellaanyu ni murummwaanyu ovollowa munipuroni mwa Yudasi oyo akhwille moollikana ni mmo aphwanenlleeye.” 26Yahoombesa nave Matiyasi aatthoolliwa akhalla murummwa nimodda ni amurummwa amodda khumi ni mmoddaayo.

Currently Selected:

Mitteko 1: MW2019

Highlight

Copy